استفسار عن زيت الموتور المناسب

**m_hapashy206** · 02-10-2013 05:58 PM

عربيه 132 .موتور متعمر جديد.. ومش بتمشي كتير .... ممكن اعرف ايه انسب نوع زيت مناسب ليها .. وياريت نوع الزيت اعرف يتغير على كام كيلو .... وشكرا ليكو يا شباب

**elmkaneeki** · 02-10-2013 06:52 PM

شل الاصفر كل ٥٠٠٠ كيلو
وخد اكتر من راي افضل

**lidosasa** · 02-10-2013 07:09 PM

جرب شيل هيلكس x5 الجركن الأصفر
ولو أتبخر من العربية بسرعة أبقى غير لشيل الأحمر وفيه أنواع تانية جديدة زى زادو وولف لو بتحب تجرب الجديد

**أحمد جودة** · 03-10-2013 11:59 AM

نصيحة وخصوصا حضرتك بتقولالعربية مش بتمشي كتير ......... خليك فى شل الاحمر بيقولو أنه 3000 كيلو أنا بنزلو علي 2500 ك علشان عربيتي مركونة اغلب الوقت ومش بتمشي كتير

**أحمد جودة** · 05-10-2013 09:28 AM

المشاركة الأصلية كتبت بواسطة m_hapashy206

استاذ احمد .. زيت شيل الاحمر في واحد قالي انه بيتغير على 1000 او 1500 كيلو فقط .. لكن بما ان حضرتك مجرب يبقى انت اصح طبعا

شل الاحمر 3000 كيلو وجايز يكون فيه 1000 كيلو بس أنا بتكلم على النوعية اللى انا بستعملها
وبتعامل مع ورشة زيوت مضمونة بحيث أبقي ضامن الزيت بتاعهم لان فيه زيوت كتير مضروبة فى السوق

**Silent~Dream** · 05-10-2013 09:52 AM

المشاركة الأصلية كتبت بواسطة m_hapashy206

استاذ احمد .. زيت شيل الاحمر في واحد قالي انه بيتغير على 1000 او 1500 كيلو فقط .. لكن بما ان حضرتك مجرب يبقى انت اصح طبعا

ده زيت تقيل للمواتير الى بتودع احادى الدرجه 50 SEA ومدته 1000 كيلو تقريبا لكن الى العضو الفاضل بيتكلم عليه هو 20w50 وده مدته اكبر قد تصل الى 3000 كم او اكثر قليلا والزيت لو مفيش عندك كتالوج نزله لما لزوجته تقل او 6 شهور و رايى شوف شيل الاصفر من مكان مضمون او كاسترول Gtx انا مجرب ال 2 و 2 ممتازين

**أحمد جودة** · 05-10-2013 02:29 PM

المشاركة الأصلية كتبت بواسطة silent~dream

ده زيت تقيل للمواتير الى بتودع احادى الدرجه 50 sea ومدته 1000 كيلو تقريبا لكن الى العضو الفاضل بيتكلم عليه هو 20w50 وده مدته اكبر قد تصل الى 3000 كم او اكثر قليلا والزيت لو مفيش عندك كتالوج نزله لما لزوجته تقل او 6 شهور و رايى شوف شيل الاصفر من مكان مضمون او كاسترول gtx انا مجرب ال 2 و 2 ممتازين

كلامك مظبوط 100% أنا بحط 50w20 من فترة أعتقد دة انسب زيت وارتاحت عليه العربية

وممكن الاخ صاحب الموضوع أقدمله نصيحة

لو حالة الموتور كةيسة جدا يبقي خليك فى زيت يقعد 10 الاف كيلو
لو متوسطة يبقي 5 الالف كيلو أو 3الالف كيلو ودة أنسب للك علشان حضرتك بتقول العربية مش بتمشي كتير وأنا عن نفسي بحد 3000 وبنزلو على 2500 وبيكون نازل معقول وعاوز ألفت انتبهاك ان مدة 2500 كيلو دي ممكن تخلي الزيت عندي فى العربية مدة من 4 الى 6 شهور