صيانات سيارات بيجو

**mahmed0100** · 03-01-2014 08:57 AM

المشاركة الأصلية كتبت بواسطة akram.gamal

انت كده بتتكلم فى موضوعين مختلفين
بالنسبه للتوكيل الصيانه كل 10000 كم او 6 شهور ايهما اقرب
بالنزبه للزيت صلاحيته جوه المحرك سنه فقط (12 شهر )

بالنسبه لمالك العربيه بقا هنعمله ايه احنا .. عايز يركنها لو حتى 10 سنين احنا مالنا

انا كان قصدي لو انا غيرت زيت ال 10 بره التوكيل
و رحت اول صيانه و تعامل مع التوكيل في 20 الف
هل عندهم مشكله في كده ؟

**mahmed0100** · 03-01-2014 08:59 AM

المشاركة الأصلية كتبت بواسطة ahmed amin

كنت بقول عادي أنك تحرق علي الغيارات وانت بتجري أو عايز تجمع سرعة,,
لكن مش كويس أنك تفضل ماشي مصبت سرعة علي rpm عالي زي 5 أو 6 كتير
علي أي غيار سواء رابع أو تالت أو تاني.

يعني رينج سرعة ال 150 كيلو ل 160 كويس في أي عربية, وبرضه عشان طرقنا الجميلة تعرف تهدي.
أكتر من كدا ممكن تمشي علي 180 لفترة برضه, بس متفضلش ماشي عليها كتير زي نص ساعة أو ساعة متواصل,, دا اللي كنت أقصده,

ودا عمرة ما هيحصل أصلاً علي طرقنا المصرية,

وأبقي قابلني لو عرفت تثبت 180 لربع ساعة علي طريق.

ههههههه وصلت المعلومه يا كبيرنا :)

**mahmed0100** · 03-01-2014 09:03 AM

المشاركة الأصلية كتبت بواسطة ahmed amin

أنت ممكن تعمل 10 الأف كيلو في تلات سنين لو بتتحرك بالعربية في الأجازة بس أو بترفعها وتسافر برة,
وفي الحالة دي يفضل أنك كل ما تنزل أجازتك تروح تغير الزيت في التوكيل عشان لازم يتغير كل سنة علي الأقل,
وعشان تبقي بتعمل صيانتك معاهم كل سنة أو كل 10 الأف كيلو, فانت كدا مواظب علي صيانة كل سنة.
ودا هيفيدك في الضمان عشان لو حصل مشكلة في العربية هتبقي مواظب علي الصيانة في التوكيل,
عن اللي بيغير زيت برة ومش بيروح التوكيل خالص.

تمام .. لو علي الصيانات الدوريه سهله .. نروح التوكيل

**Ahmed Amin** · 03-01-2014 09:11 AM

روح كل سنة وريح دماغك, لو مش بتعمل كيلومتر عالي ومعدتش ال 10 الأف كيلو في السنة.
وحتي خليك أول سنتين غير زيت معاهم, يعني هتغير علي ال 10 الأف مرة وعلي ال 20 مرة,
أو كل سنة لمدة سنتين, لحد ما الضمان يخلص بعد كدا خد راحتك لو موضوع تغير الزيت مش معقد.

بس خليك معاهم أول سنتين عشان الضمان وعشان لو حصل حاجة متبقاش مش بتروح
وفي أخر السنة التالتة غير الزيت في أي مكان مش حوار لما تكون خرجت من الضمان.

**Ahmed Amin** · 03-01-2014 10:36 AM

المشاركة الأصلية كتبت بواسطة mahmed0100

مشكور على النصايح الغاليه يا كبيرنا :)

الشكر لله يا باشا.

يلا أجهز عشان الصلاة, جمعة مباركة.

**Mahmoud Mok** · 03-01-2014 04:57 PM

المشاركة الأصلية كتبت بواسطة mahmed0100

ممكن نرجع لموضوع الصيانات
الخاصه بال 301
و حد يفسر لينا ترتيب الصيانات الدوريه
مع توضيع الاعمال اللي حتتم في كل صيانه
و تكلفتها
و بتاخد وقت قد ايه في التوكيل تقديريا
يعني ... لو في تفاصيل ممله عند حد يا ريت يفيدنا بيها :)

الصيانات زى ماقولت فى الموضوع اول صيانه 2500 او ثلاث شهور ايهما اقرب ,ودى بيتفعل فيها ضمان وبيتم فيها الكشف على جميع اجزاء السيارة والمصنيعه ومجانا
ثانى صيانه 10 الف كيلو او 6 شهور ايهما اقرب
_ باقى الصيانات كل 10 الف كيلو بتعمل صيانه

بالنسبه للأسعار دى ممكن نرجع للمراكز اللى موجوده ارقامها فى الموضوع وهيقدروا يوضحوا اسعار الصيانه لاى سيارة من سيارات بيجو

بالنسبه للصيانات وايه اللى هيتم فيها زى ماقولت ان الشغل هيبتدى من صيانه ال 10 الف كيلو :-
تغيير زيت الموتور تغيير فلتر زيت الموتور تغيير فلتر التكييف تغيير تيل الفرامل الخلفي على حسب الحاله
تغيير الطنابير الخلفيه على حسب الحاله

اما صيانه ال 20

- تغيير زيت الموتور تغيير فلتر زيت الموتور تغيير شمعات الإشعال (البوجيهات) على حسب الحاله

- تغيير تيل الفرامل الامامي على حسب الحاله
- تغيير تيل الفرامل الخلفي على حسب الحاله
- تغيير الطنابير الخلفيه على حسب الحاله
- تغيير فلتر التكييف تغيير فلتر الهواء

صيانه ال 30
- تغيير زيت الموتور
- تغيير فلتر زيت الموتور
- تغيير تيل الفرامل الخلفي على حسب الحاله
- تغيير الطنابير الخلفيه على حسب الحاله
- تغيير فلتر التكييف

صيانه ال 40
- تغيير زيت الموتور - تغيير فلتر زيت الموتور - تغيير شمعات الإشعال (البوجيهات) - تغيير تيل الفرامل الامامي على حسب الحاله
- تغيير الطنابير الاماميه على حسب الحاله - تغيير تيل الفرامل الخلفي على حسب الحاله - تغيير الطنابير الخلفيه
على حسب الحاله
- تغيير فلتر التكييف - تغيير فلتر الهواء

**Akram.Gamal** · 03-01-2014 06:02 PM

المشاركة الأصلية كتبت بواسطة mahmed0100

انا كان قصدي لو انا غيرت زيت ال 10 بره التوكيل
و رحت اول صيانه و تعامل مع التوكيل في 20 الف
هل عندهم مشكله في كده ؟

المشاركة الأصلية كتبت بواسطة Ahmed Amin

روح كل سنة وريح دماغك, لو مش بتعمل كيلومتر عالي ومعدتش ال 10 الأف كيلو في السنة.
وحتي خليك أول سنتين غير زيت معاهم, يعني هتغير علي ال 10 الأف مرة وعلي ال 20 مرة,
أو كل سنة لمدة سنتين, لحد ما الضمان يخلص بعد كدا خد راحتك لو موضوع تغير الزيت مش معقد.

بس خليك معاهم أول سنتين عشان الضمان وعشان لو حصل حاجة متبقاش مش بتروح
وفي أخر السنة التالتة غير الزيت في أي مكان مش حوار لما تكون خرجت من الضمان.

مش عارف يا احمد انت ليه مصمم انها كل سنه و مش عارف برضو ليه التوكيل مصمم انها كل 6 شهور اقصى مده ايه الحيره دى

المشاركة الأصلية كتبت بواسطة Mahmoud Mok

الصيانات زى ماقولت فى الموضوع اول صيانه 2500 او ثلاث شهور ايهما اقرب ,ودى بيتفعل فيها ضمان وبيتم فيها الكشف على جميع اجزاء السيارة والمصنيعه ومجانا
ثانى صيانه 10 الف كيلو او 6 شهور ايهما اقرب
_ باقى الصيانات كل 10 الف كيلو بتعمل صيانه

اهو شوفت شوفت التوكيل بذات نفسه بيقول 6 شهور
احنا نسال المرجع بقا ؟؟ افيدنا يا محمود بيه