(بالصور) رحلة العناء مع اصلاح دورة مياة اللانوس (نقل التجربة للأفادة)

**ahmedteam** · 29-09-2013 12:04 PM

موضوع جامد و مجهود كبييير شكرا لنقل التجربه

طبعا الموضوع ده لازم يتثبت و ينقل لفهرس اهم موضوعات القسم

**MITSUKERO** · 29-09-2013 12:16 PM

المشاركة الأصلية كتبت بواسطة HishamShafai

شكرا للموضوع المحترم, بالنسبة للكوليهات, أنا لما شفت الصورة بعد تغيير الخراطيم و شفت الكوليهات قلت هيحصل تسريب تانى, لأن مره في توكيل أبو غالى غيرولى قربة المياه علشان غطاها كان بايظ, ولاحظت إنهم وصلوا الخراطيم و ثبتوها بكوليهات عادية و ليست الفابريكة الكلبس و لما إعترضت المهندس شرح لى أن الكلبس الأصلى لما يتفك كفاءته لا تعود مثل الأول علشان كده بيركبوا الكوليه العادى, ياريت تبعتولى عنوان محمد عبده.

المشاركة الأصلية كتبت بواسطة mostafa mahmod

و هل محمد عبده عنده كبس لدوره المياه
لو اه ممكن عنوانه :)

عنده ياباشا

العنوان هنا
http://www.nilemotors.net/Nile/29619-a.html

**farosco** · 01-10-2013 01:54 PM

يعنى ايه كبس لدورة المياه ؟؟؟؟..وده صعب يكون عند اى ميكانيكى؟؟؟

**MITSUKERO** · 01-10-2013 02:29 PM

المشاركة الأصلية كتبت بواسطة farosco

يعنى ايه كبس لدورة المياه ؟؟؟؟..وده صعب يكون عند اى ميكانيكى؟؟؟

يعني بتضغط دورة التبريد بأستخدام منفاخ هواء يدوي

ليه ؟

بص دورة التبريد دي زي ما تكون خرطوم مياة و فيه تسريب و انت سديت ناحية و بتنفخ في الناحية التانية علشان تسوف التسريب فين

شكل المكبس مقتبس من موضوع تاني :

الموضوع اهه:

http://www.nilemotors.net/Nile/344792-a.html

**HATEMFOUAD** · 04-10-2013 10:58 PM

شكراً على الموضوع
أرسل لكم تجربتى مع مياه التبريد لك تعم الفائدة على الجميع ولنعرف أين الخطأ وأين الصواب ، سياتى نوبيرا موديل 97 كنت بأضع مياه عادية ، وجاءنى صديق بجركن مياه خضراء من الكويت وهى ماركة عالمية وفرحت بها جداً وعملت عملية غسيل لدورة المياه عند متخصص ثم وضعت المياه الخضراء ، ثم بعد ذلك كل شيئ كان تمام لمدة شهرين ولكن بعدها لاحظت أن مفاصل ووصلات دورة المياة يظهر عليها لون مثل لون الصدأ ثم بعض الوصلات البلاستيك الموجودة بين الخراطيم تآكلت ووصلتين من البوابة تآكلت وعملتها فى المخرطة وفهمت بعد ذلك أن المياة الخضراء تقوم بإزالة الصدأ المتآكل إللى بيكون متجمد وسادد الأجزاء الدايبة وقد ذاب كل ذلك فبدأت هذه العيوب ، ثم حدثت مشكلة سخيفة وأنا على الطريق أن إحدى الوصلات بين خرطومين انكسرت لمثل هذه الأسباب وتم تصفية كل المياه ولم ألاحظ ذلك وفجأة بطلت العربية وبفضل الله ساعدنى شخص كان معاه وصلة نحاس أنبوبة وقام بتوصيل الالخرطومين حتى وصلت للمنزل بفضل الله فجزاه الله عنى خيراً ، وقررت أن أذهب لتغيير جميع الوصلات والكشف على الخراطيم ثم غسل دورة المياه ووضع مياه تكييف لأنها الأفضل ، ولعلمى بأن معظم أنواع المياه الخضراء والحمراء مغشوشة ، وعن تجربة الأفضل هى مياه التكييف . أرجو أن يستفيد من تجربتى الجميع ، دعواتكم .

**MITSUKERO** · 07-10-2013 10:57 AM

اخر التطورات

الريادياتير بيسرب من العلبتين ههههههههههههههه

معرق مياة خضراء من مكان التقاء العلبتين البلاستيك بتوعة بالجسم الالومنيوم

انا جالي احباط

الريادياتير الاصلي بكام يا جماعة ؟

**MMamdouh** · 07-10-2013 05:50 PM

اخر مرة سالت علية كان ب550 ايام الرخص...

MMamdouh

**MMamdouh** · 08-10-2013 01:01 PM

فية منتج بيحل المشاكل دى

المنتج عبارة عن سائل بيتضاف لمية التبريد و لما السائل دة يخرج من دورة التبريد و يتعرض للهوا بينشف و يسد مكان التسريب... جربة مش هتخسر حاجة

المنتج دة موجود فى محطة بنزين التعاون اللى فى التجمع الخامس (5 دقايق بالعربية من الرحاب) و تمنها تقريبا 20 جنية

المنتج صناعة امريكى و مكتوب علية radiator stop leak او حاجة زى كدة مش فاكر تحديدا

MMamdouh

-

-

الموضوع: (بالصور) رحلة العناء مع اصلاح دورة مياة اللانوس (نقل التجربة للأفادة)

LinkBack

أدوات الموضوع

عرض

-

-

-

-

-

المواضيع المتشابهه

مياة الحنفية دمرت العربية (نقل التجربة للإفادة)

مشاكل دورة مياة اللانوس لازم الكل يشارك عشان نوصل لحل

اوتو ايجبت و اصلاح التجربة السيئة

صوت محيرنى فى اللانوس 2000 ونفسى العضو محمد ممدوح يتدخل للأفادة

دورة تبريد الموتور - مياة الرادياتير

الكلمات الدلالية لهذا الموضوع

المفضلات

المفضلات

ضوابط المشاركة