الموضوع: ..:: التقرير الشامل النهائى لتويوتا كورولا 2014 ::..

تقرير ممتاز من اول مرة شوفت الاعلان بتاعها وقولت في بالي اكيد هتكتسح السوق ماشاء الله تحفه فنيه بس لو الجنط يكبر شوية هتكون حكاية
شكرا ياباشا علي التقرير المفصل والرائع تسلم ايديك

الساده أعضاء المنتدى الكرام
السلام عليكم ورحمة الله وبركاته
بعد ما استلمت كرولا ٢٠١٤ يوم ٢٥ ديسمبر
أحب أقول لكم انها سيارة هايله ومميزاتها كالتالى
انا لحد دلوقت عامل حوال ٦٠٠ كيلو واستهلاك البنزين ١٢.٣ كيلو / لتر
ثبات رائع
قوة موتور معقوله
جير الى الان مرضى جدا
صالون فخم واعتبره مرضى
اما العيوب
أظن ان موضوع انخفاضها ممكن يكون مشكله فى الأقاليم او مع المطب العالى آوى
غير كده مش شايف لها عيوب
لا صحيح فيها عيب خطير ان السايس فى الجراش حك الاكصدام انا شخصيا هرفع قضيه اشتكى تويوتا يمكن يغيروا السايس طالما صاحب الجراش مش عايز يغيروه
وشكرًا

انا كنت في صيانة ال٥٠٠٠ وسالتهم قالولي ان الشركة هتنزل تعديل وهنتصل بكم والدفعة الجديده اعلي حاجات بسيطة بس غليت عشرة الاف جنيه
سؤال بقي فيه شكوتين انا بشتكي منهم من ساعة ماجبت العربية هل هما عند كل الناس ولا انا بس
الاولي هي ان فيه صوت تزييق في العفشة الامامية لما بكون طالع مطب ونازل بس المطبات الرفيعة اللي هي واطية وتاخدها وانت ماشي بس مهدي
الثاني هو فيه رعشة خفيفة في الدركسيون ودواسة الفرامل بالذات لما بكون واقف وعلي d او ماشي في زحمة هي رعشة خفيفة بس رخمة بنزل من العربية احس ان جسمي منمل