..:: التقرير الشامل النهائى لتويوتا كورولا 2014 ::..

**bassem.naguib** · 28-01-2014 12:34 AM

ظبط كله نيتروجين على 35 ومتقلقش وعن تجربة عندي وعند م/ محمد هاني

**abofandy** · 28-01-2014 10:52 AM

نورتنا يااستاذ حسام
واى استفسارات احنا كلنا تحت امرك

**M.atef82** · 28-01-2014 12:58 PM

المشاركة الأصلية كتبت بواسطة bassem.naguib

معنديش فكرة عن وحدة الضم مع الريموت

بس سؤالي هنا وحدة الرفع بترفع الأربع أبواب مع بعض .. ولا واحدة ورا التانية بشكل متتالي (واحدة تقفل وبعد ما تقفل التاني يشتغل وهكذا) .

وعندك فكرة جهاز الانذار بيتبرمج على الريموت والسنتر بتاع العربية ولا بيبقى ليه ريموت مستقل وتمنه كام وماركته أيه (مش صناعته أيه فقط)

أنا كنت فى التوكيل من كام يوم بسأل على الفرش ومعايا التويوتا 2014 الحمد الله عاملة 2700 كم

-بالنسبة لوحدة الرفع بترفع الأربع أبواب مع بعض

-جهاز الانذار بيتبرمج على رموت العربية وملوش ريموت منفصل وثمنه 550 ج ماركة كوبرا تايوانى وفى وحدة ضم للمرايات أوتامتيك مع قفل العربية بالرموت بس ده لازم تبقى مركب الانذار عشان تركبها وسعرها 350 ج

- فى وحدة ضم للمرايات تانية بتركب من غير الانذار بس ده مش بتقفل من الرموت. بتقفل مع الكونتاكت بس أنا صراحة مبفضلهاش لأن ممكن أحب أقفل الكونتاكت وأفضل قاعد فى العربية وعايز أبوص مثلا فى المرايات وأنا قاعدد والكونتاكت مطفى

**bassem.naguib** · 28-01-2014 03:56 PM

شكراً يا باشا على التوضيح .

بس أنت مقولتش بتبقى عاوز تبص على أيه في المرايات وأنت في العربية وقافل الكونتاكت

**Abu_Hamza** · 29-01-2014 02:29 AM

سألت تويوتا على الفيس بوك هل الفئه الهاي لاين فيها navigation ولا ﻷ قالولي ﻷ
سألتهم هل ممكن برمجة السوفت وير لاحقا ليصبح فيه navigation قالولي ﻷ
قولتلهم في زرار مكتوب عليه map/nav دا بيعمل إيه ؟؟ مردوش عليا !!
سؤال محيرني جدا..ازاي يبقى الزرار مكتوب عليه كده والخاصيه أصلا مش شغاله
إشتغاله مثلا في الدعايه ولا إيه !!

**mamado56** · 29-01-2014 06:44 AM

بص هو ممكن الشاشة مايكونش نازل فيها software للnavigation ......بس يبنزلوا software طبعا

**dr.mohm** · 29-01-2014 10:06 AM

المشاركة الأصلية كتبت بواسطة m.atef82

أنا كنت فى التوكيل من كام يوم بسأل على الفرش ومعايا التويوتا 2014 الحمد الله عاملة 2700 كم

-بالنسبة لوحدة الرفع بترفع الأربع أبواب مع بعض

-جهاز الانذار بيتبرمج على رموت العربية وملوش ريموت منفصل وثمنه 550 ج ماركة كوبرا تايوانى وفى وحدة ضم للمرايات أوتامتيك مع قفل العربية بالرموت بس ده لازم تبقى مركب الانذار عشان تركبها وسعرها 350 ج

- فى وحدة ضم للمرايات تانية بتركب من غير الانذار بس ده مش بتقفل من الرموت. بتقفل مع الكونتاكت بس أنا صراحة مبفضلهاش لأن ممكن أحب أقفل الكونتاكت وأفضل قاعد فى العربية وعايز أبوص مثلا فى المرايات وأنا قاعدد والكونتاكت مطفى

دا في انهي فرع يا باشا ﻷني لسه مركب في ابو رواش امبارح و مكنش في غير وحدة الرفع اللى بترفع واحد ورا التانى مش كله مع بعض.و مكنش عندهم وحدة ضم المرايات