راجع من التوكيل وعملت حادثة موت

**egman** · 22-09-2013 01:09 PM

المشاركة الأصلية كتبت بواسطة zallooma

المشكله عندنا ان المعايير مختلفه الراجل مقتنع انوا راجع بضهروا و مش غلطان و كمان عامل مشاركه وبيستغرب

ههههههههههههههههههههه والله عندك حق ههههههههههههههههه

**abubakr1234** · 22-09-2013 01:31 PM

طيب سؤال بس للناس هنا الي بتتريق عليا انا لو مش معترف اني غلطان كنت دفعتله 1000 جنيه ؟؟؟
انا مقتنع اني غلطان بس هو برضه غلطان ماهو مينفعش اكون داخل على ملف ب120 وسرعة الطريق اساسا 80

**abubakr1234** · 22-09-2013 01:32 PM

وبعدين لما الشرطة جت وعملوا محضر معاينة كان فيه الطرفين غلطانين يعني ده مش رأيي انا ده رأي الراجل اللي جه عمل معاينه

**egman** · 22-09-2013 02:04 PM

انا يا شباب بسجل اعتذارى على العام للأستاذة / friendship7897

لانى ما كنتش اعرف الفرق بين كلمة باشا وكلمة باشة وكنت بتكلم معها على انه زميل فى المنتدى مش زميلة فى المنتدى ، وما اختش بالى من بيانات حضرتك ، انا اسف يا استاذة والله مش اقصد هههههههههههه هى جت كده وبالذات فى التعليق التانى بتاعى لحضرتك والله ما اخدت بالى من الحكاية ده خالص .

**friendship7897** · 22-09-2013 02:27 PM

المشاركة الأصلية كتبت بواسطة abubakr1234

طيب سؤال بس للناس هنا الي بتتريق عليا انا لو مش معترف اني غلطان كنت دفعتله 1000 جنيه ؟؟؟
انا مقتنع اني غلطان بس هو برضه غلطان ماهو مينفعش اكون داخل على ملف ب120 وسرعة الطريق اساسا 80

المشاركة الأصلية كتبت بواسطة abubakr1234

وبعدين لما الشرطة جت وعملوا محضر معاينة كان فيه الطرفين غلطانين يعني ده مش رأيي انا ده رأي الراجل اللي جه عمل معاينه

بص يا أ/ abubakr1234
الناس مش تقصد تتريق
الناس بتكون عايزة تلفت نظر اللي عمل الموقف أو اللي كاتب الموضوع أنه غلط أو صح
وأعتقد أنها متقصدش الهجوم عليك
دي بتهون عليك الغرامة اللي أنت دفعتها مقابل خطأك أو خطأ اللي آدامك
وبعدين أنت كاتب الموضوع علشان تتأريف أكتر ما أنت مضايق على عربيتك وعلى الحادثة وعلى الغرامة ؟! أكيد لأ
هون على نفسك شوية
انا في يوم كتبت موضوع عن مخالفة صف تاني أخدتها
والناس كلها سابت الموضوع وفضلت تهين في كل اللي يعرفوني إزاي أقف صف تاني
زي ما يكون مصر كلها عمرها ما وقفت صف تاني - وأنا الوحيدة اللي بغلط
بس بعد ما عملت الموضوع وقريت المشاركات حسيت إني غلطانة ومزعلتش على المخالفة - وحمدت ربنا أنها جت على أد كدة
ولا يهمك وربنا يعوض عليك

المشاركة الأصلية كتبت بواسطة egman

انا يا شباب بسجل اعتذارى على العام للأستاذة / friendship7897

ولا يهمك يا أ/ egman- أنا مش زعلانه
لأنك واضح أنك مكنتش واخد بالك
وبعدين أنا صحيح بالتاء المربوطة هههههه
لكن غاوية عربيات

**saddam** · 22-09-2013 03:04 PM

صديقي المواطن
حضرتك فاهم الدنيا غلط وأنت في نظر الشرع آثم وحتى.تتوب إلى الله إنت تاخد عربية الرجل وتصلحهاله وإنت توقف عليها ولا تسترخص وتصرف عليها أكثر مما تصرف على عربيتك وتعيش المعاناة.في تعب الصنايعية ثم ترجعهالو للبيت وتطلب منه وتبوس راسه إنو يسامحك ومنطقك غريب وقبل العوض ومش عوض وده يدل إنك محتاج دروس في الثقافة الدينية ودمتم للنضال وحتى لو كنت كافر أي على غير دين فهذه من مبادئ اﻷخلاق الكريمة وهداك الله لطريق الخير إنت إزاي تنام الليل مرتاح وإنت واقف بكل قلب تتخانق مع الراجل وإنت الغلطان

**kar!m** · 22-09-2013 03:28 PM

من 10 سنين تقريبا كان في موضوع مشابه في جريدة الأهرام عن مصري كان في سويسرا و كان ماشي على الهاي واي و رجع بضهره عشان يتزي تقريبا أو حاجه زي كده .. هو متقبضش عليه ساعتها بس الكاميرات صورته .. و استدعوه للتحقيق بعدها و سألوه:

1. النهارده ايه من أيام الأسبوع.
2. انت ازاي ترجع بضهرك على طريق سريع.
3. هل و انت في طفولتك شفت والدك أو حد تاني بيرجع بضهره على طريق سريع؟
4. طيب انت عملت كده ليه؟

و في الاخر طبعا الرخصه اتسحبت منه لمدة سنه أو أكتر مش فاكر الفترة بالضبط.

**abubakr1234** · 22-09-2013 03:33 PM

طيب بذمتك يا أخ saddam وكان أختيار قدامي وفي ناس قالتي سيبك من الراجل ده ومتدفعلوش حاجه( علشان انت مشفتش هو عمل ايه ) لو كنت عملت محضر في القسم والعربتين اتحجزوا لان حسب المعاينة الاتنين غلطانين بذمتك مش كنت سبته يعمل محضر وكل واحد يعيش مع نفسه مش ده كان احسن لي واوفرلي وبعدين زي ماهو اتخبط انا اتخبط وهو عنده مشاكل وانا عندي مشاكل ومع ذلك علشان انا عارف ان انا يعتبر 70% من الحادثة بسببي انا اديته 1000 جنيه

**amr011111** · 22-09-2013 03:38 PM

المشاركة الأصلية كتبت بواسطة abubakr1234

طيب بذمتك يا أخ saddam وكان أختيار قدامي وفي ناس قالتي سيبك من الراجل ده ومتدفعلوش حاجه( علشان انت مشفتش هو عمل ايه ) لو كنت عملت محضر في القسم والعربتين اتحجزوا لان حسب المعاينة الاتنين غلطانين بذمتك مش كنت سبته يعمل محضر وكل واحد يعيش مع نفسه مش ده كان احسن لي واوفرلي وبعدين زي ماهو اتخبط انا اتخبط وهو عنده مشاكل وانا عندي مشاكل ومع ذلك علشان انا عارف ان انا يعتبر 70% من الحادثة بسببي انا اديته 1000 جنيه

لو اديته تمن فلوس التصليح كلها كفايه تعبه ووقفته مع الصنايعيه وتضييع وقته وطبعا هيبقى شايل هم ان العربيه هترجع تانى زى ما كانت ولا لاء

**abubakr1234** · 22-09-2013 03:52 PM

طيب سؤال ولو كنا عملنا المحضر ومديتلوش حاجه مش ده برضه كان هيبقى كويس ليا؟

الموضوع: راجع من التوكيل وعملت حادثة موت

LinkBack

أدوات الموضوع

عرض

-

-

-

-

المواضيع المتشابهه

ساعدوني قدر الله وعملت حادثة

ساعدوني قدر الله وعملت حادثة

لسه راجع من التوكيل حالا واشتريت ذيت فتيس وفلتر بنزين

لسه راجع من التوكيل......

استلمت العربية وعملت حادثة

الكلمات الدلالية لهذا الموضوع

المفضلات

المفضلات

ضوابط المشاركة