الموضوع: صديقي المواطن قف محتار ومحتاج أتناقش معاكم في بيع عربية ألماز

المشاركة الأصلية كتبت بواسطة hunting_eagle

انا بقالي حوالي نصف ساعة بقرأ موضوعك

فمحبتش امشي من غير ما اتمنى لك التوفيق

صديقي المواطن
أكثر ما أسعدني اليوم هو مرورك بموضوعي وتمنياتك لي بالتوفيق وده مبلغ سعادتي وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة lifz_good

بالتوفيق بإذن الله
مقدرش أفيدك برأيي, اعذرني

صديقي المواطن
متقلش كده مجرد مرورك بموضوعي شرف لينا ومجرد إنك إستحملتنا للآخر فإنت مكسب لينا
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة maxidizer

اللى اعرفه ان اللى بيحافظ على سر خلطته،، هو التاجر اللى بيتكسب من ورائها،، خوفا ليسرقها غيره ويضيق عليه رزقه بواستطها...... اما انت وهوايتك كما فهمت هو تعديل السيارات حبا فيها،، فما>ا يضرك لو شاهد العالم كله سيارتك وحاول ان يقلدها ؟؟!! بالعكس ه>ا سيشبعك سعادة لانك وقتها ستثبت لنفسك انك أبهرت الناس بفنك ،، وستكسب شئا اخر وهو " التحدى "... فالان انت وحدك تلعب فى الملعب ،، ليس هناك لاعب اخر لتثبت لنفسك انك افضل منه،، انما لو انتشرت بعض افكارك ستجد نفسك مضطر لابتكار غيرها وأجمل منها.... ستتحدى نفسك....

فى نهاية القول اريدك ان تضع صور ابداعاتك،، فالابداه لا يُرى بعين المبدع،، انما بعين اناس اخرون انبهروا به... يارب الرسالة تكون وصلت......

ودمت انت للنضال الحقيقى... نضال فى تحديك لنفسك.. فلتجعل من موهبتك حياة حقيقية تتكسب منها لتطورها...

صديقي المواطن
شكرا لمرورك وتعليقك في موضوعي ووجهة نظري مختلفة عن طرحك وأنا لست مصمما عظيما هناك أحسن مني آلاف ولكن أنا لم أقل أن أفكاري وتصاميمي مميزة ولكن من شاهدها من الناس في الشوارع داخل وخارج مصر ومن اﻷسطوات اللي بقابلهم كلهم بيجمعوا إن أفكاري حلوة ومجنونة ثم أنا أساسا نتاجاتي قليلة لدرجة أحيانا بشتري عربية من عربياتي وأكون رسمت في بالي وش جديد ليها وبعدين أشتري عربية وراها ببقه نفسي أسرق أفكار من أفكاري من العربية دي لغربية تانية من عربياتي مببقاش قادر بيصعب عليا آخد فانوس أو إكصدام وأقلده في عربية تانية فعشان كده بتعب جدا واﻷفكار نادرة وقليلة والخامات صعبة مش زي بره أنا عربيتي الدوبل كابينة شوفرلية اﻷمريكاني رقم 9 في مجموعتي لم تكمل أسبوعين والتحدي كان نخلي الدودج الرام 2014 متجيش زيها وكل.يوم بقعد أغير الرسمة مرة أقول أديها شكل هجومي ومرة أقول أديها كيرفات ومرة أقول أديها شكل حاد والمشكلة مش عايزها تشبه عربية من عربياتي فالموضوع مش سهل بتاتا والتمويل اللازم مهما كان كبير فلما توزعه على 9 عربيات فتلاقي نسبة اﻹنجاز بطيئة وتقعد بالسنتين والتلاتة ونسأل الله الثبات وسعة الرزق ثم أكيد حييجي يوم العربية بالصدفة صورتها تتلقط وتتحط عالنت أو ممكن المنتدى يخترع مقابلة جميلة غير عادية وواحد يحضرها بوحده من العربيات ويقابل اﻷعضاء ويستزيد خبرة ويتعلم صدقني تعديل السيارات موضوع في مصر صعب جدا جدا ولكن أدينا بنحاول ضمن المتاح
وبالتوفيق وإلى اﻷمام ومن نصر إلى نصر
ودمتم للنضال

المشاركة الأصلية كتبت بواسطة مهند-النجار

موضوع عسل
من حيث موضوع الصور دة فدي حرية شخصية لصاحب الموضوع وياما شوفت مواضيع فيها صور والناس بتشكك فيها بردك وحتي لو حد راح للراجل دة بيته وشاف العربيات ال 9 ولا ال 10 دول ممكن ميصدقش بردك ممكن توريه الرخص واسمك عليها ويقولك مزورة الخ الخ محدش بيصدق حد ف البلد دي

ف الاخر انا الفضول قتلني والصراحة عايز اصدق عم صدام واقتنع ان في حد كدة

بالرغم من ذلك انا شايف ان لو الموضوع دة حقيقي حوار هوايتك و التعديل المجنون دة فاسمحلي اقولك ان انت صعبت عليا و انا شايف من كلامك انك راجل مؤمن وعارف ربنا انت مش شايف ان دة اسراف و هدر للموارد و لا يوجد فيه نفع لاحد حتي نفسك هتستفيد اية بالدهب والالماظ ف دنيا فانية فنصيحتي ليك انك لو عندك خبرة في مجالالعربيات او اي مجال تاني انك تنفع الناس بعلمك و هو دة اللي هيبقالك ودة مش سبيل اني اقولك حط صور او اي شيء من هذا القبيل بل هو دعوة ليك انك تعمل مركز صيانة ورشة تشتغل فيها بضمير واتنفع الناس وتكسب دنيا فلوس واخرة ثواب

و كفاية بقي حوار التعديل دة الذي اجد انه كادمان لعين يستنزف مالك وصحتك و استخدم هوايتك فنفع الناس

و اخيرا لو الحوار مقنع ابقي شوفلي شغلانة معاك

عسي ان ينفعك نضالك لخير الناس

صديقي المواطن
شكرا ﻷنك ناصح أمين والذهب واﻷلماز غير حفيقي بل تقليد وكمان الهواية دي متنغس تهرب ليها من الحياة لو قلبتها شغلانى حتكرهها وساعتها حتهرب منها بس ساعتها مش حنعرف حنهرب ﻹيه فخلينا في المضمون وفائدة هوايتي سترتني من المشي في الحرام ومن أصحاب السوء ومن الجلوس في المقاهي والحمد لله بدل ما الوحدة تخليك تتجنن وتقتل نفسك بساعة ضعف من اﻹيمان فدي بتشغل وقتك ولما بتخلص عربية تحس ببسمة إترسمت على شفايفك وسعادة كبيرة فدي أنا شايفها فوائد لي
أنا اﻷيام دي سعيد عشان لقيت 3 عربيات 36 و 48 و 60 وطبعا كالعادة حفضل ورا صاحبها لغاية مقنعه أشتريها بالقسط وأنا الكل عارفني ملك التقسيط في المنتدى آخر 5 عربيات من عربياتي كلها بالقسط
ونسأل الله الثبات
وبالتوفيق وإلى اﻷمام ومن نصر إلى نصر
ودمتم للنضال

صديقي المواطن
مرورك بموضوعي مرة أخرى شرف لي وإنضمامك ﻹخواني في المنتدى من غير المصدقين يزيدني أجرا كلما زدتوني ظلما وكله أجر وثواب وعفو وعافية من الله تعالى

إخوتي اﻷعضاء كذا مرة نوهت أن الموضوع لفئتين من الناس وليس ﻷخذ النصائح ولا لتبادل الخبرات ولا حد يقلك إنت ماشي بحياتك صح ولا غلط وسبق وقلنا يا سادتي الكرام أنا محترف كذب وخداع وتظليل وراضي بذلك وقانع وأنا لا أضع نفسي مكان تقييم من أي أحد مهما علت مكانته ولست محتاجا لذلك

ولذلك أرجو ترك النقاشات الجانبية وإما نترك الموضوع أو يكون الدخول للجادين فقط ومهتمين بالموضوع ولو حضرتك برضو زعلان ومش مصدقني هات 30 ألف وأنا أرشلك عربيتك ألماز أو تعال إشتري عربيتي وأوريك حتستلمها إزاي بعينك وحسيب عندك رفرف أو كبوت في بيتك لحسن بتقول بزغلل عنيك في حاجة والمنتج النهائي يطلع حاجة تانية خالص يا إما تكون عندك عربية من طلباتي ونفسك تبدل غير كده مش مهتم بأي تعليقات وأتمنى كل يوم تخش وتحط مشاركة سلبية ومعاهم طقمين إتهامات وربع كيلو كفتة بالشتيمة بتاعتهم وبكده تكون زودتلي حسنات وجزاك الله عني وعن أمة محمد خيرا ونفع المسلمين بك وزادك الله من علمه ونسأل الله أن يهدينا
وبالتوفيق وإلى الأمام ومن نصر إلى نصر
ودمتم للنضال