الفرامل العاديه افضل من abs أفضل فى مصر ؟!!

**MOTOR HEAD** · 12-10-2013 08:40 PM

المشاركة الأصلية كتبت بواسطة kar!m

يا ربي حتى الكتالوج بيهيس .. دي حاجه مش ممكن ..

دى فى حاجه اكبر من كده كمان

كاتبين سير الكاتينه يتغير كل 135000

**MOTOR HEAD** · 12-10-2013 08:43 PM

المشاركة الأصلية كتبت بواسطة Batman372

بصفه عامه يوجد فرق شاسع بين الفرامل العاديه التقليديه و ال abs ... و محسوس بشده ...
- طرق حصويه/رمليه .. مش اسفلت يعنى .. تبقى صحراء و ده عايز 4x4 مش سيدان
- طرق جليديه .. غير موجوده فى مصر
- طرق سيئه بها حفر او بها منحيات .. اشك فى صحه معلومه ان العادى افضل من abs

غير كده كل العربيات الى بتنزل ب abs مفيهاش زرار يبطل مفعوله مثل esp للاتزان الى ممكن تشغله او لا on/off... مما يعنى ان منظومه abs/ebd/ba تصلح لكافه الطرق و الظروف و امان اكتر من العاديه ... فلا تقلق من الموضوع ده و اطمئن :)

تحياتى ...

ياريت و الله يطلع زى ما حضرتك بتقول

و تحياتى ليك يا باشا

**Silent~Dream** · 12-10-2013 09:46 PM

المشاركة الأصلية كتبت بواسطة amrelsaqqa

امال الـ abs اصلا معمول عشان ايه !
ايه الهبل ده !

اصلا في الطرق النضيفة انت مش محتاج الاي بي اس في حاجة !
ده بالعكس ده معمول عشان الطرق االمشابهة لطرق مصر

انا ربنا كرمنى وركبت عربية بـ abs وعرفت يعنى ايه مفيش حاجة اسمها اتفاجئت بمطب وكلته ، زي ما كان بيحصل مع الفرامل العادية ، بتدوس الفرامل بكل قوة للاخر بدون ما تخاف العجل يقفش ، والاي بي اس بيقوم بالواجب بيوقفلك العربية في اقل مسافة ممكنة واكبر قوة فرملة ممكنة في نفس الوقت

اعتقد المقصود ان السائق اللى معاه اي بي اس بيدوس فرامل للاخر وده ممكن يعمل قفش للعجل ويشغل الاي بي اس ويطول المسافة
بعكس اللى راكب عربية بدون اي بي اس بيحاول يدوس بدون ما يحصل قفش للعجل على قد ما يقدر، فممكن يوقف العربية احسن من اللى بيدوس فرملة للاخر ومعاه abs

انما لو واحد معاه abs والتانى لا ، والاتنين داسوا فرامل جامد لاخر الدواسة ، بالتأكيد اللى معاه abs هيقف احسن واسرع من التانى وفي مسافة اقل

انا اوافق حضرتك فى كل الى قولته

**horas3000** · 12-10-2013 09:53 PM

من ويكيبيديا

ABS generally offers improved vehicle control and decreases stopping distances on dry and slippery surfaces for many drivers; however, on loose surfaces like gravel or snow-covered pavement, ABS can significantly increase braking distance, although still improving vehicle control.[1][2][3]

ال gravel ده اللي هو الحصي

**amrelsaqqa** · 12-10-2013 10:29 PM

المشاركة الأصلية كتبت بواسطة Samir Elshahawy

الراجل ده جاب الخلاصة لكن بعد أذنه هأحاول أبسطها لكم :

- مع الفرامل العادية :
و أنت دايس فرامل علي الاخر مش هاتقدر تتحكم في العربية بمعني أنك ماتقدرش تلف الطارة يمين أو شمال لأن العربية مش هاتستجيب لك و هاتكمل علي طول
ده علي الطرق العادية

لو العربية نزلت منك علي الرمل و اصبح فيه عجلتين في الرمل و عجلتين علي الاسفلت و دوست فرامل العربية ممكن تلف منك و تستعرض و تفقد السيطرة عليها

في الطرق المبلله أو اللي عليها رمل لو دوست فرامل العربية ممكن تزحف و تفقد السيطرة عليها

- مع نظام الفرامل المانعة للأنغلاق abs :
تقدر تتحكم في الطارة يمين أو شمال و أنت دايس فرامل

ممكن تفرمل و تتحكم في العربية لو العجل نزل من علي الاسفلت و بقي في الرمل

هاتقف في مسافة و توقيت مناسب لو الارض مبلله أو عليها رمل

ده الفرق بأختصار بين المنظومتين

ماشى كل ده معروف ، ليه الـ ABS زود مسافة الفرملة عكس المتوقع وليه اعتبر الـ slippery surface حاجة والـ loose surface حاجة تانية !
وازاى مسافة التوقف بتقل مع النوع الاول من الاسطح وتزيد مع التانى !

**Samir Elshahawy** · 12-10-2013 10:48 PM

المشاركة الأصلية كتبت بواسطة amrelsaqqa

ماشى كل ده معروف ، ليه الـ abs زود مسافة الفرملة عكس المتوقع وليه اعتبر الـ slippery surface حاجة والـ loose surface حاجة تانية !
وازاى مسافة التوقف بتقل مع النوع الاول من الاسطح وتزيد مع التانى !

في نظام منع الانغلاق الفرامل بتشتغل بشكل متقطع
بالظبط كأنك ماشي و بتدوس فرامل و تشيل رجلك و تدوس و بعدين تشيل و هكذا
هنا العربية هاتتوقف في مسافة أكبر من لو أنك دايس فرامل علي طول

**saddam** · 12-10-2013 11:35 PM

صديقي المواطن
الكل يعلم أني أحب أن أعطي رأيي بناءا على تجارب علمية ولكني سأستثني هذه المشاركة وسأقول رأيي القلبي وليس العقلي لمحترفي السواقة العربية بدون أي بي أس أنا أراها كفرامل أفضل وأقوى وأسرع إستجابة للخبير في مصر وتقلل الحوادث في الطرق المزدحمة والكل يعلم إن عندي عربيات فيها أي بي إس وعربيات مفيهاش أي بي إس وبرتاح للنوع الثاني وأحيانا ال أي بي إس في الزحمة ممكن يجيب سكتة قلبية لضعاف القلب شفانا وشفاهم الله وبالتوفيق
ودمتم للنضال

**monamize4** · 12-10-2013 11:41 PM

كتير من الناس بيعتقدوا خطاءا ان ال main aim لل abs
هو تقليل ال braking distance ,,,,,,,,,,,,,,,

ال main aim هو منع ال lock up فا بيدى السائق control افضل
لانه بيسمح بال steering اثناء ال lock up
و اصلا under certain conditions ال abs بيزود ال braking distance
زى ال braking ع ال gravel

عشان كدة كدة دايما سواق ال non abs بيكون Advised انه يبقى
aware بال point of wheel lock الخاص بعربيته و بال Threshold braking عامة عشان يحافظ ع ال spinning wheels
لان well known ان ال locked wheel مش هى ال most efficient method
لل braking

w/ abs الدنيا بتختلف لان ال module عنده Ability ل detection ال locking up onset
و ال driver steering inputs اثناء ال braking
بتبقى Effective ع directing ال vehicle's motion

و عشان كدة دايما نقول unacceptable ان حد يشترى عربية 2013 مفهاش Abs

و كفاية كلام ف الموضوع دا ,,
عشان لسه من كام يوم كنت سايق ف شارع عندنا
ف اسيوط و تاكسى لوجان قدامى ضرب فرامل فجأة (مش عارف ليه رغم ان
اقرب عربية قدامه كانت بحوالى 15+ متر ) و انا كنت مقرب منه اوى ,,
و المسافة بينى و بينه مكانتش تكفينى ,, بستر ربنا اولا ثم ال abs
قدرت اعمل Steering و اتفاداه

الموضوع: الفرامل العاديه افضل من abs أفضل فى مصر ؟!!

LinkBack

أدوات الموضوع

عرض

-

-

-

-

المواضيع المتشابهه

ما هو أفضل زيت للباور وما افضل زيت للفرامل والدبرياش؟

ال 128 العاديه أفضل ولا النوفا

أفضل أنواع الطنابير وتيل الفرامل

أيه أفضل انواع تيل الفرامل للهوندا ...؟

شرح فائده abs ولماذا تتفوق على الفرامل العاديه

الكلمات الدلالية لهذا الموضوع

المفضلات

المفضلات

ضوابط المشاركة