اخر اخبار صيانات عربيتي المفاجئه ..كوردوبا 2002

**ehab_mansour** · 24-09-2013 02:57 PM

المشاركة الأصلية كتبت بواسطة eraser

مبروك على حل المشكلة الحمد لله طلعت بسيطة بس انا ليا اضافة لو سمحتلى
اولا انا معايا برنامج autodata وده فيه بيانات عربيت حضرتك كلها (بالاضافة لمعظم العربيات حتى 2011 تقريبا) ومواصفات زيت الفتيس اللى هكتبها دى منه
SAE 75w- 90 synthetic, API GL-4 , 2.8 Liters
وتعليقى هكتبه فى مشاركة لوحده

المشاركة الأصلية كتبت بواسطة eraser

زيت فتيس موبيل اللى شوفته دا كان API GL5 مش GL4 ودا كان حواليه نقاشات كتير فى منتديات اجنبية زى vwvortex خلاصتها ان gl5 لنوع معين من الفتيس الموديلات الجديدة والزيت ده بيكون فيه اضافات حامية على الفتيس اللى مفروض ليه gl4 بيسبب تاكل او تحديدا تفاعل مع المكونات النحاس اللى فى الفتيس بتاع gl4
وفيه ناس تانية دول اقلية قالوا ممكن تحط gl5 بدل gl4
انا عن نفسى نصيحتى خليك فالاضمن
حاجة كمان فى زيت موبيل انا مش عارف هوا تخليقي ولا لا

المشاركة الأصلية كتبت بواسطة eraser

الحل اللى انا عملتوا فى عربيتى جبت زيت فتيس من valvoline اللتر كان ب 75 ج ساعتها اسمه
DURAblend GL-4 75W-90
وممكن تشوف عند liqui moly or wolf

مهندس شريف ... منورني يا افندم والله و منور قسم سيات

كل كلامك صحيح 100 % و عندي علم به و جزاك الله خيرا علي التذكرة لكن تقدر تقول ان اخوك باع القضية شويتين في بعض الأجزاء لحين حل مشكلتها او ازالتها تماما و من ضمنها زيت الفتيس و الفتيس + الاولسيل بتاعه اللي غيرته ثلاث مرات او اربعه منهم مرة في التوكيل و اللي بالمناسبة مرتها حطلي زيت موبيل برده .... جهل بعيد عنك حتي في التوكيل

لكن بالنسبالي و من حوالي سنتين و نصف عملت بحث حول هذا الموضوع و وقتها لم اجد زيت مناسب تخليقي 75w90 غير عن توتال و كلمت مبيعاتهم و عرفت بينزلوه عند مين و ثمنه يقارب ال 60 جنيها للتر و برده مشتريتش لأني لازلت محلتش مشكلة الاولسيل اللي و للأسف محتاجه اني ارفع العربية بنفسي و انزل الزيت و اظبط اكس عصاية الفتيس و مكانه و اركب اولسيل جديد و بعدين وقتها هحط زيت اصلي معتمد و هشتري اضافة تحسين اداء الفتيس و تنعيمه و هحط كل ده

لكن مش معقول احط زيوت و مكونات في الفتيس ب 300 جنيه مثلا و يروحوا في الارض كما يحدث الان

بيني و بينك طهقت من البلد دي و من عدم توافر ضمير ولا قطع غيار تنفع ولا مراكز صيانة تنفع لدرجة ان حاجه المفروض تكلفك 100 جنيه مثلا تقريبا عدت صارف عليها حوالي 600 جنيه و لم يتم حلها منذ شرائي للسيارة (مشكلة الاولسيل و ما يتعلق بها )

انا بفكر جديا اشتري كل متطلباتي من قطع غيار و خلافة من خارج مصر و اشحنها و علي الاقل هتبقي اصلية مش مضروبة و اشتري الماركة اللي تعجبني و في الاخر هتلاقي التكلفة زي هنا بالضبط
ايه رأيكم و مين معايا ؟؟؟؟؟

اضافة : تعرف ان الزيت الوحيد اللي سعره معقول و 80w90 و gl4 هو زيت فتيس اسو و ده لم يعد ينتج غير قليل جدا و غير موجود بالقاهرة اساسا و اعتقد بلاقيه احيانا في المنصورة عندنا و لكن برده لا اعتقد انه تخليقي لن سعره كان منذ 4 سنوات ب 17 جنيها

و الله المستعان

**hossamalsadik** · 24-09-2013 11:55 PM

مبرروك يا إيهاب بيه الصيانات ربنا يقويك
والحمد لله انها زيت بس مش دخله فى حاجه تانيه
ونا معاك فى موضوع الزيت طلما الأويل سيل عندك ضارب تحط اى حاجه لحد ماربنا يكرم وتنهى المشكله نهائى

ده موقف من مواقف كتير هحكيه مره غيرت أربع أو خمسة اسطوانات فى اقل من 2 شهر ونصف والسبب قطع غيار مضروبه لحد ما الراجل الى بجيب منه قلى ده أنا متأكد بنفسى انها الأصلى وركبنا وتمام الكلام ده كان فى الهوندا ده كان زمان فمتخيل ايه دلوقتى
بصراحه انتشار قطع الغيار المضروبه ومراكز الصيانه شعار مشى حالك ومبتشتغلش بأسلوب علمى وقلت الضمير شيىء مقرف جدا وإهدار للمال والوقت والجهد بشكل مستفز
أنتا فكرتنا ليه بس ياحج إيهاب .

بالنسبه لموضوع الشراء من الخارج ده يتم أزى ابقى اشرحهولنا عشان لو حد حابب يستفيد هنا أنا كنت قريت عنه لقيته قصه طويله فكبرت دماغى

**Karim Ibiza** · 25-09-2013 01:35 AM

مبروك ياشيخ على الصيانة
على فكرة انا طقم الدبرياج بتاعى زى الطقم بتاعك 200 ميللى

بالنسبة لموضوع قطع الغيار من الخارج, انا واخد قرار فى الموضوع ده من زمان فى الحاجة اللى مش هلاقيها فى التوكيل يبقى هجيبها من بره وفى الأخر التكلفة واحدة بس الفكرة فى الانتظار, بس طالما العربية ماشية يبقى مفيش مشكلة فى الانتظار
كل البضاعة اللى فى السوق مضروبة وده لكل العربيات وكل الماركات وكل الموديلات

بالنسبة لموضوع انك تشترى من بره ده كان بيتم من خلال شركة وسيطة هى اللى بتدفع عنك الفلوس وانت بتحاسبها لما توصلك الحاجة

لكن دلوقتى الموضوع بقى اسهل لأن موقع الـ ebay فتح امكانية دفع الفلوس من مصر بعد ما كان قافلها علينا
يعنى دلوقتى تقدر تدخل وتشترى اللى انت عايزه من ebay وتدفع بالـ visa
ولو انت خايف ان الكارت بتاعك يتسرق ويتسحب منه الرصيد اللى فيه وتحويشة عمرك, تقدر تعمل كارت خاص بالشراء من على النت وتحط فيه المبلغ اللى انت هتشترى بيه بس والخدمة دى بقيت موجودة فى معظم البنوك وكمان لا تشترط انك تكون فاتح حساب عندهم

**ehab_mansour** · 25-09-2013 08:19 AM

المشاركة الأصلية كتبت بواسطة syd

الحمد لله انه ماطلعش طقم
والف مبروك علي الصيانات

تحياتي

ربنا يكرمك يا هندسه و يجزيك خيرا

**ehab_mansour** · 25-09-2013 08:25 AM

المشاركة الأصلية كتبت بواسطة hossamalsadik

مبرروك يا إيهاب بيه الصيانات ربنا يقويك
والحمد لله انها زيت بس مش دخله فى حاجه تانيه
ونا معاك فى موضوع الزيت طلما الأويل سيل عندك ضارب تحط اى حاجه لحد ماربنا يكرم وتنهى المشكله نهائى

ده موقف من مواقف كتير هحكيه مره غيرت أربع أو خمسة اسطوانات فى اقل من 2 شهر ونصف والسبب قطع غيار مضروبه لحد ما الراجل الى بجيب منه قلى ده أنا متأكد بنفسى انها الأصلى وركبنا وتمام الكلام ده كان فى الهوندا ده كان زمان فمتخيل ايه دلوقتى
بصراحه انتشار قطع الغيار المضروبه ومراكز الصيانه شعار مشى حالك ومبتشتغلش بأسلوب علمى وقلت الضمير شيىء مقرف جدا وإهدار للمال والوقت والجهد بشكل مستفز
أنتا فكرتنا ليه بس ياحج إيهاب .

بالنسبه لموضوع الشراء من الخارج ده يتم أزى ابقى اشرحهولنا عشان لو حد حابب يستفيد هنا أنا كنت قريت عنه لقيته قصه طويله فكبرت دماغى

ربنا يخليك يا حسام بيه و يباركلك
موضوع شراء قطع الغيار فده بسيط جدا الأن لن فيه موقع و شركة اسمها ادفعلي بتقلها انا عايز الحاجه الفلانيه و تديهم بياناتها و الموقع و هما بيحولو و شتروهالك و يجيبوهالك و بياخدوا نسبة بسيطة

او كما قال كيمو فوق عن طريق كارت او فيزا و شكرا
لو حد حابب انا عاوز اجمع شوية حاجات من ضمنها سير كاتينة لعربيتي نجمعها و نشتريها سويا

المشاركة الأصلية كتبت بواسطة grandfox

الحمد لله يا هندسه انها جت فى موضوع الزيت والواحد مش عارف يشكرك على المعلومة الجميله بتاعت طقم الدبرياج (اصل يا جماعة عربيتى وعربية البشمهندس ايهاب توأم بس انا عربتى اكبر بسنه) والحمد لله ان المعلومة دى وصلت دلوقتى قبل ما كان الواحد ممكن يروح يغير الطقم ويلاقى الجماعة الكفتجية اياهم بيفتوا كالعاده ويلبسوا الواحد فى الحيط ربنا يعينك يا بشمهندس على موضوع الصيانة وهى العربيات مواسم ساعات تلاقيها ماشيه زى الفل بنزين وزيت بس لفترات طويله وساعات تفتح بقها وتخرج من نقرة تقع فى دحديره
قدر الله وما شاء الله فعل وربنا يستر طريقنا جميعا"

الحمد لله ربنا يكرمك يا احمد بيه و يباركلك في عربيتك

المشاركة الأصلية كتبت بواسطة Karim Ibiza

مبروك ياشيخ على الصيانة
على فكرة انا طقم الدبرياج بتاعى زى الطقم بتاعك 200 ميللى

بالنسبة لموضوع قطع الغيار من الخارج, انا واخد قرار فى الموضوع ده من زمان فى الحاجة اللى مش هلاقيها فى التوكيل يبقى هجيبها من بره وفى الأخر التكلفة واحدة بس الفكرة فى الانتظار, بس طالما العربية ماشية يبقى مفيش مشكلة فى الانتظار
كل البضاعة اللى فى السوق مضروبة وده لكل العربيات وكل الماركات وكل الموديلات

بالنسبة لموضوع انك تشترى من بره ده كان بيتم من خلال شركة وسيطة هى اللى بتدفع عنك الفلوس وانت بتحاسبها لما توصلك الحاجة

لكن دلوقتى الموضوع بقى اسهل لأن موقع الـ ebay فتح امكانية دفع الفلوس من مصر بعد ما كان قافلها علينا
يعنى دلوقتى تقدر تدخل وتشترى اللى انت عايزه من ebay وتدفع بالـ visa
ولو انت خايف ان الكارت بتاعك يتسرق ويتسحب منه الرصيد اللى فيه وتحويشة عمرك, تقدر تعمل كارت خاص بالشراء من على النت وتحط فيه المبلغ اللى انت هتشترى بيه بس والخدمة دى بقيت موجودة فى معظم البنوك وكمان لا تشترط انك تكون فاتح حساب عندهم

شيخ !!!!! اوبااااااااااااااا انت تعرف ان الحيتان ليها ودان دلوقتي يا صديقي

طويب
عموما انا فعلا عرفت ان عندك فعلا نفس الطقم اللي عندي بعد البحث
و موضوع الشراء من بره هفعله قريبا ان شاء الله
اكرمك الله علي الشرح

**ehab_mansour** · 17-10-2013 11:48 AM

المشاركة الأصلية كتبت بواسطة S O P H O S

مبروك الصيانة

ربنا يبارك في حضرتك و كل عام انت بخير و الجميع

تحديث :- اخر اخبار صيانات عربيتي هنا في هذا الموضوع
http://www.nilemotors.net/Nile/38406...post3875235176

**Karim Ibiza** · 10-10-2014 01:55 PM

-

الموضوع: اخر اخبار صيانات عربيتي المفاجئه ..كوردوبا 2002

LinkBack

أدوات الموضوع

عرض

-

-

-

-

-

-

-

المواضيع المتشابهه

تقرير كيفية فك و تركيب صالون ابيزا / كوردوبا 94 حتي 2002

اتجاه فلتر البنزين .. ابيزا او كوردوبا 98 - 2002 و مشكلة متعبة جدا تم حلها

محتاج اغير كاوتش عربيتي كوردوبا 2002

مطلوب راى الخبراء فى كوردوبا 2002

المفاجئه القاتله

الكلمات الدلالية لهذا الموضوع

المفضلات

المفضلات

ضوابط المشاركة