الموضوع: صديقي المواطن قف محتار ومحتاج أتناقش معاكم في بيع عربية ألماز

المشاركة الأصلية كتبت بواسطة aw2100

الصورة دى شديدة اوى بس اعتقد ده الماز اصلى انا شايف انك ترشها باللونين افضل ورشه الماز وده علشان توفر شوية فى التكلفة واعتقد رش اللونين حياخد وقت اقل بدل حكاية 3 شهور وكده تكسب وقت وخصوصا انك ناوى على بيعها !!

صديقي المواطن.
الموضوع ملوش.دعوة بتقليل الوقت هو حتى اللون الثاني برصو بيترش بنفس الطريقة وعشان أوضحلكم الصورة عشان العربية تطلع كده فحتخش الفرن 16 مرة وممكن 20 مرة.لو حصل أغلاط والفرن طبعا كلنا عارفين بياخد من 80 إلى 100 جنيه كل دخلة غير اﻹكراميات وغير الخامات والتعب والزق ورايح جاي ترش طبقة ثم تستنى أسبوع تنشف وتعظم ثم تسحق وتخش ترش تاني وهكذا لغاية متبقه كده
يا إخواني الموضوع مش سهل وحتى البوهيجية وبلد بحالها بقوا يعيطوا على حالي كل ما تترش العربية متعجبنيش ونرجع نرش تاني قسما بالله المرسيدس رقم 1 دخلت الفرن لغاية النهارده أكثر من 20 مرة ومنزل اللون كذا مرة ومخليتش تجربة.ألوان إلا وعملتها فيها ومرة خلصناها وإتركنت في كراج وإتخبطت في كراج وعدتها كلها من.أول وجديد
ملحوظة أي حادثة في اﻷلماز أو الذهب مهما كانت حتى لو رفرف بس برضو حنقعد 3 شهور في الرش

التعديل مش سهل بتاتا والله العشرين دخلة.للفرن أنا بسافر لها رايح جاي 7 ساعات من عمري في كل سفرية وبشيل الخامات على ظهري وبتبهدل آخر بهدلة وبخش الفرن مع 2 بوهيجية بنفسي وأنا بخلط الخلطة

ودمتم للنضال

المشاركة الأصلية كتبت بواسطة فبريكا

ليه كده بس ؟ ما كلنا بنحب نعدل العربيات بتاعتنا وكل واحد ليه دماغوا و امكانياته
واعتقد اي حد معاه مش حيبخل على عربيتوا باي تعديل وزمان قالوا الفنون جنون.
الى الامام يا مناضل يا كبير ربنا يوفقك وتجيب كل الى نفسك فيه
سيبك من كلام الناس زي الجبل ولا يهزك ريح

بعد اذنك وريهم صورة عربية من عربياتك ده سيدنا ابراهيم طلب انه يشوف ايه من ايات ربه
ورينا الابدااااااااع العب ووريهم
وتقبل مروري

صديقي المواطن
شكرا على دعمك وتشجيعك وإنت بالذات من أكتر الناس المطلعة على دماغي في التعديل وعارف إني متطرف ولكن فكرة الصور هو إن الناس هنا بتستفزك عشان بس يشوف وهو مش متخيل آلامي ومعاناتي أي صورة تتحط على فضاء النت لا يمكن مسحها نهائيا مدى الحياة فأنا عربياتي بعدل وبركب وأتونس في الشارع الناس تصورها وبشوف ناس في إشارات بتطلع موبايلات وتصورها وكمان بلاقي حد يأشرلي إشارة حلوة فدي الحاجات بتبسطني بس لو حطيت مثلا صورة ظهر عربية وعليها سبويلر على طول السبويلر ده حيروح الحرفيين ويقلك عايزين منه وأنا.بتاع فيبر في الحرفيين عرض عليا 5 آلاف مقابل أفكه ويعمل عليه إسطمبة سبته ومشيت

قصة معاناة وألم أخرى.
مرة.دخلت عند علي رضا في مدينة نصر بتاع الكماليات شفت عنده راك سقف نيكل مرمي كده وبيدلل عليه محدش بيشتريه شلته ونزلت عالعربية وإخترعتله مكان وركبتو عالكبوت وطلع خرافة 2 قصاد بعض المهم ساعتها إشتريت 6 الواحد ب 150 ومشيت وهو قايل لي دول 300 واحد جايين بالغلط ومحدش راضي يشتريهم رحت من.فترة أجيب.منهم لكل عربياتي قال لي بالحرف مفضلش ولا.واحد كل حد بيركن نوريه فكرتك بيركب ويمشي من.غير كلام فخسرت كده علامة تميز

فصة أخرى طبعا بتشوفوا كتير سوزوكي ميكروباص الصغير وميكروباصات تويوتا الكبيرة ودلوأتي حتى التكاتك عملوا تقليد لبها
طبعا كلنا عارفين اﻹكصدام النيكل شبه المثلث الخلفي بتاع الجيب أنل بلا فخر أول من إخترع فكرة تركيب اﻹكصدام ده أو الدرع في الملاكي الصغير وشامبليون تشهد قبل كام سنة وإحنه بنلحم والشارع كله إتلم علينا ببقلك حيحك وحرام ومش حينجح ولما.خلصت بقت الناس تقوللي فنان بقت جيب خلاص

الخلاصة فكر بره الصندوق وأوعه تفكر في بيع ولا تقول لي دواخل وفبريكة واﻷمراض اﻹجتماعية دي
أنا بركب كراسي شبح في عربيات ستينات وبخرم و أقطع أرضية عشان أركبه

طولنا عليكم

ودمتم.للنضال

أتمنى.نسيب قصة التعديلات دلوأني ونرجع للموضوع اﻷساسي حد عنده عربية من.العربيات اللي أنا طالبها وعايز يبدل أهلا وسهلا مفيش أكيد أما تخلص ممكن.تتحط في معرض شيك كام.يوم مش حتقعد لكن.المعضلة لو لقيت بدل دلواتتي حرشها بشبيه اﻷلماز سادة ملقيتش حد حرشها الخلطة الثانية ولسه قدامنا شهر ونص عقبال متجهز عالرش وباﻷمانة العربية حيستلمها بور وتكييف أمامي وخلفي وعوازل صوت وحرارة وجنوط 16 وكراسي شبح كهربائية وكل حاجتها ونواكلها اﻷصلية وشاشات ونظام صوتي حديث وهفشة جديدة ومكنة بنزين أصلية وكل الحاجات دي واقفة عالتركيب موجودة مش لسه حشتريها

ودمتم.للنضال