الست دي تعباني وشغلة تفكيري !!!!

**mxz911** · 25-09-2013 06:24 PM

حضرتك كان أسهل من كده انك تروحى تكلميها بنفسك وتسأليها الأسأله دى :) !

**ابو لؤى** · 25-09-2013 06:27 PM

خلاصه الكلام الشحات محتاج او مش محتاج انا بطلع اللى وماليش دعوه بقى اذا كان محتاج او لا

**مصطفى-حسن** · 25-09-2013 06:41 PM

انا هحكى على قصة طريفة حصلت ليا وانا صغير فى اولة اعدادى وقصة طريفة برضوا حصلت من شهرين تقريبا فى رمضان اكدت لى ان اللى بيحتاج فعلا بتعفف عن السؤال وان كل اللى انتوا شايفينهم فى الشوارع دول بيمارسوا التسول كمهنة لا غير وممكن يكون اغنى من اللى بيساعدة

وانا طالب فى اعداى كان ليا صاحب شقى جدا وعفريت
المهم واحنا رايحين المدرسة واحنا راجعين منها كنا بنعدى على واحد شحات عامل نفسة كسيح (مبيقدرش يمشى يعنى ) وحاطط عكازين جنب منة وحاجة كدة زى كيس دم طالع من جسمة

وكل ما نعدى علية نلاقية حاطط فى حجرة وهو قاعد على الارض 2 او 3 ج وكأن دول هما اللى لمهم طول اليوم

فصاحبى دة كان قالى اكتر من مرة ان الراجل دة زى الحصان وانا مش مصدقة

قالى طيب اقلع الكوتشى من رجلك وامسكة فى ايدك وانا هثبت لك انة زى الحصان

وللتوضيح فقط قلع الكوتشى من رجلى وامسكة فى ايدى وانا صغير فى اعدادى كان معناة الجرى بالطاقة القصوى (ببقى مقفل عداد يعنى )هههههههههههه

راح عند الراجل وعمل نفسة كانة هيديلة حاجة لله وراح خاطف الكام جنية اللى فى حجر الراجل وطار.....وفجأة لقيت الراجل اللى كان عامل نفسة كسيح وكيس دم نازل منة قام زى العفريت وطار ورايا انا وصاحبى
..................
بس على مين
كنا عيال صغيرة فى اعدادى والجرى كان اسلوب حياة
مش جرى رياضة يعنى وكدة

من ساعتها وانا عارف ان كل اللى بيشحتوا دول محترفين تسول ومش محتاجين

**mr_vampire** · 25-09-2013 07:21 PM

المشاركة الأصلية كتبت بواسطة mohabelnegm

موضوع أن الواحد بيدى الشحات ويقول أن ربنا هايدينى ثواب على نيتى حتى لو الشحات نصاب أنا شايف ان ده استسهال و كسل أنك تدور على المستحقين للصدقة...مفيش أكتر من الغلابة اللى مابيشحتوش و دول هما المستحقين للصدقة..اللى بيدى شحات حرام عليه يحرم الغلبان المستحق و يدى النصاب...لازم الواحد يدور على الغلبان و هتلاقيه فى مستشفى حكومى أو عامل بيشيب طوب فى مبنى تحت ألأنشاء أو فى راجل عجوز بيشتغل غفير بتعدى عيه و أنت رايح شغللك الخ..
هاقولكم عل واقعة حصلت فى رمضان اللى فات...فوجئنا بواحدة ماسكة ميكروفون و بتشحت بالميكروفون بين الفيلات كل كام يوم بعياط و استعطاف أن ابنها مريض و معاها ورق المستشفى للى عايز يشوفه! و اللى يفقع أن الناس بتديها! المهم انها اتمسكت و أتضح أنها بتيجى من القاهرة لشرم الشيخ بالسوبر جيت(تذكرة ب80جنيه) و تقضى طول اليوم شحاته بالميكروفون و ترجع أخر اليوم بالليل للقاهرة( ب 80جنيه برضه) و بتكرر الموضوع ده مرتين فى ألأسبوع و مسكوا معاها مبلغ محترم ساعتها و مفيش عيل مريض ولا حاجة و اتضح أنها شحاتة محترفة.

اكيد الواحد ليه نظرة فالشخص اللي ادامه. مش هيلاقي واحد طول بعرض وعامل زي الخيطة وممكن يشتغل ويهد جبل ويديله عشان يستسهل انه يدور علي حد غلبان فعلا محتاج.

**mohabelnegm** · 25-09-2013 07:31 PM

المشاركة الأصلية كتبت بواسطة mr_vampire

اكيد الواحد ليه نظرة فالشخص اللي ادامه. مش هيلاقي واحد طول بعرض وعامل زي الخيطة وممكن يشتغل ويهد جبل ويديله عشان يستسهل انه يدور علي حد غلبان فعلا محتاج.

النظرية فى فكرة الشحاته نفسها, أن واحد واقف طول اليوم يشحت(مهما كان مظهرة غلبان) ده حصيلة يومه أكتر من الدكتور المشهور...الفكرة اللى عايز أوصلها أننا مانستسهلش و أننا ندور على الغلبان اللى "مابيشحتش" لأن اللى بيشحت بنسبة 99,99% بيكون نصااااب!

**mr_vampire** · 25-09-2013 07:39 PM

المشاركة الأصلية كتبت بواسطة mohabelnegm

النظرية فى فكرة الشحاته نفسها, أن واحد واقف طول اليوم يشحت(مهما كان مظهرة غلبان) ده حصيلة يومه أكتر من الدكتور المشهور...الفكرة اللى عايز أوصلها أننا مانستسهلش و أننا ندور على الغلبان اللى "مابيشحتش" لأن اللى بيشحت بنسبة 99,99% بيكون نصااااب!

حضرتك شايف ان الست المسنة الغلبانة القعيدة ده اللي صاحبة الموضوع متابعاها من زمان ممكن تكون نصابة ؟؟؟؟؟

لو افترضنا ان حد بيشغلها وبيستغلها نصاب. بس اكيد استغلها لانها محتاجة ... انما الاكيد مش هي اللي هتبقي نصابة.

التعميم غلط يافندم لان في ناس هتتظلم.

تحياتي.

**dede_dodo88** · 25-09-2013 07:43 PM

موضوع الشحاتين ده بيعملي أزمة نفسية بجد و خصوصاً أنه زايد أوي اليومين دول, فالواحد بقى طول ما هو ماشي بيتكعبل في شحاتين و مبقاش عارف يدي لمين و للا لمين..
هو أكيد في ناس بتستهبل و بيبقى باين لكن في ناس زي الكبار في السن مثلاً دول أنا مقدرش مديلهومش حتى لو كان في منهم اللي بيمثل.. فبقول لنفسي أفرض أنه محتاج فعلاً و ده واحد كبير في السن ممكن يكون لوحده في الدنيا و ملهوش مصدر دخل و يمكن يكون محتاج لعلاج في سنه ده, و أنا كده كده بضيع فلوسي في حاجات كتير ملهاش قيمة فهو أكيد أولى مني بالفلوس دي..
بس حتى لو عدى عليا واحد حسيت أنه لا يستحق فمديتوش حاجة أنا ببقى متضايق بعدها لأني مبحبش أكون في موقف أنا اللي أقرر فيه من اللي يستحق المساعدة و مين ميستحقش لأنه ربنا هيحاسبني بعد كده على معاملتي للفقراء و المحتاجين دول..

**mohabelnegm** · 25-09-2013 08:03 PM

المشاركة الأصلية كتبت بواسطة mr_vampire

حضرتك شايف ان الست المسنة الغلبانة القعيدة ده اللي صاحبة الموضوع متابعاها من زمان ممكن تكون نصابة ؟؟؟؟؟

لو افترضنا ان حد بيشغلها وبيستغلها نصاب. بس اكيد استغلها لانها محتاجة ... انما الاكيد مش هي اللي هتبقي نصابة.

التعميم غلط يافندم لان في ناس هتتظلم.

تحياتي.

مرة تالته,,,,,لو فى قدامى شحات و مهما كان منظرة غلبان مش هاديله,,,هادور على حد مريض و غلبان مابيشحتش علشان أديله"ودول كتير جدا جدا للى يبص حواليه بس" انما اللى عايز يستسهل و يدى اللى بييجى قدامه بالحكم على المظهرأن ده كده يستحق و كده هاخد الثواب و خلاص ده كده بيظلم حد تانى محتاج كان أولى بالصدقة ديه و متعفف انه يسأل حد المساعدة.