الموضوع: حل مشكلة الدخنة السودة واستلاك البنزين العالي ، الحل بسيط جدا

السلام عليكم

كنت كاتب موضوع بعرض فيه مشكلتي مع الدخنة السودة ، والحمد الله المشكلة اتحلت والعربية رجعت جديدة واحسن من الاول الحمد لله وربنا يكفيني شرها .

هعرضلكم المشكلة اتحلت ازاي للإفادة .......... اولا انا كنت بعاني من دخنة سودة بطريقة بشعة وعلي السلانسيه ، مع العلم اني كنت مغير فلتر الهواء ، فلتر بنزين ، حساس شكمان ، كشف كمبيوتر النتيجة لاشيء ، العربية بتاكل بنزين بشراهة ، السحب مش اد كده ، مغير بوجيهات ، عمري ما حطيت بنزين 80 ومبحطش غير 92 ،

المهم فيه واحد كهربائي قاللي احنا نشيل رأس الإنكشن ونظفه ولو فيه جوان نغيره والموضوع هيكلفك 200 جنيه ، انا استغليت السعر وعرضت المشكلة هنا في المنتدي والأخ احمد الله يباركله بعتلي كذا رابط لتنظيف البوابه ، فتم عمل الاتي :

1. فك البوابة ( بعد الفك البوابة كانت بشعة من جوة وكلها طينة ووساخة ورملة ، والحساسات كانت زفت ، وتم التنظيف بالإسبريه الخاص بالبوابة ب25 جنيه )
2. تغير جوان البوابة ( الجوان كانت مقطوع ومتبهدل ، عملت واحد تفصيل ب 4 جنيه )
3. تنظيف المانيفول جيدا بالإسبريه المخصص للبوابة
4. وتم التركيب والميكانيكي خد مصنعية 30 جنيه
النتيجة الدخنة السودة اختفت ، والعربية اصبحت جديدة زي زمان وسحب ايه وصوت الموتور بئا احسن .

مشكلة الدخنة السودة دي كانت قرفاني جدا ، وكانت بتاكل بنزين بالهبل ، الحمد الله ان المشكلة اتحلت والبركة فيكم يارجالة وخبراتكم