Nissan Tiida HB versus Peugeot 301?

**Ahmed Amin** · 12-10-2013 03:42 AM

المشاركة الأصلية كتبت بواسطة 2code

تيدا طبعاً طالما بتهمك العربية اكتر من الشكل وغيره
البيجو 301 القطع الاصلية بتاعتها مغربي شوف المشاركة دي للاستاذ عمر :
http://www.nilemotors.net/nile/3875227404-post32.html

ده يقلل منها طبعاً رغم اعجابي بيها زمان

دا الفانوس بس,, لكن باقي قطع الغيار الميكانيكية أوروبي مش مغربي,
فالتعميم علي قطع الغيار الأصلية أنها مغربي دي مش صح,

لما حد يعمل صيانة تاني ممكن أبقي أخليه يصور لك علب القطع اللي هتتغير لو حابب تتأكد أكتر,,

وبالمناسبة التيدا الجديدة تقفيلها تايلاندي وصيني,,
هنشوف لما تنزل أدائها وسعرها هيبقي عامل أزاي,

**M I D O** · 12-10-2013 04:42 AM

المشاركة الأصلية كتبت بواسطة Naa22

So you are only comparing the Shape?! This is not what i was asking for :S

No No No if we make compare with the to cars from all sides peugeot will be better but the new shape of tida may be better than peugeot

**mahmoud_afifi** · 12-10-2013 04:55 AM

انا جربت سواقة التيدا و السيتروين الاليزيه الي هي بالظبط البيجو 301 في موتور وعفشه وكل حاجه. و ده رأيي في العربيتين

الموتور :
التيدا كانت اقوى بفرق بسيط عن الاليزيه/ال301. بس صوت موتور الاليزيه افضل في الكبس على الموتور (لهواة الشد)

الجير بوكس:
في التيدا سلس ومش محسوس على عكس الاليزيه.

العفشه:
عفشة التيدا جربتها في طريق مكسر. احساس منعدم بأي شئ مكسر. وناعمه في المطبات. (انعم من الالنترا الي معروفه بانها ناعمه على المطبات). بس في المقابل ثباتها مش حلو قوي.
عفشة الاليزيه انشف حاجه بسيطه بس مابتتعبش الضهر في الطرق المكسره. انما ثباتها رائع في الغرز وجربتها في كذا غرزه على سرعات عاليه وكانت ماسكه نفسها.

الأمان:
وسائل الامان من حيث الairbags والabs والebd متوفر في الاتنين. بس في البيجو/ستروين بحس ان الفرامل اقوى لأن فيها تسقيط النقلات عشان تقف اسرع. وفي خاصية ان فلاشر الانتظار يشتغل مع الفرامل المفاجأه تقريبا اسم الخاصية emergency brake warning.

العزل:
في التيدا احسن بكتيييير. في الستروين سئ جدا ومفيش عزل للموتور و صوت الكلاكس مسموع جوه العربيه جدااااا كأن الكلاكس في الكابينه. وفي عيب مش عارف فردي ولا لأ وهو ان عند سرعة 80 صوت الهوا مسموع من الباب بتاع السائق.

الsound system:
في التيدا 4 سماعات وصوت افضل من السيتروين مع انها برضه 4 سماعات بس السماعتين الاماميه موجوده في التابلوه وده بيخلي جودة الصوت والbase وحش جدااا وقفلني من العربيه خاصة لو الواحد بيحب الhouse music :)

نقطه اخيره.. الازاز الامامي بتاع السيتروين/البيجو ضعيف جداً لمواجهة الزلط الصغير والطوب وبينقر او يتكسر بسهوله.
اضعف حتى من عربيتي الالنترا !

ممكن غيري يختلف معايا في الرأي بس انا شايف التيدا أفضل مع ان البيجو/الستروين فيهم مزايا كتير بس ماتخلنيش اجيبها برضه :)

**mahmoud_afifi** · 12-10-2013 02:56 PM

المشاركة الأصلية كتبت بواسطة elmkaneeki

اعتقد التيدا ٦ سماعات

كلامك مظبوط انا لسه داخل موقع نيسان واتأكد انها 6 فعلا.
وانا الي كنت فاكرهم 4 بس

عشان كده بقى الquality كان رائع وكده الأمر محسوم في النقطه دي للتيدا

**mahmoud_afifi** · 12-10-2013 03:51 PM

المشاركة الأصلية كتبت بواسطة Naa22

Thank you SOooooooooooooooooooooooooooooo much for your detailed reply, very useful & also based on your experience not people's experience or words

1st of all I have read a lot of articles here,. I know Peugeot & C-Elysee are same factory, same 3afsha,, same everthing except shape, but what i figured out is that not same software & people gave feedback about this(things related to motor & condition, some say en Citroen betet7'ene2 fel sor3a wenta mesha3'al el takyeef wel nas fel Peugeout 2alo bengeb el takyeef 3ala mximum w mesh bey2athar 3al motor), how come Peugeot is better in some stuff!
3azl, i am not sure about it
sound system, people say about peugeot very fine, but dunno in comparison with tiida
Regarding the 3afsha, people say it gets better when u shift to Nitrogen & adjust it to 32, it get much much better

Regarding the origin, I am still afraid that Tiida 2014 will be assembled in Thailand, i have heared rumors but not yet sure
however Peugeot is frnch assembled in Spain

I am getting sooo much confused actually

عفواً واحنا تحت امر حضرتك

السوفت وير بتاع السيتروين فعلا مختلف عن سوفت وير البيجو. وعاوز اقول لحضرتك ان العربيه الي جربتها فيها المشكله بتاعت الخنقه والصفع (الكركره) ومع ذلك كانت بتجري كويس بالتالي البيجو هتبقى افضل ومع ذلك ماتوصلش للتسارع بتاع التيدا الي جربت اجري معاها بالالنترا من سرعة 50 تقريبا للتوب سبيد. طبعا تسارعها ممتاز في الاول بعدين يقل عند سرعة 200 تقريبا.

ونقطة العزل لو ينفع تعملي test drive يبقى افضل خاصة موضوع الكلاكس لأنه في الفتره الي سوقتها كان عاملي صدااااع

الsound system انا متأكد من الموضوع ده لأني جربت السيتروين كذا مره (بتاعت اخويا) والصوت مش wow. اخره الواحد يسمع عليه الراديو. من الأخر هتبقى كويسه لحد سنه 40+ ومالهوش قوي في جودة الصوت.

بالنسبه للعفشه بالفعل الكاوتشات فيها نيتروجين. انا مش بقول انها ناشفه زي السيراتو مثلا. بالعكس انعم بس فيها نشوفيه بسيطه عن التيدا. بس خلي بال حضرتك ان احنا بنتكلم عن التيدا الold shape مش الall new. لأني لما شوفت الspecifications بتاعت الجديده احتمال العفشه تبقى انشف من الاول وهتكون اثبت لأن فيها stabilizers قدام و ورا وغالبا ارتفاع العربيه اقل من القديمه فهتكون اثبت بمراحل. والعفشه من ورا torsion beam

بالنسبه لأخر نقطه وهي التقفيل. نيسان كانت منزله bluebird sylphy من كام سنه وكانت تقفيل صيني!
المفاجأه ان تقفيلها كان جميل وelegance جدااااً وماحدش اشتكى من عيوب تقفيل او غيره. فلما تكون تايلاندي هيكون احسن من الصيني. ممكن مايكونش زي الياباني بس هيكون مقارب جداً ليه وده هيقلل من سعرها بدل ما تبقى ب170 زي التويوتا اوريس.
عامة نيسان ايجيبت بتعمل test drive لعربياتها زي ما عملوا للQashqai والJuke. رأيي تنتظريها وتجربيها وتحكمي أو ننتظر تقييم الناس عليها في الخليج.