صديقي المواطن قف محتار ومحتاج أتناقش معاكم في بيع عربية ألماز

**saddam** · 11-10-2013 06:51 PM

المشاركة الأصلية كتبت بواسطة silent~dream

اولا انا متابع حضرتك من فتره و بصراحه مفيش حد يعمل كده غير الى عشق و هوس العربيات بيجرى فى دمه و دول قليلين و احب احييك على افكارك العبقريه زى رش العربيه و كانها ذهب او الماز و حاجات تانيه قراتها فى مشاركات سابقه عشان كده احب ارفع القبعه و اقولك شابوه
و حضرتك ادامك 3 اخيارات دلوقتى : لو مش عايز تدى افكار لحد و لا جهدك لحد يبقى مش هتبيع ثانيا لو ممكن تبيعها فى سبيل حلم اخر و ده انا مش شايف انو عيب حضرتك هتبيعها بعد الرش و الى هيشترى اكيد مش هيعرف يعمل الى حضرتك عملته لانه نتاج خبره و كفاح و نضال و تكون معرفه طبعا انو لو اتخبطت ولا حاجه ايه الى هيحصل ثالثا حضرتك ممكن تستنى شويه لما ربنا يوسعها عليك من رزقه و تقسط او تشترى العربيه لى حضرتك عايزها و بردو هتظبطها على مزاجك مع العربيه الى مش هتبيعها وانا مع الاختيار 2 او 3 و فى الاخر الشغل مش عيب و لا حرام و حضرتك ممكن تجيب كام اسطا كده تبقى عارف انهم نضاف و تشغلهم تحت ايدك و تكون انت المشرف على الشغل لا اكثر و تشتغل فى حكايه رش العربيه كانها ذهب او الماز ب مبلغ معين هيتوزع طبعا زى ما انت شايف و تقبل مرورى

صديقي المواطن
حللت أهلا ونزلت سهلا ومرورك في موضوعي شرف لي وأنت على رأسي من فوق أنا اليوم في حالة سعادة ﻷني غدا ذاهب ﻷخلص العربية الشبفرولية الدوبل نقل اﻷمريكاني الكبير ودي مشروع تحدي مني للدودج رام 2014 وساعتها حنشوف التعديل احسن ولا تجيب عربية ب 700 ألف وتركبها

أما نصيحتك فدي نصيحة أخ طيب ومحترم وتقدر أنا بأمانة دي هوايتي وليست شغلي يعني فيه إنسان مدمن سجاير والعياذ بالله أو بيصرف كل فلوسه عالبنات أنا بقه هوايتي أجمل العربيات وفيه ناس مثلا يطلع رحلة إسكندرية من القاهرة فطبيعي إنت واخد عيلتك معاك وحتكون متعتهم أما توصل إسكندرية ويشوفوا البحر أنا بقه متعتي ساعة وأنا سايق بيهم الطريق دي متعة عاشق السيارات

أما.موضوع بيعها فصدقني مش هاين عليا أبيعها وبقول مع نفسي لو جابتلي 150 ألف مش حبيعها لازم 160 ألف زي مقلت عشان مش حريص على بيعها أنا عايز عربيات تانية أكمل بيها مجموعتي وكلها عربيات سرطانات مش بياعة وأنا غاويها كركوبة ومش محتاج فلوس العربية اللي حبيعها وأنا جالي مشتري جالي مجاليش مش مشكلة أنا عن نفسي مش بسعى والعربية أنا لسه شغال فيها ولكن كانت الفكرة قبل مرشها بمزاجي جايز واحد عايزها بلون معين جايز واحد غني يهديها لوالده تكريما له وأنا على فكرة شاري العربية من مدير عام في مجلس الوزراء ونسأل الله الثبات وبالتوفيق
ودمتم للنضال

**saddam** · 11-10-2013 06:56 PM

المشاركة الأصلية كتبت بواسطة koj@k

لا حول ولا قوة إلا بالله
ربنا يشفي :)

أنا الصراحة شفت ناس كتير بتحور في المنتدى هنا
بس المستوى عمر ما حد وصله

دي دماغ عالية قوي lol

يعني إنت الناس تصور العربية عادي
بس مترفعش إنت صورتها ؟!!!!!!!!!!!

طب ما أي حد صورها ممكن يرفع صورتها
ولما تشدها هتبقى تمشيها وتحطها في قفص عشان محدش يشوف شكلها ؟؟!!!!!!!!!

يا اخونا هو أي حد يقول أي كلام تصدقوه
هههههههههه
قال لك عربية 1 و عربية 8

واللهِ تلاقي معندوش توكتوك حتى

طب إيه رايك أنا اتحداك
اتحداك لو صورت حتى حوض أي عربية من اللي عندك
بلاش شكلها من بره

أظن ده ماحدش هيسرق أفكارك

رايح جايبلي صورة من النت وتقولي أنا بعمل دي
إنت عارف العربية اللي إنت جايب صورتها بكام ؟؟!!!!!!!!!!!!!

Lol

ملحوظة :
الإخوة اصدقاؤه في النضال
وفروا ردودكم لاني مش هرد عليها

صديقي.المواطن
وجودك في موضوعي شرف لينا وأنا خريج كلية العلوم اﻹسلامية قسم الشريعة بدرجة إمتياز ولكني بفضل الله على إديك خدت دكتوراه في الكذب والخداع نسأل الله الثبات
الحمد لله ومش حنزعلك برضو
ودمتم للنضال

**saddam** · 11-10-2013 06:59 PM

المشاركة الأصلية كتبت بواسطة mazagngi2010

ممكن نجيلك انا واحمد فارما للاستفاده ؟؟

صديقي المواطن
أنا تحت أمرك لو عندك أي مشكلة أو إستشارة أروح معك أو محتاج فكرة تعدل وش عربيتك أو ظهرها برضو تحت أمرك ومجانا وحسبة لله تعالى
ودمتم للنضال

**koj@k** · 11-10-2013 07:04 PM

المشاركة الأصلية كتبت بواسطة saddam

صديقي.المواطن
وجودك في موضوعي شرف لينا وأنا خريج كلية العلوم اﻹسلامية قسم الشريعة بدرجة إمتياز ولكني بفضل الله على إديك خدت دكتوراه في الكذب والخداع نسأل الله الثبات
الحمد لله ومش حنزعلك برضو
ودمتم للنضال

احنا فيها يا باشا
إنت مش هتبيع واحدة و هتحطها في معرض

ابقى قولنا المعرض ده فين
أو حتى لو مش عارضها في معرض ,ابقى ارفعلها صورة

ماإنت كده هتبيعها ,مش هيفرق معاك يعني

وانا لسة عند كلامي واتحداك لو عملت حاجة من دول
ولو حصل
أنا أول واحد اعتذرلك

بس لحد ما ده يحصل :)
كلامك ده ولا يسوى شيء

**saddam** · 11-10-2013 07:07 PM

أيها اﻷخوة المواطنون

أنا شرف ليا طبعا مروركم بالموضوع شرف على رأسي من فوق ولكن كعادة مواضيعي دايما لازم نخرج بره الموضوع ويتحول إلى ساحة منازعات
والموضوع معمول لنوعين من.الناس يا حد معاه 160 ألف وعاوز عربية محدش في مصر راكبها يا إما واحد عنده وحده من العربيات اللي أنا طالبها في أول الموضوع دول فقط أقعد معاهم ونقعد نتفق وآخده ويشوف العربية ويشوف عربياتي ويتأكد من كلامي ويسأل الناس المحيطة بي

فأرجوكم الموضوع في ساحة البيع والشراء وليست ساحة اﻹجتماعي وكمان ممكن نتناقش في حدود طلبي للمشورة في أول الموضوع يكفيني غير كده مرورك شرف لينا وبالتوفيق
ودمتم للنضال

**saddam** · 11-10-2013 07:18 PM

المشاركة الأصلية كتبت بواسطة koj@k

احنا فيها يا باشا
إنت مش هتبيع واحدة و هتحطها في معرض

ابقى قولنا المعرض ده فين
أو حتى لو مش عارضها في معرض ,ابقى ارفعلها صورة

ماإنت كده هتبيعها ,مش هيفرق معاك يعني

وانا لسة عند كلامي واتحداك لو عملت حاجة من دول
ولو حصل
أنا أول واحد اعتذرلك

بس لحد ما ده يحصل :)
كلامك ده ولا يسوى شيء

صديقي المواطن
متشكر ليك وإنت شخصية مستفزة ولكني أعذرك ولكني حوريك الدليل بعينك ومش عايز منك إعتذار بكره الساعة السابعة والنصف صباحا حستناك لغاية الساعة 8 صباحا حستناك في شارع الهرم وإبعتلي عالخاص أديك نمرتي وتكلمني الصبح وحوريك صورة الجنط اللي نجحت تجربته ذهب وطاسته ألماز وهو أصله ألمنيوم فضي من كاميرتي الشخصية وحوريك كمان صور كام عربية من عربياتي ومتخافش عشان متقولش الصور من النت أنا موجود في الصور وكمان حوريك صورتي في الكابينة وأنا برش الجنوط الذهب واﻷلماز وكمان حوريك عربية في مراحل رشها وتطعيمها بالذهب بس بعد كده مسمعش حد في المنتدى يشكك في كلامي أنا واحد بعدل لنفسي وبتعب شهور في تصميم وش عربية وييجي واحد عالجاهز ويركب ويمشي

وأنا مستنيك بكره وإن غدا لناظره لقريب وبالتوفيق وكل المنتدى شاهد على كلامي
ودمتم للنضال

**koj@k** · 11-10-2013 07:19 PM

كنت متوقع هروبك من الرد
ماهو أصل هترد تقول إيه ههههههههههه

هتقول أنا بحور
وعمرك ما هتجيب أي دليل على كلامك

لانه أصلا ملوش أساس

والله أنا مستغرب من الناس اللي مدية الموضوع اهتمام قوي
لأ و إيه
متابعة كلامك كمان هههههههههه

الظاهر إنك ومتزعلش مني
افلاسك أثر عليك جامد

ربنا يعافيك ويعافينا

يا اخونا هو لو حد فلس
بدل ما يلم ايده ,يروح يبعزقها على العربيات

لا و إيه هههههههههه
يعني لما كان غني ماكانش بيعمل كده
ولما فلس بقى هاوي عربيات

طب حتى ابتكر يا أخي
هات حاجة تتصدق

بالذمة ده كلام يصدقه عيل صغير حتى

**koj@k** · 11-10-2013 07:22 PM

المشاركة الأصلية كتبت بواسطة saddam

صديقي المواطن
متشكر ليك وإنت شخصية مستفزة ولكني أعذرك ولكني حوريك الدليل بعينك ومش عايز منك إعتذار بكره الساعة السابعة والنصف صباحا حستناك لغاية الساعة 8 صباحا حستناك في شارع الهرم وإبعتلي عالخاص أديك نمرتي وتكلمني الصبح وحوريك صورة الجنط اللي نجحت تجربته ذهب وطاسته ألماز وهو أصله ألمنيوم فضي من كاميرتي الشخصية وحوريك كمان صور كام عربية من عربياتي ومتخافش عشان متقولش الصور من النت أنا موجود في الصور وكمان حوريك صورتي في الكابينة وأنا برش الجنوط الذهب واﻷلماز وكمان حوريك عربية في مراحل رشها وتطعيمها بالذهب بس بعد كده مسمعش حد في المنتدى يشكك في كلامي أنا واحد بعدل لنفسي وبتعب شهور في تصميم وش عربية وييجي واحد عالجاهز ويركب ويمشي

وأنا مستنيك بكره وإن غدا لناظره لقريب وبالتوفيق وكل المنتدى شاهد على كلامي
ودمتم للنضال

وإيه لزومه 7:30 وبتاع

ما ترفع الصور هنا , احرجني قدام الناس هنا

**محمد يوسف** · 11-10-2013 07:37 PM

الأخ كوجاك..بصراحة حضرتك مبالغ فى الاستفزاز وسوء الظن بالراجل..كل واحد حر فى ظروفه وربنا أدرى بأحوال الناس

نصيحة أخوية لاتتعقب الناس ولاتهينهم كى لا ترتد اليك يوما ما

**saddam** · 11-10-2013 07:40 PM

المشاركة الأصلية كتبت بواسطة koj@k

وإيه لزومه 7:30 وبتاع

ما ترفع الصور هنا , احرجني قدام الناس هنا

صديقي.المواطن
مهو.كل المشاكل دي عشان أنا مبرفعش صور عالنت أما ليه سبعة ونص ﻷن أنا مريض في البيت بقالي 6 أيام وبكره الصبح رايح المرور أعمل شهادة بيانات ومخالفات لعربيتي رقم 9 أنا عارف إد إيه اﻷرقام دي تدايقك ومدي معاد لصاحبها ساعة الثامنة والربع وحستناك من.بعد صلاة الفجر إلى 8 صباحا ولو مش عايز تيجي رشح أي حد في المنتدى ييجي وأوريه بعينه وبالتوفيق

ملحوظة مين.قال لك إني عاوز أحرجك أنا مش عاوز حتى إعتذار منك أساسا

ملحوظة عارف المشكلة فين المشكلة مشكلة رقي مجتمعات مثلا لو في دبي تقول عندي عربية ذهب حيقلك عادي إنما في مصر حتقول أنا عملت عربية تبان شكلها ذهب حيقلك إنت كذاب وده ﻷن إحنه مجتمعات فقيرة

ودمتم.للنضال