الموضوع: استفسار صغير عن byd f3

المشاركة الأصلية كتبت بواسطة conan415

بسم الله الرحمن الرحيم

اولا : احب اشكركم بجد علي مساعدتي في رحلة العناء من اجل شراء سياره جديده

ثانيا : باذن الله هتوكل علي الله علي اخر الاسبوع و هشتري byd f3 اتوماتيك و لكن

عايز استفسر علي شوية حاجات كده علي السريع

1- اخر سعر سمعته كان 89 الف و لكن لما رحت اسال امبارح قالولي 92 الف ( هي زاد سعرها ولا لا ) .
2- اللي انا سمعته ان الماتور ميتسوبيشي 1600 سي سي بينما امبارح لما سالت قالي ماتور ميتسوبيشي برضه 1500 سي سي ( الكلام ده صحيح ولا لا ) .
3- باذن الله دي اول عربيه اشتريها فهل اختياري ده موفق ؟
4- احسن مكان ممكن اشتري منه العربيه فين ؟

و اخيرا : شكرا ليكم مره تانيه

اهلا بيك في نادي ال by d
انا زي حلاتك هاشتري خلال الاسبوع القادم f3 الاوتوماتيك واحب اقولك اني قبل ماخد الاختيار ده تقريبا لفيت كل مواقع النت الي بتتكلم عن الصيني والمقارنات ما بينهم وكمان سألت بعض مالكيها وكمان رحت توكيل الصيانة واتكلمت مع المسئول عن الصيانة وكمان رحت معارض بيعها وتوكيل البيع والاستيراد والتجميع وكان اسواء مافي الموضوع ان مسئولي المبيعات هم اخر من يعلم ولكن انا وصلت للنتائج الاتية الي احب اضيفها ليك وللمنتدي بحكم لفتي الكبيرة ده :
1- افضل سيارة في فئتها من حيث مبلغ الشراء
2- قيمة الاوتوماتيك منها 92000 بس كانت 96000 من شهر والمانيوال تقل 12000
3- محرك 1600 متسوبيشي لانسر بومة معتمد من الشركة الام وهو في التقفيل المصري فقط اما 1500فهو يقال انه نفس محرك هوندا سيتي ولكن الكوبي منه وليس عليه ختم الشركة الام اي ليس معتمد منها
4- الاوتوماتيك الجيربوكس ياباني الصنع وهو نفسه الموجود في النيسان مصنع في كبري شركات اليابان وليس موجود في التقفيل الصيني وموجود في المصري فقط
5- الصيني 2014 يختلف عن الموجود في مصر 2014 والصيني 2013 في الشكل الخارجي وفي الصالون والتابلوه و ها يوصل امتي الله اعلم وده من فم مسئول كبير في ادارة البيع بشركة الامل ( اسئل مين في مصر ) المهم ما تستنهوش
6- كانت في مشاكل في التقفيل المصري واهمها اتعالج وهي رداءة الطلاء - مشكلة ارضي الضفيرة



ده تقريبا ملخص الي عندي ياريت اكون وفقت في افادتك وربنا يوفقك و يوفقني في شرائها ويكفينا شرها .............. ولو وصلت لحاجة جديدة ها اقولك

المشاركة الأصلية كتبت بواسطة ايهاب فهمي

اهلا بيك في نادي ال by d
انا زي حلاتك هاشتري خلال الاسبوع القادم f3 الاوتوماتيك واحب اقولك اني قبل ماخد الاختيار ده تقريبا لفيت كل مواقع النت الي بتتكلم عن الصيني والمقارنات ما بينهم وكمان سألت بعض مالكيها وكمان رحت توكيل الصيانة واتكلمت مع المسئول عن الصيانة وكمان رحت معارض بيعها وتوكيل البيع والاستيراد والتجميع وكان اسواء مافي الموضوع ان مسئولي المبيعات هم اخر من يعلم ولكن انا وصلت للنتائج الاتية الي احب اضيفها ليك وللمنتدي بحكم لفتي الكبيرة ده :
1- افضل سيارة في فئتها من حيث مبلغ الشراء
2- قيمة الاوتوماتيك منها 92000 بس كانت 96000 من شهر والمانيوال تقل 12000
3- محرك 1600 متسوبيشي لانسر بومة معتمد من الشركة الام وهو في التقفيل المصري فقط اما 1500فهو يقال انه نفس محرك هوندا سيتي ولكن الكوبي منه وليس عليه ختم الشركة الام اي ليس معتمد منها
4- الاوتوماتيك الجيربوكس ياباني الصنع وهو نفسه الموجود في النيسان مصنع في كبري شركات اليابان وليس موجود في التقفيل الصيني وموجود في المصري فقط
5- الصيني 2014 يختلف عن الموجود في مصر 2014 والصيني 2013 في الشكل الخارجي وفي الصالون والتابلوه و ها يوصل امتي الله اعلم وده من فم مسئول كبير في ادارة البيع بشركة الامل ( اسئل مين في مصر ) المهم ما تستنهوش
6- كانت في مشاكل في التقفيل المصري واهمها اتعالج وهي رداءة الطلاء - مشكلة ارضي الضفيرة



ده تقريبا ملخص الي عندي ياريت اكون وفقت في افادتك وربنا يوفقك و يوفقني في شرائها ويكفينا شرها .............. ولو وصلت لحاجة جديدة ها اقولك

الف الف شكر يا ايهاب باشا
الظاهر موقفك مطابق لموقفي تمام
يعني كده باذن الله اتوكل علي الله و اجيب التقفيل المصري
و شكرا مره تانيه
و انا كمان لو وصلت لحاجه هبلغك

هتوكل علي الله
و اشجع صناعة بلدي هههههههههههه
و اجيب التقفيل المصري 1600
بس اخر سؤال انا عارف اني صدعتكم

ممكن الاقي byd f3 ال 1600 اتوماتيك موديل 2014 فين ؟

المشاركة الأصلية كتبت بواسطة mohamed1979

بص يا باشا اخوك لف على معارض التوكيل فى مصر
فى مركز القطاميه شفتها فى صاله المبيعات من اسبوعين سوداء ب 92 الف او 96 الف (مش فاكر ) بدور على المانوال فمكنتش مركز اوى مع الأوتو بس سألت للعلم

فى معرض فى مصر الجديده خلف الحريه مول و ده تبع التوكيل برضو
وفى فى شارع النزهه اسفل كوبر النزهه
و فى معرض تانى للتوكيل عنده كميه عربيات بى واى دى كتيره جدا و تشكيله الوان كتيره
شفته و انا مزوع من حوارى شارع دمشق
و طبعا عند سمير ريان بس انصح بالشراء من التوكيل الرئيسى


ملحوظه بشوف العربيه دى فى الشارع بصوره غير طبيعيه و خصوصا ملاكى مش تاكسى العربيه عامله مبيعات كويسه اووى فى السوق

بس المشكله فى التوكيل ربنا يهديهم

الف شكر ليك يا باشا
انا باذن الله
هطلع بعد الشغل علي التوكيل الموجود في شارع النزهه
و ربنا يقدم اللي فيه الخير

المشاركة الأصلية كتبت بواسطة bassem.naguib

:m_yes[1]:

بالنسبة لكود الموتور فهو كود خاص بالبي واي دي (مش متذكره حالياً .. ولكنه قد يكون في أحد المشاركات السابقة) .. والموتور مكتوب عليه بي واي دي .. وليس متسوبيشي تك مثل الموتور الـ 1600



قبل أي شيء الاستخارة .. وإن شاء الله ربنا حيهديك للأفضل ليك .

http://www.nilemotors.net/nile/241616-a.html

ألف شكر يا باشا

بالنسبة لكود الموتور فهو كود خاص بالبي واي دي (مش متذكره حالياً .. ولكنه قد يكون في أحد المشاركات السابقة) .. والموتور مكتوب عليه بي واي دي .. وليس متسوبيشي تك مثل الموتور الـ 1600

كده انت قطعتلي الشك في الكمين

قبل أي شيء الاستخارة .. وإن شاء الله ربنا حيهديك للأفضل ليك .



باذن الله طبعا

النهارده هروح اتفرج و اتاكد انها موجوده

و بعدين الاستخاره باذن الله

ثم أعقلها و أتوكل



و شكرا ليك يا باسم باشا

و شكرا لكل الناس اللي ردت علي موضوعي و ساعدتني

بس اعلملوا حسابكم في صداع من هنا ورايح هههههههه
لان باذن الله مش هيبقي اخر موضوع