الموضوع: ..:: التقرير الشامل النهائى لتويوتا كورولا 2014 ::..

المشاركة الأصلية كتبت بواسطة abofandy

الحمد لله
واختيار موفق صديقى العزيز
والف مليون مبروك ع الاستلام السريع دة
بس انت مقولتيش انت كدة استلم فى قد اية وقت ؟
واللون جميل ماشاء الله ربنا يباركلك فيها يارب
ومستنين التقارير الجامدة بتاعتك
وتشرفنا فى جروب الكورولا ع الفيس علشان تفيد وتستفيد اكتر واكتر ان شاء الله


https://www.facebook.com/groups/462206267246935/

الحمد الله أتسلمت أنهارده كورولا من فرع التجمع والحمد الله رب العالمين العربية جميلة ما شاء الله وناعمه علي الطريق علي شان أنا عرفت أن فية شباب قالوا أن عافشة العربية ناشفة شويه بس لا خالص ومفيش صوت واضح للموتور هادية جداً والحمد الله محكتش مني في مطبات شوارعنا الجميله لا الحمد الله العربية تستاهل أني أقول عليها عربية تمام.

المفروض كنت أستلمت من الصبح بدري بس الراجل اللي بيسلمني جه متأخر وعقبال ما أتغسلت بقي الوقت أتأخر ومعرفتش أروح أرخص أنهادره الحمد الله. بس هروح أرخص يوم الخميس بإذن الله.

والله يا دكتور أنا روحت حجزت يوم 13-7 قالي هتستلم بعد شهر ونصف قولتله يا عم أنت بتسبتني ولا اية أنا اللي أعرفة أن 3 أشهر قالي أحنا بندي نفسنا فرصة علي شان نسلم برحتنا وكمان في الأول كانت لسة نازله وماكنش فية عربيات كتير بس دلوقتي ممكن تتوفر أسرع قولت والله أوك تمام شهر ونصف مش وحش. المهم بعد ما أخترت اللون اللي أنا عاوزة دفعت المقدم وقولت علي بركه الله شهر ونصف وممكن تروح لشهرين قولت مش مشكله أحسن ما أجبها أوفر بريس من أي معرض ودفعت المقدم ومشيت. يوم 16-7 لقيت الراجل بتاع فرع تويوتا بيتصل بيا وبيقولي لقيت عربية نفس اللون ونفس الفئة في فرع تاني متوفره ولازم تيجي تخلص فيها بكره قولتله تمام هجيلك بكره. يوم 17-7 روحت دفعت بقيت الفلوس بتاعت العربية وأخذت ورقة برقم شاسيه العربية وقالي يومين أول 3 أيام العربية تتنقل من الفرع التاني وأخلصلك جواب المرور قولتله تمام. أنبارح أتصل بيا وقالي العربية جاهزة للإستيلام قولتله علي بركه الله بصراحه خوفت من العربية ليكون فيها حاجة كدة ولا كدة مركونه عندهم من فتره لأي سبب يعني سألت الراجل بتاع السيلز قالي ده داخله من الجمارك يوم 5-7 مفيش الكلام ده خالص متقلقش من الكلام ده. الحمد الله أستلمت العربية أنهادره وكانت عامله 35 كيلو والعربية زي الفل وشيكت علي كل حاجة زي ما عرفت من الناس الموجودين هنا.

أسف أنا طولت عليكوا وحكيت بالتفصيل
شكراً