تقرير عن استخدام زيت xado 20w50

**المجرى** · 25-09-2013 08:18 PM

السلام عليكم
اخوانى انا العربية بتاعتى ابيزا 94
مسقط ليها ماتور ابيزا 98 140 cc
الغيار دا الغيار التانى للماتور
اول غيار كان زيت شل الازرق hx7 10w40
بصراحة زيت كان ناااااااااااااااااار مجنن العربية الله ماصلى على النبي

الزيت دا انا نزلت على 7000 كيلو بس نزل ناقص جدا
نزل 2.75 لتر بس بعد استخدام الجركن كلة 4 لتر

قلت لا لازم اجيب زيت تانى فقلت زيت xado وكمان 20w50
المهم غيرت الزيت امبارح
والنهاردة اول مشوار 50 كيلوا بالعربية

الصبح
صوت الماتور عااااااااااااااالى
بشكل ملحوظ قلت مش مهم يمكن انا مش واخد بالى
شوية مفيش كام كيلو المروحة اشتغلت
والصوت عالى

بصراحة بعد 50 كيلو
صوت الماتور عالى فى السلانسية وفى الغيارات كمان الصوت بيعلى قوى
والماتور سخن النهاردة كتير والمروة اشتغلت كتير مع ان دا مشوارى العادى كل يوم

**Karim Ibiza** · 25-09-2013 11:29 PM

انا تقريبا نفس الموضوع عندى
انا برده كنت حاطط شيل الأزرق وزودته ونزل ناقص بس لما نزلته كان لسه محتفظ بخواصه وريحته بعد 7000 كيلو
حبيت اطلع درجة وملقيتش 15w 50 غير فى شيل الأصفر
لأنى مرديتش اجيب 20w50 لأنه كان مكتف العربية أيام ما كنت حاطط الموبيل xhp عشان انضف بيه بعد تسقيط الموتور

الحرارة عندى مش بتعلى عن النص بس بقيت بسمع المروحة على السرعة العالية كذا مرة بعد ما كنت مش بسمعها غير مع التكييف وكانت تشتغل شوية وتفصل, لكن دلوقتى مع التكييف والعربية واقفة المروحة بتفضل شغالة على العالى على طول لغاية ما اتحرك تبتدى تفصل
صوت الموتور بقى أعلى
أستهلاك البنزين زاد
بقيت بسمع تسقيف مع كبس البنزين بطريقة مفاجئة
فيه عتلة فى الموتور والتجميع بقى أقل بس مع التكييف الأداء بقى أحسن

أنا رأيى انك ترجع للـ 10w40 تانى وتنزله على 5000

**Akram.Gamal** · 26-09-2013 12:50 AM

انا برضو جربت زيت زادو 20w50 فى ال 504

حاسس انه تقيل اوى ع المكنه

**Karim Ibiza** · 26-09-2013 01:00 AM

المشاركة الأصلية كتبت بواسطة المجرى

تسلم ياغالى على فكرة انا حطيت زيت شيل بناء على موضوعك بتاع تفريغ نص البولو
لما شكرت فية
بصراحة زيت ممتاز

الوقتى انزل الزيت دا وامرى لله لان العربية فعلا مش مظبوطة
ولا امشى بية شوية وبعد كدا انزلة واجيب شل الازرق تانى
ولا امشى بية لاخر مداة 5 الاف كيلو وبعد كدا اجيب شل تانى

فعلا كان شيل الأزرق كان جميل جدا

والله ان جيت للصح فالمفروض انك تنزل الزيت ده وتحط التانى عشان متتعبش الموتور وهو لسه جديد وعشان كمان ده معدنى لكن التانى كان نصف تخليقى
بس مفيهاش حاجة لو مشيت عليه 2000 كيلو ونزلته

والموضوع فى الاول وفى الاخر راجع لأمكانياتك المادية

**Ahmed Amin** · 26-09-2013 01:44 AM

زيت شيل أحسن للمواتير يا جماعة,, دا تاني تقرير وحش أقراة عن زادو,,
كمان زيت شيل سهل إني الأقيه عند أي بنزينة شيل وتوافرة أسهل, والوحد بيجيبه وهوا مطمن و في حال Peace of mind مع نفسه.

**ehab_mansour** · 26-09-2013 09:34 AM

حتي الان شغال بفيسكو 5000 تخليقي و ماشي بيه فوق ال 16 الف كيلو و زي الفل .. فقط نقص علي المقاس قليلا و لكن ده بعد التسريب اللي حصل عندي من جوان غطاء التاكيهات بعد تغيير الصبابات بعد قطع سير الكاتينة
و بفضل الله حتي الان اداء العربية زي الفل دون اي مشكلة سواء بارده او سخنه و طبعا استهلاك و هدوء زي الفل ... الحمد لله
كنت بفكر اتنقل لزادو التخليقي و قلقتوني ؟؟؟ مش عارف
بخصوص مشكلتك فاتمني ترجع تاني لنفس المستوي 10w40 و لكن جرب مع اكتر من شركة (يعني كاسترول - فيسكو - زادو - وولف - اي حاجه ) حتي تصل لزيت مناسب ليك مبينقصش و للعلم المفروض شيل الازرق ينزل علي 8 الي 10 الاف كيلو !!!! كده هينزل بدري قوي و تكلفة عالية

الموضوع: تقرير عن استخدام زيت xado 20w50

LinkBack

أدوات الموضوع

عرض

-

-

-

-

المواضيع المتشابهه

تقرير استخدام الامجراند 7 بعد 23,000 كلم و 9 شهور -حصري

فى حد فليشياوى جرب زيت xado؟؟؟

حد سمع عن زيت اسمة xado

تقرير نيسان صني مانيوال بعد شهر استخدام

تقرير عن السيراتو بعد استخدام 3 ايام

الكلمات الدلالية لهذا الموضوع

المفضلات

المفضلات

ضوابط المشاركة