صديقي المواطن قف محتار ومحتاج أتناقش معاكم في بيع عربية ألماز

**SuperTest** · 18-11-2013 02:51 PM

استاذ صدام
أولا ربنا يوفقك يارب

ثانيا كالعادة لازم الموضوع يخرج عن اللى هوا فيه ، يعنى لو كان حد ركز فى البيع والشراء كنت استفدت

ثانيا بقى اسمحلى انا كمان اخرج

عايز ترشحلى عربية مستعمله من 25 ل 30 الف ، يكون فيها تكييف ومبتسحبش بنزين كتير وتستحمل السفر وقليلة الاعطال وشكرا جزيلا

**samoreception** · 23-11-2013 12:42 AM

يا جماعة استاذ صدام وصلتوه لمرحلة انه يقسم بالله وبرده فى ناس مش مصدقة !!!
اظن انى مفيش انسان عاقل يقسم بالله كدب علشان خاطر عربيات
وعلى المستوى الشخصى انا اتكلمت كذا مره مع استاذ صدام وكان انسان متعاون جدا معايا وبيرد على كل استفساراتى بكل صدر رحب
وربنا يباركله ويوسع عليه ان شاء الله ويوصل لكل اللى يتمناه وبالتوفيق

**saddam** · 24-11-2013 12:34 PM

المشاركة الأصلية كتبت بواسطة samoreception

يا جماعة استاذ صدام وصلتوه لمرحلة انه يقسم بالله وبرده فى ناس مش مصدقة !!!
اظن انى مفيش انسان عاقل يقسم بالله كدب علشان خاطر عربيات
وعلى المستوى الشخصى انا اتكلمت كذا مره مع استاذ صدام وكان انسان متعاون جدا معايا وبيرد على كل استفساراتى بكل صدر رحب
وربنا يباركله ويوسع عليه ان شاء الله ويوصل لكل اللى يتمناه وبالتوفيق

صديقي المواطن شكرا لمرورك الكريم وشرفتني في موضوعي وأنا يعلم الله وبالصدفة بكتب هذه الحروف ومش قادر أفتح عيني لسه راجع من فاقوس بقالي يومين بايت في لشارع نعم في الشارع داخل كابينة رش وقعدت جوه الكابينة حوالي 15 ساعة وأتحدى أي صاحب عىبية بستحمل روائح الخامات وفي نفس الوقت كنت بحضر وبخلط وبخمهز ﻹستكمال المرسيدس رقم1 اللي جنوطها إتعملت ذهب وألماز وهي إتطعمت وكنت بحط أنجح طريق ﻹسنكمال النص.التحناني ﻷن الموضوع مش سهل أما عربية النهارده فعملتها 3 ألوان من بيوك ومينسوبيشي وأوستن مارتن
وهذا ما لزم بيانه ودمتم
وبالتوغيق وإلى تﻷماممن نصر إلى مصر
ودمنم للنضال

**amr011111** · 24-11-2013 12:38 PM

ياريت يا أستاذ صدام تقولنا نبذه عن الكماليات اللى بتركبها للسيارات بتاعتك.

**toty_305** · 24-11-2013 01:51 PM

-النقاش و تقبل و رفض الاراء مدى تاثر البعض بفكرة او راي لمجرد انه ساعده في مرة او حاجة تانية و ناس بتدافع بدون ادنى دليل ( المؤيدين لاستاذ صدام ) و ناس بتحلل بالعقل و البرهان و الدليل ( المعارضين ) بيفكرني بالضبط بحال البلد من مؤيدين و معارضين....

-في النهاية كل واحد يقول اللي عايزه و يعمل اللي عايزه لكن يبقى للجميع الحق في الاقتناع او الرفض للكلام دون ادنى تجريح او سخرية

-مثال بسيط مع الفارق طبعا Einstein كان فيه ناس بيتريقوا عليه كده بردوا زيكوا في المنتدى

**medo-312** · 25-11-2013 03:22 PM

استاذ صدام .. أحييك على أدبك وأخلاقك العالية .

**saddam** · 29-11-2013 02:16 PM

المشاركة الأصلية كتبت بواسطة medo-312

استاذ صدام .. أحييك على أدبك وأخلاقك العالية .

صديقي المواطن
شهادتك وسام غالي أتقلده وأفتخر به وأزهو به على صدري وجزاك الله عني خيرا وبورك بك ﻷهلك ونفع بك الدنيا والناس
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**M.ABDOU** · 05-12-2013 04:29 PM

بصوا قولا واحدا لا يقبل النقاش
بغض النظر عن ان استاذ صدام صادق فى كلامه ام لا فمن اسلوب كتاباته الكثيره جداااا طريقته تختلف جذريا عن سكرين بلاير لو فى حد شاكك فى كده

لكن ده لا يمنع ان فى امور كثيره جدااااااااااا بيحاول يخفيها او ميقولهاش وده شيىء من حقه

بس وهذا ما لزم توضيحه

**عزت السبكى** · 09-12-2013 10:53 PM

ولدى معاه سياره مرسيدس 260 انتاج المانى 1964 وكانت بتاعت جدى وورقها موجود
نفس الشئ ولدى محافظ عليها ونواكلهاا وكل شئ فيها حتى الخشب الجوااه الابانوس الاصلى
ياريت الاخ الهاوى ينزل صور يفرجناا شويه
وانا انشالله هصورهااا

**saddam** · 10-12-2013 11:27 AM

المشاركة الأصلية كتبت بواسطة عزت السبكى

ولدى معاه سياره مرسيدس 260 انتاج المانى 1964 وكانت بتاعت جدى وورقها موجود
نفس الشئ ولدى محافظ عليها ونواكلهاا وكل شئ فيها حتى الخشب الجوااه الابانوس الاصلى
ياريت الاخ الهاوى ينزل صور يفرجناا شويه
وانا انشالله هصورهااا

صديقي المواطن
إعتذاري الشديد لحضرتكم الكريم ولكني مفهمتش مشاركتك هل حضراتكو عندك نيه لبيع العربية فلو النية موجودة نتواصل عالخاص ونشوف طلباتكم
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
تعقيب بس بسيط هل حضرتك متأكد من كلمة 260 وليست 250 أو 220 أو 200 أو 190 أو 230 أس أل أو تقصد كوبيه يا ريت تنور بصيرتنا