راجع من التوكيل وعملت حادثة موت

**amr elsisi** · 22-09-2013 04:45 PM

المشاركة الأصلية كتبت بواسطة abubakr1234

طيب سؤال ولو كنا عملنا المحضر ومديتلوش حاجه مش ده برضه كان هيبقى كويس ليا؟

الف سلامة عليك وعلية
ممكن اسألك سؤال انت لو مرجعتش بظهرك كان في حاجة حصلت ودة كان حيبقي كويس ليك ولية
طيب سؤال تاني الراجل لما يجي يبيع العربية وتخسر من تمنها اية شعورة
طيب ماقولتليش لو عيل صغير حكلك عربيتك بمسمار اية شعورك

**horas3000** · 22-09-2013 04:51 PM

المشاركة الأصلية كتبت بواسطة kar!m

من 10 سنين تقريبا كان في موضوع مشابه في جريدة الأهرام عن مصري كان في سويسرا و كان ماشي على الهاي واي و رجع بضهره عشان يتزي تقريبا أو حاجه زي كده .. هو متقبضش عليه ساعتها بس الكاميرات صورته .. و استدعوه للتحقيق بعدها و سألوه:

1. النهارده ايه من أيام الأسبوع.
2. انت ازاي ترجع بضهرك على طريق سريع.
3. هل و انت في طفولتك شفت والدك أو حد تاني بيرجع بضهره على طريق سريع؟
4. طيب انت عملت كده ليه؟

و في الاخر طبعا الرخصه اتسحبت منه لمدة سنه أو أكتر مش فاكر الفترة بالضبط.

انا فاكر فعلا اني قريت الموضوع ده
و مش بس كده
ده ادوا له كورسات تاهيل نفسي لانهم اعتبروه مريض

المشاركة الأصلية كتبت بواسطة abubakr1234

طيب سؤال ولو كنا عملنا المحضر ومديتلوش حاجه مش ده برضه كان هيبقى كويس ليا؟

يا باشا مش عشان انت عايش في بلد ماشيه بقانون ساكسونيا تبقي تبرا نفسك با ال 1000 جنيه اللي انت دفعتها للراجل
انت لو في بلد محترمه مقولكش كان هيبقي موقفك ايه بس اكيد مكنش عملت عن الحادثه موضوع
و انت فاكر ان ال 1000 جنيه هتعمله حاجه في الاضرار اللي انت تسببت له فيها
ده انت كمان زي ما تكون فرحان فيه اكمنه راكب عربيه كوري و عمال تتغزل في عربيتك الاقوي و فرق الاضرار ما بينكم
و انت ملكش اي صفه تعاقبه علي انه كاسر السرعه القانونيه للطريق خصوصا و ان اللي فهمته من شرحك انت تقريبا قطعت الطريق بالعرض عشان تدخل الملف و ده غلطه تانيه و اكبر من الرجوع بظهرك

و انا هسالك سؤال تاني احكيلي كده كان موقفك هيبقي ايه لو كنت اللي خبطته ده سواق نقل و لا ميكروباص و لا حتي عربيه فيها مجموعه شباب صغير فرحان بنفسه
تفتكر كان الموضوع عدي زي ما حصل

المهم احنا مش هنقعد نقطمك و لا بنشمت فيك لا سمح الله
الفكره اننا (او علي الاقل انا) استفزينا من استهانتك بالغلط و محاوله اشراك الطرف الاخر فيه بقدر اكبر مما يستحق و انك بتبرر فعلتك و مبرا نفسك بالمبلغ البسيط اللي دفعته
اتمني بس تكون استفدت من الموضوع و متكررش الغلطته دي تاني
و ربنا يعوضك

**Hesham.H** · 22-09-2013 07:20 PM

طبعا انا موافق جميع الاخوه انك غلطان وماتعملش الحركه دى تانى ... والفلوس اللى اخدها من حقه لانك تسببت فى ضرر ليه
الحمد لله على سلامتك وماتزعلش على الفلوس
تحياتى

**janagabr** · 22-09-2013 08:44 PM

سيدي الفاضل لما العند في انك غلطان ما المشكله في الاعتراف بالخطأ امال احنا بنخش المنتدي ده ليه مش عشان نعرض مواقفنا ونعرف الصح من الغلط علي فكره انت لو كنت بره مصر كان زمانك اتحبست لحد ما عربية الراجل اتقيم الاضرار اللي فيها وبعدين تدفع انت الفلوس كلها للراجل فاحمد ربنا انك روحت نمت في بيتكوا عشان انت في مصر

**horas3000** · 22-09-2013 09:36 PM

المشاركة الأصلية كتبت بواسطة abubakr1234

لا اله الا الله سيدنا محمد رسول الله
يا اخ horas3000 انا لو داخل اتغزل في عربيتي واعمل موضوع علشان اتباهى بيها مكنتش قلت اني دفعتله الف جنيه وهل واحد هيدفع فلوس من تعبه وشقاه في حاجه مش ليه او لبيته هيكون فرحان؟

انا كل اللي كنت عاوز اقوله للناس ان بسم الله ماشاء الله العربيه الأوبل محترمة في السيفتي بتاعها

للمعرفه فقط أقسم لكم بالله العربيه بتاعتي هتعدي 10 الاف جنيه ولكن انا بقول كده علشان انا محصليش الحمد لله حاجه

يا زعيم انا مقلتش انك داخل تتغزل
انا وضحت ان كلامك ممكن يتفهم كده
و معلش الاحسن من انك تقول للناس الاوبل سيفتي اكتر و اللي اعتقد انها معلومه شبه معروفه للاغلبيه و خصوصا في قسم اوبل
انك تنصحهم و تقول محدش يعمل زي كده

و يا سيدي ربنا يعوض عليك و تصلح عربيتك و ترجع احسن من الاول

المشاركة الأصلية كتبت بواسطة abubakr1234

وللعلم برضه الراجل جاب أولاده وجاب اقاربه علشان هو من الهرم وكنت انا ساعتها برضه لوحدي واحد الأقتراحات من الشباب اللي كانوا معاه قبل مالشرطة تيجي انهم ياخدوا رخصي لحد ماعربيتهم تتصلح وقبل مانتفق على ال1000 جنيه

طب انت عارف الكلام ده يثبت ايه
يثبت انك لحسن الحظ وقعت في شخص محترم و معارفه كمان محترمين
و انهم كانوا عايزين يمشوها قانوني و مش بلطجه
ربنا يكتر من امثالهم و ينفخ في صوره قوانينا العيره دي

**medo111** · 23-09-2013 09:29 AM

الغلط كلو عليك انت انا لو مكانو مش هسيبك

عموما خد بالك لا الماني ولا صيني هينفعك لو حد كان مات

**saddam** · 23-09-2013 10:50 AM

صديقي المواطن
مع شديد أسفي وإعتذاري فأنت رجل مكابر في الباطل ولست من أهل الحق وطريق هدايتك صعب ونسأل الله لك التوبة فنظرتك للأمور وحياتك لو.بنيت على نظرتك هذه فأنت في عيشة معوجة ورحم الله بمن حولك وبمعارفك وبأهلك فأنت وبال عليهم أصلح الله شأنك وأظنه صعب ودمتم للنضال