الموضوع: تقرير صيانة 10000 صنى سوبر صالون وتغيير الطنابير والتيل فى الضمان

حاضر باذن الله

[justify]انا عملت صيانه ال 10000 من حوالى اسبوع واشتكيت من الفرامل كل اللى حصل انهم شدو على الفرامل وقالو فى التقرير ان حاله التيل متوسطه .. ومهندس الاستقبال قالى ممكن نغيرها فى الصيانه القادمه ال 15000 .. وقالى لان خامه التيل نفسها مش كويسه وطبعا بالتالى هيتم تغيرهم هما والطنابير قولتله الخامه اتغيرت اكدلى انها اتغيرت .. مش عارف بقى استنى لحد صيانه 15000 ولا احجز ميعاد واغيرهم وهل ممكن يغيروهم فى الضمان ولا على حسابى مش عارف..
وفى سؤال محيرنى ليه مغيروش التيل والطنابير فى صيانه 10000 رغم انه حاله متوسطه ده على حسب كلامهم والخامه رديئه وده من كلام مهندس الاستقبال ؟ ياريت تفيدونى بخبراتكم فى هذا الموضوع ولكم منى كل الشكر [/justify]

المشاركة الأصلية كتبت بواسطة art_tv90

[justify]انا عملت صيانه ال 10000 من حوالى اسبوع واشتكيت من الفرامل كل اللى حصل انهم شدو على الفرامل وقالو فى التقرير ان حاله التيل متوسطه .. ومهندس الاستقبال قالى ممكن نغيرها فى الصيانه القادمه ال 15000 .. وقالى لان خامه التيل نفسها مش كويسه وطبعا بالتالى هيتم تغيرهم هما والطنابير قولتله الخامه اتغيرت اكدلى انها اتغيرت .. مش عارف بقى استنى لحد صيانه 15000 ولا احجز ميعاد واغيرهم وهل ممكن يغيروهم فى الضمان ولا على حسابى مش عارف.. [/justify][justify][/justify]

[justify]

وفى سؤال محيرنى ليه مغيروش التيل والطنابير فى صيانه 10000 رغم انه حاله متوسطه ده على حسب كلامهم والخامه رديئه وده من كلام مهندس الاستقبال ؟ ياريت تفيدونى بخبراتكم فى هذا الموضوع ولكم منى كل الشكر

[/justify]

اعتقد ان الخامه اتغيرت فعلا لان مبقاش فيه هباب اسود على الجنط زى الاول وطالما التيل حالته متوسطه يبقى مفيش مبرر لتغييره
خليك لصيانه 15000 على الاقل تستقيد يالوقت طالما كده كده هيتغير هو والطنابير بس لو ابتدا يصفر يبقى التيل خلص اطلع عليهم علطول

السلام عليكم ورحمة الله وبركاته
مبروك الصيانة وربنا يديك خيرها ويكفيك شرها ممكن اعرف افضل مكان معتمد وملتزم لحجز السوبر صالون وكمان الفرش الأسود افضل ام البيج وهل هيتم تحديث السوبر صالون اكثر زى ما سمعت ان هيضيفوا ليها فتحة سقف ولا ده كلام اشاعات ؟

المشاركة الأصلية كتبت بواسطة smsm2004w

السلام عليكم ورحمة الله وبركاته
مبروك الصيانة وربنا يديك خيرها ويكفيك شرها ممكن اعرف افضل مكان معتمد وملتزم لحجز السوبر صالون وكمان الفرش الأسود افضل ام البيج وهل هيتم تحديث السوبر صالون اكثر زى ما سمعت ان هيضيفوا ليها فتحة سقف ولا ده كلام اشاعات ؟

الله يبارك فيك
افضل مكان هو التوكيل نفسه اتو ايجيبت ( المهندسين او مدينه نصر) او السبع فى مصر الجديدة انا شخصيا اتعاملت مع اتو ايجيبت وكانت معاملتهم ممتازه بالنسبه للفرش ده اذواق شوف الاتنبن واللى يريحك اتوكل على الله ومعتقدش فيه اى تحديثات والافضل اسال اتو ايجيبت المبيعات

المشاركة الأصلية كتبت بواسطة ldsaklf

ندمان جدا علي شرائي للعربيه دي انا غيرت تيل عند 7000 كيلو ودفعت تمنه النهارده التوكيل قالي العربيه عايزه تيل وطنابير وبليه ورا شمال التيل الوحيد الي موجود البليه والطنابير لسه مش موجودين المره دي مش هدفع تمن حاجه بس حرام عربيه تبقي كامله 13000 كيلو ويتغير فيها الحاجات دي كلها وهيا اصلا مش موجوده

انا معاك انها حاجه تقفل بس خلىك ايجابى الحاجات دى كلها مستهلكات ولا تؤثر على اساسيات العربيه والحمد لله ان التوكيل محترم وبيغير الحاجات اللى اكتشفوا انها مش على المستوى المطلوب
لو زرت قسم ستروين او بيحو هتلاقى مشاكل اكبر الستروين بتموت مع التكييف وبتكركر وبتسقف والبيحو فيها نتشه فى الفتيس ومش عارفين يحلو المشاكل دى
الحاجه الوحيده اللى فى الصنى هو التيل مفيش مشاكل الحمد لله فى الفتيس ولا الموتور ولا السحب والتيل مقدور عليه

السلام عليكم ورحمة الله وبركاته
انهارده عملت صيانة ال 10000 كيلو للنيسان صني الشكل الجديد 2013 على فكرة انا كتبت من شوية تقرير كامل عن اليوم لكن مش لاقيه سامحوني لو لقتوه متكرر
رحت مركز الصيانة اللي في الدقي حوالي الساعة تسعة ونص الصبح والحمدلله الطريق كان سهل وفاضي وكان المركز كمان رايق وفاضي واستقبالهم كان جيد جدا ، طلبت حل بعض المشاكل اللي قابلتها خلال الفترة اللي فاتت بالاضافة الى الحاجات الواجب عملها في الصيانة وهي كالآتي مع ردهم عليها علما بان المهندس اللي قابلني كان في غاية الذوق والادب والأخلاق وطولة البال
- التكييف كنت بحس ان تبريده ضعيف (قالي تم عمل اللازم من التشييك وتظبيط المكيف بس ما قاليش عملوا ايه)
- السماعة اللي في الباب قدام شمال ساعات بتقطع ( تم تظبيط السماعة ومعالجة التقطيع)
- سحب العربية كان ضعيف وخاصة مع المطالع او عند تهدئة السرعة ومحاولة استرداد السرعة مرة أخرى (تم تظبيط الموتور على الكمبيوتر)
- صوت الفرامل العالي جدا (تم تغيير الصاجة اللي موجودة في العجل والتيل والطنابير بحالة جيدة ولا تحتاج لتغيير)
استلمت العربية حوالي الساعة واحدة ونص وجربتها لمسافة صغيرة لغاية دلوقتي لسه ما حستش بحاجة لكن لاحظت ان دواسة الفرامل علت شوية لكن في المقابل لاحظت ان الكلبسات البلاستيك اللي كنت رابط بيها الطاسات زي ما هي ... مش عارف بقى ازاي فكوا العجل ولا هل ركبوا كلبسات من عندهم الله اعلم حيبان كل حاجة على الطريق
سالت المهندس عن برمجة الانذار ولوك الابواب مع السرعة قالي بفلوس لكن ما يعرفش اذا كان العربية دي فيها الاوبشن ده ولا لأ ووعدني انه حيسأل في المصنع ويرد علي
ياريت يا جماعة لو حد يعرف البرمجة دي بتم ازاي ... هل بالكمبيوتر ولا بخطوات معينة ما بين المفتاح والعربية
معاملتهم كان كويسة بصراحة وكانوا ذوق احقاقا للحق
المبلغ اللي دفعته كان 525 جنيه اللي هو الزيت والفلتر والمصنعية يبقى كده ما اخدوش حق الصاجة اللي اتغيرت في الفرامل
في حاجة بقى محيراني ومش عايزين يقولولي عليها لا في القاهرة ولا في اسكندرية ألا وهي ... ازاي اقيس زيت الجير بوكس علما بان العربية اوتوماتك قالي المهندس انهارده انهم مسؤولين عن موضوع الزيت ده ونقصه لاني مش حقدر اقيس الزيت بنفسي لكن نفسي اعرف ازاي بيتقاس
طولت عليكم ... اتمنى اي حد يستفيد من القصة دي ولو اي حد يعرف طريقة البرمجة ياريت يفدنا
شكرا لكم
محمد

المشاركة الأصلية كتبت بواسطة ya3mm

السلام عليكم ورحمة الله وبركاته
انهارده عملت صيانة ال 10000 كيلو للنيسان صني الشكل الجديد 2013 على فكرة انا كتبت من شوية تقرير كامل عن اليوم لكن مش لاقيه سامحوني لو لقتوه متكرر
رحت مركز الصيانة اللي في الدقي حوالي الساعة تسعة ونص الصبح والحمدلله الطريق كان سهل وفاضي وكان المركز كمان رايق وفاضي واستقبالهم كان جيد جدا ، طلبت حل بعض المشاكل اللي قابلتها خلال الفترة اللي فاتت بالاضافة الى الحاجات الواجب عملها في الصيانة وهي كالآتي مع ردهم عليها علما بان المهندس اللي قابلني كان في غاية الذوق والادب والأخلاق وطولة البال
- التكييف كنت بحس ان تبريده ضعيف (قالي تم عمل اللازم من التشييك وتظبيط المكيف بس ما قاليش عملوا ايه)
- السماعة اللي في الباب قدام شمال ساعات بتقطع ( تم تظبيط السماعة ومعالجة التقطيع)
- سحب العربية كان ضعيف وخاصة مع المطالع او عند تهدئة السرعة ومحاولة استرداد السرعة مرة أخرى (تم تظبيط الموتور على الكمبيوتر)
- صوت الفرامل العالي جدا (تم تغيير الصاجة اللي موجودة في العجل والتيل والطنابير بحالة جيدة ولا تحتاج لتغيير)
استلمت العربية حوالي الساعة واحدة ونص وجربتها لمسافة صغيرة لغاية دلوقتي لسه ما حستش بحاجة لكن لاحظت ان دواسة الفرامل علت شوية لكن في المقابل لاحظت ان الكلبسات البلاستيك اللي كنت رابط بيها الطاسات زي ما هي ... مش عارف بقى ازاي فكوا العجل ولا هل ركبوا كلبسات من عندهم الله اعلم حيبان كل حاجة على الطريق
سالت المهندس عن برمجة الانذار ولوك الابواب مع السرعة قالي بفلوس لكن ما يعرفش اذا كان العربية دي فيها الاوبشن ده ولا لأ ووعدني انه حيسأل في المصنع ويرد علي
ياريت يا جماعة لو حد يعرف البرمجة دي بتم ازاي ... هل بالكمبيوتر ولا بخطوات معينة ما بين المفتاح والعربية
معاملتهم كان كويسة بصراحة وكانوا ذوق احقاقا للحق
المبلغ اللي دفعته كان 525 جنيه اللي هو الزيت والفلتر والمصنعية يبقى كده ما اخدوش حق الصاجة اللي اتغيرت في الفرامل
في حاجة بقى محيراني ومش عايزين يقولولي عليها لا في القاهرة ولا في اسكندرية ألا وهي ... ازاي اقيس زيت الجير بوكس علما بان العربية اوتوماتك قالي المهندس انهارده انهم مسؤولين عن موضوع الزيت ده ونقصه لاني مش حقدر اقيس الزيت بنفسي لكن نفسي اعرف ازاي بيتقاس
طولت عليكم ... اتمنى اي حد يستفيد من القصة دي ولو اي حد يعرف طريقة البرمجة ياريت يفدنا
شكرا لكم
محمد

مبروك الصيانة ومتشغلش بالك يزيت الفتيس ومتحاولش تلعب فيه هما ف الصيانه بيشيكوا عليه وهيغيروه فى معاده والفتيس اليابانى التقليدى ثبت كفاءته واعطاله نادره

السلام عليكم ...
مبروك على العربية .. بس انا حصل معايا صوت بعد 3900 كيلو وبلغت عنه في صيانة 5000 وصنفروا التيل وقالولي مش هايظهر .. المهم اني ما كملتش 20 كيلوا وظهر تاني .. بلغتهم .. وحجزت تاني .. قاموا فعلا مشكورين مغريين التيل والطنابير الاماميه وصاجة التيل الخلفية .. وفعلا الصوت ما بقاش ملحوظ .. وبعد يومين .. وانا ماشي على الزراعي بدا الصوت يظهر تاني من الخلف .. كنت بمشي بسرعة 10 ك. م / ساعة تقريبا من الزحمة وبستخدم الفرامل كتير .. طبعا الطرق المصريه العظيمة .. انا سجلت الصوت بالموبايل...
المهم اني بلغتهم .. قالوا التيل بيطبع .. كملت لغاية 6000 كيلو وبعدين حجزت ورحت بعد ما اتصلوا بي وسمعتهم الصوت اللي انا سجلته .. المهم انهم صنفروا التيل ونظفوه . واكدولي ان الصوت مش هايظهر .. خدت العربية وماكملتش لحد الدائري من المحور والصوت طلع تاني لانه كان نفس الوضع كان زحمة .. قمت متصل بيهم وحجزت تاني ولسه ها اروح بكرة ان شاء الله ..
سؤالي هوا لازم اغير التيل والطنابير الخلفي كمان ولا ايه الحكاية العجيبة دي ...