الموضوع: صديقي المواطن قف محتار ومحتاج أتناقش معاكم في بيع عربية ألماز

المشاركة الأصلية كتبت بواسطة ahmednabeah

اخى العزيز عايز قولك لولا الخيال والحلم مكنش قيه عربيات ولا طيارات ولا اى حاجه

صديقي المواطن
بشرفني رقيك ومرورك الكريم
ودمتم للنضال

المشاركة الأصلية كتبت بواسطة فبريكا

بالتوفيق ايها المناضل الكبير كلنا بنحبك ونحترمك ونتمنالك كل خير

اخوك فبريكا

صديقي المواطن
جزاك الله عني كل خير لقد أنصفتني ولقد كفيت ووفيت وبالتوفيق
ودمتم للنضال

أيها اﻷخوة المواطنين

نبذة بسيطة عشان بس تفهموا كلامي وهوسي في موضوع العربيات وتعديلها وكل ما ينطق به لساني فإني أقسم بالله عليه وبالقرآن الكريم وأمام الله أحاسب عليه حسابا عسيرا وملحوظة أنا رجل خريج كلية العلوم اﻹسلامية قسم الشريعة فأحسب على الله أن يكون لكلمتي قيمة كبير عندي

أنا في يوم من اﻷيام في الشهر التاسع بالظبط من عام 2009 إشتريت أولى عربياتي في مصر وكانت عربية مرمية في الشارع فيصل العمومي خدتها ب 8750 جنيها والعربية مرسيدس موديل 65 في حياتي كلها ركبتها نص ساعة فقط وإبتديت رحلة الشد بتاعتها وبعد سنتين قررت أعدل مش بس أشد وأنا من طبعي لكل عربية من عربياتي بعمل سجل مصاريف مستقل ومفصل وبالتواريخ ولو إشتريت صمولة بربع جنيه حكتب عليها 5 سطور لو مونت بنزين بعشرة جنيهات حتلاقيه مكتوب
فإمبارح قعدت أبص في سجل العربية رقم 1 وأنا كاتب عليها رقم 101 ﻷن أنا مرقم عربياتي زي نظام الغرف الفندقية فو الله العظيم العربية حتى كتابة هذه السطورصلت تكاليفها إلى 71 ألف جنيه تقريبا ولو حد شافها حيلاقيها فاضية مفيش حاجة راكبة فيها عدا الموتور والعفشة جداد زيرو وإتغير عليها 5 سمكرية وإتشالت ب7 ونشات وإتغير عليها 4'بوهيجية و آخر بوهيجي مدخلها الفرن أكثر من 15 أو 20 مرة وعدلت ألوانها 4 مرات رغم إن لونها اﻷسود من بورش باناميرا واﻷحمر من فيراري كاليقورنيا وكمان قعدت أحط خطة الصرف المتوقعة عشان تخلص فلقيت أقل واجب حتعوز كمان بتاع 25 ألف بس طبعا حتطلع قنبلة نووية وحتى لونها حطيت فيه زي بودرة ياقوت وذهب وألماز وجنوطها شلتها من عربيتي الجيب ورشتها تجربة الذهب واﻷلماز وعملت فلنشات ضخمة بألفين جنيه غير النقل والتركيب

واللي حياخد مني العربية المرسيدس رقم 5 حيقعد يدعيلي بعد كل صلاة ومراته حتدعي عليا بعد كل صلاة ﻷنه حيبقه مهووس بيها ويحبها أكتر منها

ملحوظة أنا توصلت أيضا لخلطة أخرى وهي إني أخليلك العربية من بره مرشوشة كأنها قطعة خشب أبانوس وماشية في الشارع يعني للي حيدخل عربيته في عربيتي متاح ليه اﻹختيلر ما بين إنو يشوفها قطعة خشب أبانوس أو يشوفها قطع ألماز ناعمة مبروشة بالظبط زي الخاتم الذهب المرصع في إيد مراتك وبالتوفيق

ودمتم للنضال

المشاركة الأصلية كتبت بواسطة فبريكا

بصراحة يا رفيق النضال انت فعلا برنس وعامل زي الشهاب بنشوفة كل قرن و اخترت صفة لايقة وهي النضاااااااال فعلا لان الواقفة على يد الصناعية يكاد يكون جهاد علشان تطلع الحاجة استندر من غير تعديل فما بالك لو عايز تخترع و تعدل حاجة في مزاجك وتسافر بلد علشان شاطرين في حاجة فيها وبلد تانية علشان شاطرين في حاجة تانية ده وهكذا ده نوع من المثابرة والجلد علشان ترضى غرور هوايتك . ويمكن فيه حاجة مشتركة بينا وهي الوصول للمثالية يمكن بعض الناس بتسميها حسوكة بس نحن نتميز عن الاخرون ولا نرضى بالقليل والوصل لاعلى درجات السمو .

بالنسبة لموضوع التقليد والتميز من حقك ومحدش يقدر يلومك بس زي ما تكرمت وقلت فيه صناعي عايز يفك الاسبولير ويعملة اسطمبة و فيه ناس بتطلع الموبايل وتقعد تصور يعنى المشاهدة و الصور ممكن يكون للاعجاب بالفكرة والتمييز وطلما هو شئ بيبسطك وممكن تتعمل بس مش بنفس الدقة فى التصنيع والحرفنة لخبرتك الطويلة في المجال وانا بكلمك لاني بحب ابتكر واخترع بردوا وفاهم معنى كلامك جدا وطلبي للصور علشان السادة الاعضاء يعرفوا انك متمكن من هوايتك او مجالك ويعرف انه حياخد حاجة من تحت ايدك اوستيك شغل فنادق كدة وليس خارج سياق الموضوع.

صديقي المواطن
شكرا لمشاعرك النبيلة وأنا لو تسأل الصنايعية واﻷسطوات اللي بالعشرات شغالين في عربياتي والله بيعيطوا على حالي يعني بقلك بقعد أرش عربية بالسنة والسنتين ومثل بسيط في عربية من عربياتي حتوصل مرحلة تركيب الكهرباء والكناليات الكعربائية بقالي 5 شهور كل أول شهر بروح للكهربائي وأشيل عنده أمانات وأجهزة لدرجة الكهربائي بقه يشيل الحاجات من المحل وبيقسملي إن مراته شايلاهم فوق دولاب أوضة النوم ومعادش فيه مكان وبيقللي العربية حتعوز ظفيرتين فوق ظفيرة العربية دي ولو إشتغلت فيها شهر كل يوم مش حخلصها ﻷنها فيها مثلا 7'كلاكسات معدلة وكل كلكس عليه كتاوت مرش تكتك مش كتاوت عادي يعني فيها أريلين كهربائية فيها 3 أطقم زينون أمامية فيها مروحة كهربائية إضافية وثرموستات فيها تقسيمات أنوار كتير فيها فلاشات عدد 10 مزروهة تحت منها فيعا 25 زرار بينور لكناليات مستقبلية فيها فوانيس وإشارات عدد 16 قطعة معدلة دول لوحدهم كلفوا فوق ال 11 ألف وسنتر لوك وزجاج كهربائي وحاجات كتير مش فاكرها وأر بي إم وفوانيس سقف صالون وفوانيس فوق السقف وحاجات كتير ولسه بشتريله كل ده وبعربية وحدة وبالتوفيق
ودمتم للنضال

المهم ياصديقى تلاقى اللى يقدر الشغل اللى انت بتعمله واللى يقدر يدفع فيه لان العملية مش سهلة والهواه مش كتير حتى الهاوى اكيد الازمة المالية متاثر بيها ربنا يوفقك وياريت تفرجنا على صور كده للتحف بتاعتك انا مصدقك لان عندى واحد صاحبى بس مع الفارق هو ممكن يشترى عربية موديل قديم ويصرف عليها مصاريف لحد ماترجع لحالتها وطبعا مفيش حد بيقدر الكلام ده ولو حب يبعها متجبش نصف اللى صرفه لكن هو معندوش مشكلة هى هوايته كده