الموضوع: ..:: التقرير الشامل النهائى لتويوتا كورولا 2014 ::..

المشاركة الأصلية كتبت بواسطة wael .h

دي كدة مش حيادية منك

ليه يا استاذ وائل مش حيادية ، انا شايف ان السؤال منتهي الحيادية هو بيسأل ايه هي عيوب ااتقفيل اللي ظهرت ووحضرتك مجاويتش .
قسم تويوتا معروف عنه الحيادية دايما و بنقول اامشاكل قبل المميزات دايما ، مستني من حضرتك تقولنا ايه هي عيوب التقفيل و هنرد علي حضرتك بمنتهي الاحترام و الحيادية و مفيش حاجة نخبيها خالص و اهلا بحضرتك

المشاركة الأصلية كتبت بواسطة wael .h

الكورولا طبعا عربية جميلة وميكانيكا نمرة واحد لكن هي طول عمرها معروفة انها فقيرة وطبعا موديل 2014 كان نقلة للعربية في الشكل والثبات والكماليات لكن ظهرت بعض العيوب بعيدة عن الميكانيكا بعضها في التقفيل وبعضها في فقر الخامات واغلب العيوب دي انا لاحظتها من خلال الموقع والجروب وفي بعضها لاحظته شخصيا والعيوب دي بعضها موجود على الريفيوهات بتاعة العربية في امريكا وعلى سبيل المثال :
1- نبدأ من الاكصدام الي في شكوى من البوية بتاعته وانها خفيفة ولا ترقى للمستوى المطلوب الاكصدام زي كل موديلات ٢٠١٤ و مفيش عربية زيرو بوية الاكصدام قوية حتي الاوروبي و علي فكرة انا كذا مرة حكيت و مفيش بوية اتشالت هي بتتشال لما تكون كحتة قوية و اعتقد ده مش عيب تقفيل
2- الفوانيس والفوجات في شكوى من ضعف اضائتها ولو تم تعليه واط اللمبة خامة الفانوس مابتستحملشي الحرارة وبيسيح وفيها شكوى من دخول تراب جواها وتاثيره على شكل الفانوس من جوة الفانوس ليه مواصفات لو زودت عليها لازم يسيح في اي عربية و ده طبيعي و معلومة اخري الالنترا و السيراتو و الفلوانس كلهم ١٩ وات و اضائتهم ضعيفة و ده مش عيب تقفيل برضو
3 - بطارية العربية سائلة ودا نوع من الفقر والاسترخاص مش اكتر ده برضو مش عيب تقفيل و مشفناش حد اشتكي و قال البطارية باظت و ده مش عيب تقفيل برضو
4- صوت الزقزقة الي في التابلوة ودي شكوى عالمية صوت التزييق وارد في حالات فردية لانه بيبقي تقفيل يدوي في معظم العربيات المشكلة لما تلاقي الناس كلها بتشتكي و حالات الشكوي حتي الان في المنتدي لا تتعدي ٣ افراد و علي فكرة الالنترا مع حمايا و مع صديق ليا بسمع في الاتنين اصوات جميلة جدا
5 - في شكوى من اداء التكيف لقيتها في الموقع ومن ناس اعرفهم ولقيتها عالميا يا ريت توريلنا الشكاوي دي عشان التكييف تلاجة و ده مش عيب تقفيل برضو
6- الفرامل واصوات الخشونة وادائهاوالموضوع وصل ان التوكيل غير تيل وطنابير في الضمان لاحد الملاك ودي شكوى محلية وعالمية واحد غير تيل و طنابير تبقي مشكلة عالمية ؟ طيب هو حضرتك متعرفش ان كل التيل في العالم بقي بدون اسبستوس ده طبعا للمواصفات الاوروبية و ده مش عيب تقفيل برضو
7- عزل الصوت في ناس اشتكت منه محليا وعالميا وفي واحد اشتكى من قفل دورة التكييف وعزل الرائحة الخارجية واحد اشتمي يبقي مشكلة عالمية ؟ و ده مش عيب تقفيل
8 - في خامات فقيرة جوة العربية زي البلاستيك الي في مفتاح الزجاج في مسند الباب تحس ان بلاستيك لبيسة قلم ومقطوع بالصاروخ وكمان حديد الكونتاكت الي بيدخل فيه المفتاح تحس انه حديد مصدي ومصنفر وباين فيه علامات الصنفرة معنديش الكلام ده ياريت تصورهولنا لان ده مش طبيعي و مشفتوش الحقيقة
كفاية كدة النهاردة

حضرتك لازم تفرق بين مشكلة حصلت لواحد او ٢ او ٣ و مشكلة في كل العربيات عند كل الناس ساعتها نقول اه دي مشكلة فعلا ، و بعدين كامل احترامي الالنترا اقل في كل شئ و انا بخاف لما بسوقها و بحس انها عربية خفيفة جدا بعد ال ١٠٠ و مفيش وسائل امان و لو بنتكلم علي التقفيل و الخامات فبصراحة مفيش وجه مقارنة و ده بشهادة اي حد يركب العربيتين تحياتي ليك

دي كدة مش حيادية منك

انا سالت حضرتك عن اية عيوب التقفيل السياره الى انا امتلكها وعارفها كويس
لم اسئل عن السياره الاخرى .. لانى لا امتلكها شخصيا ... اعتقد دى حياديه

الحياديه انك تكون امتلكت العربية وتحكم عليها
بالنسبه للنقاط الى حضرتك سرد ليها انا كان نفسى ارد ع كل نقطة لانى عارف كويس كل نقطة من الى حضرتك اتكلمت فيها بكونى معايا العربية ومن اوئل الناس الى استلمت بس البش مهندس محمد هانى رد ع حضرتك لو فية اى نقطة مش مستوفيه او مش واصلة لحضرتك انا ممكن اوضحلها ليك واحنا مش من النوعيه الى بيسبحوا بحمد اللعربية علشان اشترناها

اعتقد انت عارف اى حد بالاخص فى قسم تويوتا هنا بيعمل ريفوهات او ع الجروب احنا بنحط المصيبة قبل الميزة وبمن ان حضرتك دخلت الجروب او المنتدى هنا فى التقارير فحضرتك عارف احنا بنحط المشكله اولا ونبدا نقترح حلول وليس العكس زى ناس بدون ذكر اسماء


الفوج لايت .. اصبح الان ع الكل الجديد 19 وات ودة مش عيب تقفيل .. السيراتو والالنترا والفلوانس والاوروبى الجديد كله كدة (( دى معلومه معروفة لكل الناس )) ارجو مراجعه معلومتك فيها لو غير مكتمله .


اصوات التابلو او التزييق ليست مشكله عامه ومشكله فرديه مع شخص او اتنين معانا فى المنتدى وكذلك فى اوروبا (( مع ان المفروض مش تقارن بين الاتنين لان دة خط انتاج ودة خط انتاج تانى خاللللص ))
وازيدك فى الشعر بيتا .. لو حضرتك تابعت المووضوع ع موقع تويوتا نايشن هتلاقى فية ناس ردت قالت انه ظهر معاها وناس لا .. يعنى مش كل الناس برضة ظهر معاهم .. والمنتدى موجود والتوبك مازل موجود والكتابه موجودة ... اتمنى تراجعها تانى معلش ..

البطارية سائله .. ليس عيبا ومش عيب تقفيل .. حضرتك انا كان معايا تويوتا 2009 خليجى .. وكانت تقفيل يابانى وكانت البطارية سائلة .. مشووفتش واحد فتح بوقك وقال عيب تقفيل .. عارف لية ؟؟ لان احنا شعب طالما شاف صنع فى اليابان بيسسسسسسسسسكت ... اضيف لحضرتك معلومه البطارية السائلة يمكن فتره عمرها اقل من الجافة ولكن فى فى الاتوماتيك ( الفتيس ) أحسن بكتيييير ..

التكيييف .. انا مش هعلق عليه .. لان انا بدعوك ودعوة منى شخصيا ان تيجى تجربه بنفسك وكمان فى عربيتنى غيرى وهى بتاعه المهندس محمد هانى وبتاعه الاستاذ باسم نجيب ( تلاته عربيات نفس الموديل ولاشخاص مختلفه ) تكيييف اليابانى عموما مفيش فية كلام خصوصا لو كانت فى الكورولا واقصد بالكورولا اى موديل وليس الموديل دة بالتحديد


الفرامل وخشونتها .. الفرامل مصنوع طبعا للمواصفات الاوروبيه فشالو مادة الاسبستوس ودى فى كل العربيات الى دخلت فى الاتحاد الاوروبى فالتيل مادة بقت انعم وبيتاكل بسرعه ودة حال كل العربيات مش الكورولا بس
بس فية اخبار سعيدة جدا جدا من التوكيل بس مش هقدر افصح عليه دلوقتى ودة الى احنا متعودين علية من التوكيل زى ما عدل العربيات فى الارتفاع بدون تحميل العميل اى تكاليف


حديد الكونتاكت تحس انه متنصفر وبلاستيك الزجاج مش عارف بصراحة دى .. انا كنت راكب 2009 زى ما وضحت لحضرتك وهى موجودة حتى الان والفرق موجود بس مش بدرجة انها لبيسة قلم يعنى



انا كدة انتهيت من كلامى
تشرفت برد حضرتك
الحرية فى الاختيار لصاحب العرض اولا ... والى شايف ان الكورولا بهذا السوء دى اراء ووجهه نظره
بس بلاش دائما كعادة الشعب المصرى االتهويل

ومازال عرضى قائما السياره موجود وتحت امرك لو تقدر تشرحلى النقاط الى وضحتها ع الطبيعة اكون سعيد
وان تاكد كلامك .. انا هبيعها ولو حتى هخسر فيها واوفر واركب اى موديل اقل

تحياتى لشخصكم الكريم

كل العربيات فيها عيوب ولا يوجد شى كامل فى الحياه

ولكن فى المعلومه بنتحرى الدقه فى تقديمها
وانا اول الناس الى قولت العربية مختلفة عن اللكورولا السابقة وعديت انها اقل ف
1 - الكلاكس واطى لانه نازل فردة واحدة وهى Low tone
2 - الفوج لايت اضائته ضعيفة لانه نازل 19 وات
3 - الخلوص الارضى عن السياره قليل جدا 12.5

والكلام موثق بالتاريخ يعنى انا اول واحد عامل التقرير وكاتب العيوب دى
وانا اول واحد ركبت فردة كلاكس تانى اصلية وانا الى مركبها بايدى وعملها معايا المهندس محمد هانى
والشركه تمت تعديل الخلوص الارضى ليا ولكل الزملاء الى كانوا بيشتكوا من الانخفاض والحكات
نور الفوج انا اول واحد عدلته وركبت فية زينون وعملت تقرير وقولت انى شيعت فيوزين لو حضرتك تفتكر
ورجعت شيلت الزينون وركبت هالوجين نيت برايكير انلميتد والمهندس محمد هانى ركب البلاص


يعنى العيوب قولنها الاول
وبعد كدة بدانا نشوف حلول ونجرب ع نفسنا وننقل التجربة
هى دى الحيادية والمصدقية الى انا بتكلم عليه والى دايما فى كل كلامنا سواء هنا او ع الجروب بنقولها علشان محدش يقع فيها
افضل الناس .. انفعهم للناس .. تلك هو المبدأ

والله المستعان
وتحياتى فى النهاية لشخصكم الكريم وسعدت بالنقاش مع حضرتك