تقرير وتحليل فيات برافو 2013 (تركيز على المشاكل)

**Abu_Hamza** · 14-10-2013 05:05 PM

وأخيرا رحت التوكيل علشان صيانة ال 20,000
كنت مرتب الكلام بتاعي على شكل نقاط:
- صيانة 20,000
- تكيف بيضيع في الزحمه
- Clutch Over Temperature رساله تحذير في الزحمه
- زنه مع تشغيل ال Blue&Me
- صفارة دائمه مع الفرمله
- فرش الكرسي اللي كل شوية يتفك
- شرخ في الطاره (مكان الإيرباج)
طبعا كالعاده رحتلهم الساعه 8:30 طلعت من عندهم الساعه 4 العصر :)
المهم صيانة ال 20,000 مبدأيا كده تم فيها الآتي (زيت محرك - فلتر زيت - فلتر هواء - فلتر تكييف - زيت باكم - زيت سليسبيد - ومراجعه على السوائل وضبط زوايا)
وبعد الفحص قاللي تيل الفرامل الأمامي محتاج يتغير..فغيرته
الصيانه بتغير التيل 2200 جنيه
المهم مشكلة التكييف قاللي السربنتينه كانت مكتومه خالص واتنضفت وهي اللي كانت عامله المشكله
وبالنسبه لصفارة الفرامل قاللي بص من الآخر كده هي كده وهتفضل كده..قولتله ازاي يعني !! قاللي نوع التيل بتاعها مش معمول للأجواء المصريه العجينه المعمول منها مواصفاته أوروبيه وشوية رغي كده..وقاللي انها مش هتأثر على منظومة الفرمله خالص
وحتى بعد ما خللصت ومشيت وبعد ما التيل اتغير الصفاره في الفرامل كما هي !!!

طيب بالنسبه لمشكله الرساله اللي بتظهر بتاعت الclutch؟؟ قاللي بردو هي العربيه كده وهو الفتيس دا كده ولازم تتعامل معاه بطريقه معينه..وقالي الحمد لله ان الدبرياج عندك لسه سليم ..وقال ان الاحتمال الأكبر ان الدسك هو اللي يبوز بسرعه لكن الإسطوانه بتستحمل !!!
بالنسبه لفرش الكرسي اتعمل وقاللي السبب في ان الكنبه اللي ورا ضيقه فاللي بيقعد ركبته بتخبط في الضهر فالكليبسات بتفك

زنة ال blue&me قاللي اتعملت خلاص (ماعرفتش ايه اللي تم فيها بس هي فعلا دلوقتي مابتزنش)

بالنسبه للشرخ في الطاره مكان الإيرباج..قاللي دي سوء استخدام D:
قولتله ايوه سوء استخدام اللي هو بعمل ايه يعني بزمر ؟؟!
قاللي أه ممكن يكون التزمير..في الآخر قاللي بص الموضوع دا مش معايا مع مسؤول الضمان وتقريبا مسؤول الضماان مكانش موجود يوميها
الخلاصه من الموضوع دا هو ان الفتيس والتكيف والسوفت وير هم النقطة السوداء في العربيه الجميله دي

**S O P H O S** · 14-10-2013 05:08 PM

مبروك الصيانة
ولكن ردهم علي موضوع التيل والفتيس غير مقنع بصراحة

**ahmedsiyam** · 15-10-2013 03:31 AM

انا شايف ان تغيير فلتر الهواء و زيت الباكم و فلتر التكييف دى اشتغالة كبيرة و لم فلوس مش اكتر

**Abu_Hamza** · 15-10-2013 04:13 AM

المشاركة الأصلية كتبت بواسطة s o p h o s

مبروك الصيانة
ولكن ردهم علي موضوع التيل والفتيس غير مقنع بصراحة

الله يبارك فيك :)
المشكله ان الردود دي من المهندس (يعني اللي هو المفروض آخد الكلام ثقه ومراجعش وراه) لكن هعمل ايه..اقوله هاتلي مدير المركز ؟!! D:

**Abu_Hamza** · 15-10-2013 04:16 AM

المشاركة الأصلية كتبت بواسطة ahmedsiyam

انا شايف ان تغيير فلتر الهواء و زيت الباكم و فلتر التكييف دى اشتغالة كبيرة و لم فلوس مش اكتر

هم عندهم ورقه فيها جدول بمواعيد الصيانه وايه اللي بيتم في كل صيانه من دول
تقريبا كده بينفذو اللي مكتوب فيها وخلاص..حتى لو الحاجه مش محتاجه تتغير بردو بيغيروها
لأ فلتر الهواء هو اللي غريب..لإني مغيره في صيانة ال 10,000 واتغير دلوقتي تاني

**Abu_Hamza** · 15-10-2013 04:36 AM

[/IMG]

**ahmedsiyam** · 15-10-2013 04:31 PM

تغيير طقم السيور على 40 الف كلم انا شايف انه بدرى جدا كمان

**M I D O** · 19-10-2013 05:08 PM

الله يكون في عونك بصراحة كل دة من عربية اوروبي امال سابو اية للكوري و الصيني

**mastr_n** · 02-11-2013 03:07 PM

بصراحة حاجة تزعل
اولا مبروك على الصيانة وربنا يباركلك غى عربيتك
ثانيا مش عارف لية الوكيل استوردها وجابها مصر طالما العربية مش ملائمة لااجواء المحروسة؟؟؟؟؟؟؟؟؟؟

انا شايف ان fiat لازم تعمل طفرة من جديد زى بيجو علشان تستعيد سمعتها من جديد

وبجد المواطن المصرى مغلوب على امرة