الموضوع: صيانات سيارات بيجو

المشاركة الأصلية كتبت بواسطة ahmed amin

هما خلوها 6 شهور من أمتي ؟؟ أنا أعرف أنها سنة من زمان
ولأن كدا كدا الزيت صلاحيته سنة,, فأنا عمري ما هنزله قبل سنة وأعمل صيانة زيادة مالهاش لازمة طالما الزيت سليم وممشيتش عليه 10 الأف كيلو,,

والناس اللي أستملت في شهر 9 و 10 كان التوكيل قايلهم أول صيانة مجانية بعد 6 شهور كحد أقصي مش 3 شهور.!

اكيد في حد اقصي لل 10000 كيلو .. اللي هم السنه زي ما انت بتقول يا ا. احمد علي اساس صلاحيه الزيت
مش معقول اكون عملت 1000 كيلو بس في 6 شهور و اروح التوكيل يدفعني صيانه ملهاش لزمه و لا حتي يغير زيت !!

فعلا يا جماعة موضوع الصيانة ده مهم اوي وياريت الي قرب علي الصيانة يسالنا علي موعيدها زياده في التاكيد
وفعلا مش منطقي لا انا مثلا مش بمشي بالسيارة كتير اروح اغير زيت وادفع تكاليفه كل 6 شهور
تبقي منطقية لو فعلا سنة وتتزامن مع صلاحيه الزيت
بس سؤال للاعضاء الي عندهم سيارات بالفعل , ممكن يبصو في الكتالوج لاني قرات قبل كده ان الصيانة كل سنة او 10000 كيلو , فياريت يفيدونا في الموضوع ده

تحياتي

المشاركة الأصلية كتبت بواسطة Ahmed Amin

أنا راجعت الكتالوج دلوقتي ومكتوب في دفتر الصيانة بتاعي مكتوب كل 20 ألف كيلو أو سنتين
والكلام دا لل 206 و ال 307 وال 407 وال 607 وال 807 وعيلة ال 7 كلها,,

بس عشان أحنا في مصر ظروف التشغيل عندنا قاسية شوية ومسيمينها (ظروف خاصة),,
فا بيكون فيه حاجة أسمها زيارة متوسطة,, اللي هيا ما بين كل صيانتين 20 ألف كيلو,,

فالمتوسط بتاعنا كل 10 الأف كيلومتر زيارة للصيانة, ودا اللي بيتعمل من 2007.
وهوا دا في الغالب اللي هيمشي إن الصيانة تكون كل سنة أو 10 الأف كيلو متر,,
ولو دا محصلش هنخطف Mahmoud Mok من الكول سنتر بتاع بيجو,, وهنخليه رهينة عندنا لحد ما يعملو اللي أحنا عايزنه.

بكرة أرفع لكم صورة من دفتر الصيانة,,
واللي معاه دفتر صيانة ال 301 يرفع لنا صورة منه.

انا قولت ان احمد امين هو الي هيقطع الشط في البسين في الموضوع ده , بس الي قراته وتضارب الاقاويل يخلي الواحد يتسائل , هل التوكيل بيقول كل 6 شهور علشان ياخد الفلوس علي الفاضي ولا فعلا الصيانة لازم تبقي كل 6 شهور ممكن تاثر
علي حسب كلامك الصلاحية للزيت سنة والصيانة المتوسطة بين كل 20 الف او ستنين , يعني 10 الاف او سنة
شئ محير ويحتاج مراجعة للتوكيل للتاكد , وخصوصا اننا كشعب بيحب الفتي ويبين انه افهم من المُصنع
اما موضوع الخطف فانا معاك فيه , او ممكن نجنده لحسابنا ويجبلنا المفيد من جوه المطبخ ... بس الي يقبل يتجند ممكن يبيع , لا احنا نخطفة احسن

تحياتي

المشاركة الأصلية كتبت بواسطة ramy hazem

انا قولت ان احمد امين هو الي هيقطع الشط في البسين في الموضوع ده , بس الي قراته وتضارب الاقاويل يخلي الواحد يتسائل , هل التوكيل بيقول كل 6 شهور علشان ياخد الفلوس علي الفاضي ولا فعلا الصيانة لازم تبقي كل 6 شهور ممكن تاثر
علي حسب كلامك الصلاحية للزيت سنة والصيانة المتوسطة بين كل 20 الف او ستنين , يعني 10 الاف او سنة
شئ محير ويحتاج مراجعة للتوكيل للتاكد , وخصوصا اننا كشعب بيحب الفتي ويبين انه افهم من المُصنع
اما موضوع الخطف فانا معاك فيه , او ممكن نجنده لحسابنا ويجبلنا المفيد من جوه المطبخ ... بس الي يقبل يتجند ممكن يبيع , لا احنا نخطفة احسن

تحياتي

ههههههههههههههههههه
انا مبدئيا فى سيستم كاخدمه عملاء بنكون ماشيين عليه والسسيتم ده بتكون حطاه الاداره
فمعنديش على نقطه ال سنه دى لان زى ماقولت قبل كده ان 10 الف او 6 شهور لكن سنه دى مسمعتش عنها خالص ولا شوفتها بعينى

وبعدين تخططفونى كمان اخص عليكم داناغلباااااااااااااااااا اااااااااااااااااااااااان
ههههههه هههههههه ههههههههههه ضحكات شريرة متقعطعه

المشاركة الأصلية كتبت بواسطة eleanor

لا يا استاذ احمد فعلا بقت كل 6 شهور او 10000 كيلو ايهما اقرب
وده مكتوب فى الكتالوج بتاع ال508 ودى مشكله بالنسبه ليا انا عملت الصيانه والعربيه ماشيه 6000 كيلو بسبب موضوع ال6 شهور ده ولما سالت قالولى شركه موبيل خلت الماده الحافظه للزيت 6 شهور وبعد كده جزيائته بتتفك حتى لو مامشيتش بيه يعنى طالما الجركن اتفتح يبقى 6 شهور بس
والغريبه واللى خلانى شديت معاهم ان فلتر الهواء والتكيف بيغيروه على 6 شهور او 10000 كيلو والمفروض مش قبل 20000 الف كيلو لان مالهومش تاريخ صلاحيه والمهندس يقولى لو ماتغيروش وحصلت مشكله للموتور او التكيف يبقى انت بره الضمان علشان ماغيرتهمش فى الميعاد
حاجه تشل

انا معاك انها حاجه سخيفه بس هم بيحاولوا ان العربيه تكون في منتهي الامان و علي جنب كده يطلعوا بشويه مكاسب مش حتضر يعني. :))