صوت تزييق - ابيزا 2001

**mahmoudayman** · 16-09-2013 04:20 PM

بسم الله الرحمن الرحيم
انا كنت كاتب من فتره اني لسه مركب تكييف و طبعا فرحان بيه و كل ما اركب العربيه اشغله المهم انا كان عندي صوت تزييق بيطلع لو مشيت علي ارض مش مستويه صوت زي ما يكون بلاستيك بيحك في بلاستيك قولت اكيد الصوت من الباب عشان كان في كلبسات مش موجوده اصلا و اللي موجود مكسور ركبت كلبسات جديده و دقيت مسامير في الباب و روحت للسروجي برده معرفش الصوت منين الصوت ده كان عندي من اول ما اشتريت العربيه بس باين اوي عشان دلوقتي انا بقفل الازاز

**SYD** · 16-09-2013 06:01 PM

أصوات التزييق احنا قايلين قبل كدة انها من ضمن اشهر العيوب في الأبيزا والبولو والجولف كمان
ودي ليها عدة مصادر
1- الأبواب
2- الكراسي احياناً
3- التابلوه

ماتحطش في دماغك لأنك هتدوخ وراها عشان تعرف تمنع الصوت

تحياتي

**hossamalsadik** · 17-09-2013 07:11 AM

اصل موضوع التزيق احيانا بيحتاج مراجعه كامله وبيبقى الموضوع شاق شويه
يعنى الكراسى تتربط عشان تتثبت كويس
التبلوه بيحتاج مراجه كامله وتربيط من أول وجديد
وممكن الصوت يكون من بره من عند المساعدين
وعمتا افضل ورا الصوت يمكن تقدر تحدد مصدره أنا عارف ان الموضوع مزعج شويه وخاصة ونتا قافل الزجاج
وممكن يضيع فرحة التكييف

**Karim Ibiza** · 17-09-2013 10:57 AM

فبر القايم بيكون فيه تراب فى المجر بتاعته يا محمود

**ehab_mansour** · 17-09-2013 06:07 PM

احسن طريقة لمعرفة العيب ...
1- حدد مصدر و اتجاه الصوت
2- ركب واحد جنبك بيفهم شويتين و قله دورلي الصوت جاي منين ؟؟؟؟!!!!
3- خليه يمسك اي حاجه بتتحرك و يزقها ولا يشدها ولا اي حاجه لحد ما يروح الصوت و هنا يكمن السبب العجيب للصوت ....
4- فك الجزء ده حته حته و دور علي المصدر و انت هتوصله ولو فيه اجزاء بلاستيك بتحتك ببعضها اديها رشتين wd40 او نقطة زيت صغيره او عك ايدك شحم و ماشيها عليها هيروح الصوت
5- ركب كل حاجه كما كانت

للعلم انا حليت اصوات كتير بالشكل ده و ملكش غير كده و انسي الصنايعيه و الميكانكية و الفتيين لأنهم هيشتغلوك كتير في القصة دي و مش هيحلوها و هتدفع فلوس في حاجه ممكن نكبر دماغنا منها لأنها كماليات ....
لو موصلتش نصيحة مني .... كبر دماغك ... علي صوت الكاسيت شوية و لكن بشكل لا تزعج فيه الأخرين ... استمتع و كبر مخك

**mahmoudayman** · 18-09-2013 03:22 PM

المشاركة الأصلية كتبت بواسطة sala7

الهاتش باك معظمه كدا و خصوصا الصوت اللي بيجي من الفبر بتاع الجزء الخلفي (الشنطه) .. و ام الرف اللي دايما سايب مع المطبات ..
احسن حل اول ما تركب العربية حتتين قطن في ودانك و استمتع بالقيادة الهادئة

الفكره ان حتي القطن مش هيجيب فايده انا بحس الصوت جنب ودني و كل ما اقرب من اي حاجه عشان احاول اعرف مصدر الصوت برده مش بوصل لحاجه

-

الموضوع: صوت تزييق - ابيزا 2001

LinkBack

أدوات الموضوع

عرض

-

-

-

-

المواضيع المتشابهه

بولو 2001 ولا ابيزا 2001 ؟؟

تركب ايه؟:ابيزا 2001-بولو 2001-فابيا 2003-بيكانتو 2005؟

ابيزا 2001

بيجو 206 موديل 2001 ولا ابيزا 2001

ابيزا 2001

الكلمات الدلالية لهذا الموضوع

المفضلات

المفضلات

ضوابط المشاركة