الموضوع: التسليح الروسي !!!!!!!!!

المشاركة الأصلية كتبت بواسطة eslamrace

طيب حسب مفهمت ان ساحه المعركه حاليا بالمقارنه بين مصر واسرائيل حتبقى هى مسرح العمليات فى سيناء والصورايخ الخاصه بينا ملهاش لازمه كاضرار ليهم بسبب الدرع الصاروخى بتاعهم وطيرانهم مش هيتعبنا قوى بسبب درع الطيران والدفاع الجوى الخاص بينا وبالتالى حسب مفهمت اننا حنرجع لاجواء الحروب القديمه وطالما الحرب على ارض سيناء وعلى حدودها فاظن دى ليها افضليه فى صالحنا لاننا ادرى بشعابها واكثر قدره على تحمل اجواءها ولو انتقلت الحرب للجو عن طريق الطيران فأظن لنا الغلبه حتى لو التكنولوجيا مش معانا فقدرات الطيارين المصريين افضل بشهاده الجميع اثناء حرب اكتوبر برغم اننا كنا بنحارب بالميغ وهما بيحاربونا بالميراج فهل من الكلام ده افهم ان توازن القوى موجود بينا وبينهم الا لو انتقلت الحرب لاننا نحارب امريكا زى اخر ايام حرب اكتوبر.

تقديرك ده حقيقى الى حد كبير و ده اللى بيخلينى تملى اقول ان مصر و اسرائيل خصمين متكافئين كل واحد عارف قدر التانى كويس اوى حتى ان تفوق احدهما على الاخر فى بعض النقاط . . . بص تصريح حديث زى ده و جاى امتى على بعد ايام قليلة من ذكرى حرب اكتوبر. . . شوف الاسرائيليين مع كل جبروتهم بيحسوا بأيه لما يفتكروا ذكريات حرب اكتوبر:
وزير الدفاع الإسرائيلى: حرب أكتوبر علمتنا عدم الاستخفاف بالعدو

كل ده لان حرب اكتوبر كانت معجزة عسكرية بكل المقاييس. . . اتغلبت فيها الارادة المصرية على كل العراقيل التى وضعها العدو الاسرائيلى فى طريق الرجال اللى كانوا كلهم تصميم على اتمام النصر بالادوات المتاحة مهما كان قصورها. . . يكفى معجزة الحندى الفرد امام الدبابة. . . فى كل الحروب السابقة على 73 كانت الدبابة تظهر يهرب المشاه و يختبئون. . . فى اكتوبر كانت الدبابات هى التى تسارع بالهروب من ضراوة النيران عليها من اطقم صواريخ ال م.م.د رغم خطورة انك تقف فى العراء تنصب منصة الصاروخ و تطلقه و توجهه و تنتظر اصابة الهدف. . . بس الرجالة كانت بتستهين بالخطر بشكل اعجازى يفوق غريزة الحفاظ على النفس. . . و بالتالى النتائج كانت مذهلة للجميع و تخرج عن اطار الحسابات العسكرية التقليدية . . و قيس على ده كتير. . . اثناء دراستى و فى دورة التدريب العسكرى فى الجامعة. . . صادف ان اللى اعطانا الكورس بتاعها ظابط دفاع جوى فى حرب اكتوبر. . . قلبنا معاه الكورس ده الى جلسات استماع لذكرياته عن الحرب. . . من القصص اللى حكاهالنا و مازالت عالقة فى ذاكرتى حتى الان رغم مرور عشرين سنة . . قصة احد جنوده على مدفع مضاد للطائرات اللى شافه بعينه بيستمر فى الضرب على طيارة فانتوم تمكنت من اصابة موقعه اصابة مباشرة. . . و ادت الى فقد هذا الجندى لنصف جسده الاسفل كاملا الا انه استمر فى الضرب عليها الى ان اسقطها و بعدها سقط على الارض و اسلم الروح. . . ايه ده و ايه الروح دى. . . هو ده بالتحديد اللى بتخاف منه اسرائيل لان ده اللى شافه و عرفه جنودها مهما كان تقدم اسلحتهم و اختبائهم وراء احدث طائرة و اقوى دبابة و مظلة الدفاع الجوى التى لا مثيل لها

معلش فى النعليق اللى فات جرفتنى مشاعرى شوية و اتكلمت بشكل عاطفى اكتر منه عقلانى. . . بس فى الحقيقة حرب اكتوبر هى نقطة ضعفى. . . منذ زمن طويل وقعت فى غرام اسطورة اكتوبر بقلبى قبل عقلى. . . و عندما اراد العقل النقدى اختبار صحة الاسطورة بالقراءة و الفحص و الدرس و استطلاع شهادات الاعداء قبل الاصدقاء. . . وجد ما اذهله. . . و اكد الاسطورة و انها اقرب الى الملحمة الكبرى منها الى الاسطورة. . . بطلها الانسان البسيط ابن هذا البلد. . . الذى يفعل المستحيل اذا ما توافرت له الادوات. . . و نفسى كل الناس تقرأ و تعرف و تكتسب طاقة تمكنها من الاصعب. . . البناء و الحياة لهذا البلد و لنا فيه

و لان العقل فاق بسرعة من انقياده للعاطفة :-) فأحقاقا للحق. . . لازم نقول اللى لينا و اللى علينا. . . و اقرر حقيقة مهمة توصلت لها برضه من خلاصة قراءاتى عن حرب اكتوبر. . .محتاج اقرر ان ما فعله الاسرائيليين فى فتح الثغرة حينما احسوا بالتهديد الشديد لوجودهم فى الايام الاولى للحرب. . . ما فعله الاسرائيليون كان اقرب الى العملية الانتحارية التى عبرت فيها 4 فرق مدرعة الى الضفة الغربية للقناة فى غضون 12 ساعة تحت ستار الظلام فجر يوم 16 اكتوبر. . . و بقيادة مين. . . ارئيل شارون اللى من كتر حبه للحياة و تمسكه بها حاليا مخه رافض يموت و بقاله داخل على عشر سنين على وسائل الاعاشة الصناعية التى تبقى جسده على قيد الحياة لانه لم يمت دماغيا حتى الان

اذن الصراع فى جوهره صراع ارادات. . . و من ستصمد ارادته فى السلم كما فى الحرب هو الذى سينتصر على المدى البعيد. . . بقول الكلام ده و انا حزين على اللى احنا فيه و كل ما اتلفت حواليا الاقى اللى بيدور على هجرة او بيخرب فى البلد عشان اوهام مش عايز يفوق منها. . . و فى النهاية ربنا يصلح الحال و يهدينا جميعا

المشاركة الأصلية كتبت بواسطة mzeid

أ ماهر أنا لا أكاد أعلم علم اليقين و لكني اجزم و بشدة أنا اجيال حرب أكتوبر نقلوا خبراتهم و دوافعهم و حالة الإنتماء اللي فيهم للجيل الأصغر اللي مدخلش الحرب و هكذا تناقلتها الأجيال في القوات المسلحة في الكليات و المعاهد و أظن أن أي ضابط صغير شاب حاليا قد يكون شاب مستهتر في حياته الخارجية او انهم يحسوا بالتعالي شوية او مثلا موضوع انهم يفيموا عربياتهم و يمشوا من غير نمر و الكلام دة اللي بيزعلنا منهم بس في حالة الحرب الحقيقية بيحس بالغيرة و القيم اللي اتزرعت فيه عن حرب أكتوبر تخليه يحس أنه مش أقل من جيل أكتوبر و هو كمان لازم يضحي علشان البلد .. و بصراحة حتى و أن لم اكن متأكد من الأمر دة بس من أسباب إرتياحي

عارف يا ا. محمد..... شوف اليهود بيبتزوا العالم بقالهم 70 سنة ازاى بأسطورة الهولوكوست و ال 6 مليون اللى اتحرقوا اللى الله و اعلم مدى صحتها....... لكنهم مخليين الموضوع ده فى ذاكرتهم تملى يدفعهم لقدام و يخليهم يخافوا و يحرصوا من اى تهديد يعرضهم للاحتمال ده تانى و بيخلوا العالم كله ينساق وراهم...... شوف شطارتهم فى التسويق لانفسهم و جنى المكاسب المستمرة........ احنا بقى كان فى ايدينا كنز لم نستثمره على المستوى القومى...... بنقعد بس نتكلم عن روح اكتوبر لكنها لم تتحول ابدا من سطور بين الكتب الى طاقة دافعة للحياة و البناء على المستوى القومى الا فى انفس القليلين...... و طبيعى ان القيادات العليا فى الجيش اللى عاصرت بطولات الحرب تنقل الروح دى للاجيال الاصغر لان ده ميراث شرف عسكرى واجبهم ينقلوه عشان الاجيال الجديدة تستدعيه فى ذاكرتها و فى انفسها وقت الشدة لشحذ الارادة على انجاز المستحيل..... انا اللى كان نفسى فيه هو ان الطاقة الهائلة بتاعة الانتصار ده تتحول بعد كده للبناء و الانطلاق بالبلد لان بطولات الحروب مهما كانت باسلة فالاصعب منها فى رأيى هو الرغبة الجماعية عند الناس للعمل و البناء و السعى لحياة افضل لانفسهم و للبلد....... بس الله يسامحه ضيق الافق اللى قعد فيها 30 سنة قعد زيهم تقريبا مهاتير محمد فى ماليزيا..... و شوف ماليزيا فين و احنا فين..... و شوف مهاتير محمد ازاى بيلف العالم يعطى محاضرات عن اسلوبه فى النهضة بماليزيا و شوف صاحبنا بتاعنا هنا فين :)

بالنسبة للشباب الروش..... حقه طبعا انه يعيش و يروش روحه و يعيش مرحلته....... بس انا برضه متأكد ان الجيل ده رغم كل شئ وقت الجد هيتغير تماما...... مهما كانت محاولات التخريب او التغييب من داخلنا قبل خارجنا

قد يبدو الكلام ده نظرى لكنه مش مستحيل عمليا..... يعنى بكل اللى حصلنا من 4 حروب كبيرة فى مدى 60 سنة استنزفت البلد...... هتيجى يعنى زى اللى انضربوا بالقنابل النووية و قاموا من الرماد النووى و بقوا اسياد العالم تكنولوجيا فى نفس ال 60 سنة ....... بس برضه ارجع و اقول ان شاء الله المستقبل افضل و ادينا بنتعلم مهما كان الثمن غاليا

المشاركة الأصلية كتبت بواسطة janagabr

تتفوق روسيا بسلاح المدرعات وخاصة تي ٩٠ علي امريكا
تتفوق روسيا بسلاح الدفاع الجوي وخاصة منظومة اس ٣٠٠ وملحقاتها واس٤٠٠ علي امريكا
تتفوق امريكا بسلاحي القوات الجوية والغواصات وحاملات الطائرات علي روسيا
ومن المعروف ان احسن رشاش في العالم هو اي كا ٤٧ بملحقاتة وتتطوراتة يليه الرشاش ام ١٦ الامريكي
الصواريخ البالستية او العابرة للقارات الاثنان متكافئان لكن تتفوق امريكا بنظام الاتصالات وتتفوق روسيا بسرعة الصاروخ ودقة اصابة الهدف
من ناحية التسليح النووي الاثنان قادرين علي ابادة الكرة الارضية لكن تمتلك روسيا ام القنابل وهي القنبلة الهيدروجينية
والمختصر المفيد في فكر تصدير السلاح فالمتبع هو التصدير التكنولوجي بح ذاته وليس تصدير السلاح فامريكا تصدر الينا السلاح وعاملة حسابها اننا سوف نعمل تتطوير للاسلحة لكن حتي بعض تطوير السلاح لا يمكن ان نصل اللي مرحلة ابعد من توقعاتها حتي تظل اسير السلاح الامريكي علي العكس السياسة الاروسية في تصدير السلاح ممكن تعطيك اسلحة متتطورة شرط ضمان عدم وقوعها في ايدي الامريكان
علي فكرة مصر بتصنع اكثر من ثلاث ارباع مكونات الدبابة m1a1 و m1 a2ا
انت خلتني افتح في الكلام وانا مقاطع السياسة كفاية كده

اسمحلى اعلق
تى 90 متقفش قدام m1a2 الا فى الخفه و سرعه الحركه بس لاكن كحمايه و تصويب و نيران متقدرش
اس 300 و اس 400 قدام باتريوت و نظام حمايه الكره الشماليه (امريكا و كندا )
سلاح الجو و حاملات الطائرات روسيا طفل فيه قدام امريكا
الايه كيه 47 مش احسن هوا اقوى لكبر حجم الطلقه لاكن الم سكتين ادق وراح فين الام 4 :)
امريكا طول عمرها تتفوق على روسيا فى التصويب و اصابه الهدف و ده من الستينات علشان كده روسيا عملت التايزر بوم و دى اكبر قنبله هيدروجينيه 55 ميجا طن و الاتنين عندهم اسلحه هيدروجينيه دى مش حكر على روسيا و على فكره اول قنبله هيدروجينه امريكا هيا الى فجرتها روسيا دايما متأخره تكنولوجيا ب 7 او 10 سنين عن امريكا ( فى السلاح ) مثال التى 50 الطائره الروسيه الى فرحانين بيها الى من الجيل الخامس امريكا عندها اف 22 رابتور فى الخدمه من 2005 ولمعلوماتك بتطور فيها من 97 الى روسيا لسا بتطور فيها دلوأتى
سياده الباشا هناك فرق :)))

اخيرا مصر معندهاش m1a2 عندها m1a1 بس

المشاركة الأصلية كتبت بواسطة tameraast

اسمحلى اعلق
تى 90 متقفش قدام m1a2 الا فى الخفه و سرعه الحركه بس لاكن كحمايه و تصويب و نيران متقدرش
اس 300 و اس 400 قدام باتريوت و نظام حمايه الكره الشماليه (امريكا و كندا )
سلاح الجو و حاملات الطائرات روسيا طفل فيه قدام امريكا
الايه كيه 47 مش احسن هوا اقوى لكبر حجم الطلقه لاكن الم سكتين ادق وراح فين الام 4 :)
امريكا طول عمرها تتفوق على روسيا فى التصويب و اصابه الهدف و ده من الستينات علشان كده روسيا عملت التايزر بوم و دى اكبر قنبله هيدروجينيه 55 ميجا طن و الاتنين عندهم اسلحه هيدروجينيه دى مش حكر على روسيا و على فكره اول قنبله هيدروجينه امريكا هيا الى فجرتها روسيا دايما متأخره تكنولوجيا ب 7 او 10 سنين عن امريكا ( فى السلاح ) مثال التى 50 الطائره الروسيه الى فرحانين بيها الى من الجيل الخامس امريكا عندها اف 22 رابتور فى الخدمه من 2005 ولمعلوماتك بتطور فيها من 97 الى روسيا لسا بتطور فيها دلوأتى
سياده الباشا هناك فرق :)))

اخيرا مصر معندهاش m1a2 عندها m1a1 بس

اجزاء كتير من اللى حضرتك قلت عليه هى اللى خليتنى اجيب تاريخ اتجاه كل من امريكا و روسيا كسياسات تسليح منذ الحرب العالمية التانية الى الان...... الاميركان بسبب فكرة الاساطيل البحرية التى تجوب الكرة الارضية لتأمين المصالح الامريكية هى اللى خلتهم يركزوا و يتفوقوا فى تكنولوجيا الطيران...... اما عدم القدرة الروسية على مجاراتهم فى ده لان تكاليفه عالية جدا هو اللى خلى الروس يتفوقوا فى تكنولوجيا الصواريخ عامة ..... و بالاخص فى الدفاع الصاروخى...... و ده سر ان اسلحة الدفاع جوى الروسى تملى بتبقى game changing و اخبار زى دى هى اللى خلت اسرائيل تتجنن و تقوم بغارات داخل سوريا على شحنات اسلحة من روسيا كما حدث فى اللاذقية:
http://www.theguardian.com/world/201...missile-system

http://www.wnd.com/2013/06/syria-gam...eady-deployed/

لكن امريكا برضه ما سابتش المجال ده لروسيا لكن الامكانيات المادية الهائلة المخصصة للتطوير فى المجالات العسكرية خلتهم يطوروا نظام عالمى للدفاع ضد الاهداف المعادية و الصواريخ الباليستية التى تنطلق من اى مكان فى العالم..... و هنا كلام عن اجزاء منه اللى بعضها عبارة عن سفن تجوب البحار و المحيطات خصيصا لاعتراض الصواريخ كجزء من نظام Aegis:
http://en.wikipedia.org/wiki/Aegis_Combat_System


http://en.wikipedia.org/wiki/Termina...e_Area_Defense

نظام THAAD الامريكى ده هو الموازى لنظام Hetz الاسرائيلى...... و رغم ان النظام ده كان قاصر على الجيش الامريكى بسبب التكنولوجي اللى فيه الا ان اول مرة كان يتباع فيها لجيش اخر كان حينما باعوه للامارات سنة 2011 و ده كان جزء من التحضيرات لضرب ايران:

http://www.youm7.com/News.asp?NewsID...88&IssueID=126

و يقومون حاليا بتسويق بيع بطاريات اضافية للامارات و قطر و غيرهم بسبب سياسة ترشيد النفقات العسكرى الامريكى الحالية:

http://www1.youm7.com/News.asp?NewsI...D=24&IssueID=0

ال F22 رابتور ممنوع تصديرها لاى دولة حتى اسرائيل و لا يستخدمها الا الجيش الامريكى بسبب ال artificial intelligence اللى فيها

ال AK47 و تطويراته زى ال AK100 و غيرها فعلا سبب انتشارها ليس انها الادق او الاقوى انما لانها الاكفأ عمليا و الارخص من ناحية الصيانة و ايضا الابسط فى التكنولوجيا التى تقلل من تكاليف صيانتها و قلة اعطالها و هكذا

و سيبك بقى من السجال فى النووى ربنا ما يعرضنا ليه :)
لكن حته كده فى اقوى القنابل ال Sub-nuclear...... الامريكان عندهم دى:
http://en.wikipedia.org/wiki/GBU-43/...ance_Air_Blast

راحوا الروس عملوا دى:
http://en.wikipedia.org/wiki/Father_of_All_Bombs

:)

نظام ثاد عند المريكان من السيتينات و الباتريوت من السبيعينات و دول لاعتراض القذائف البالستيه قبل ما روسيا تفكر فيه اصلا :)
ال اف 22 رابتر اعجاز تكنولوجي و النسخه الارخص هيا اف 35 سنجيل انجن عندها قدرات ستيلث بس على قدها و دى للتصدير للحلفاء و الحبايب نفس تظام الف 15 توين انجن دى للامريكان و الف 16 للحلفاء و الحبايب :)

الف 22 رابتر قاذفه و اعتراضيه و متعدده المهام وفوق ده ستيلث يقال و الله اعلم ان المساحه الظاهره من الف 117 لو تفتكرها على الرادار كانت متر مربع الف 22 رابتر اقل 50 مره علميا مستحيل تتشاف مهما بلغ تعقيد انظمه الدفاع الجوى و هيا صنعت بس 260 طياره و استخدامها بيكون جراحى بمعنى تخش تضرب الدفاعات و الطيارات العاديه تقوم بالواجب و هيا تعمل فى قواعد الولايات بس .

الايه كيه سلاح خفيف مبيعلقش مبيسخنش (الروسى مش التقليد المضروب المصرى ) صيانته سهله مدى الخطا فى التصويب بيه كبير لكبر حجم الريكويل بتاعه علشان الطلقه اكبر 7 فى حين الم 16 او ام 4 و عامتا طلق و مظارف الناتو بتبقى 5