الموضوع: أسئلة تحتاج إجابة من الخبراء

المشاركة الأصلية كتبت بواسطة Hossamelsabey

السلام عليكم ورحمة الله وبركاته

أخيرا بفضل الله انضميت لأصحاب أوبل فيكترا
انا اشتريت عربية موديل 99 1600 سى سى GLS
وكان عندى كام استفسار وتساؤل واتمنى الاقى ردود عندكم ليها

ألف مبروك وربنا يديك خيرها ويكفيك شرها ويباركلك فيها



1- هل رقم الشاسيه ورقم الموتور اللى بيبقوا مكتوبين فى رخصة العربية لازم يكونوا متطابقين ولو مش متطابقين هل ده معناه ان الموتور اتغير ؟؟ لان عربيتى البيجو كانوا الاتنين نفس الرقم ؟؟

بالتأكيد طبعا لازم رقم الشاسية ورقم الموتور يكونو متطابقين على الطبيعة وفي الرخصة


2- عداد الكيلومتر بتاع الرحلة والعداد الكلى دايما مطفى حتى لو منور النور ياترى هل الشاشة الديجيتال دى بتتغير ولو بتتغير فتغييرها سهل ولا معقرب ؟؟


بصراحة وعلشان أنا معنديش اوبل مش هقدر افيدك

3-اللمبات اللى بتنور عندى هى بتاعت عوامة البنزين وال ABS والبطارية والحساسات وفرامل اليد والزيت ... هل كده تمام ولا فى حاجات المفروض تنور ومش شغالة ؟؟؟

اعتقد تمام والاهم من كدة ان اللمبات دي كلها تطفي بعد ما العربية تدور يبقي كله تمام

4-اللى اشتريت منه العربية كان بيحط ميه من الحنفيه للرادياتير والمية دى مية املاحها عالية لانه ساكن فى مكان الاملاح عندهم عالية شوية ... وكنت عايز اعمل نظافة للرادياتير واغير الميه لمية خضراء .. ياترى تنصحونى بايه بالضبط ؟؟؟

نصيحة لوجهه الله اهم حاجة تشوف حالة الردياتير نفسة ولو تقدر تغيرة يكون احسن علشان موضوع الاملاح وبعدين تراجع على منظومة التبريد وتتأكد ان كله تمام وتوكل على الله وتحط ماية خضرا وأنصحك بماء توتال حمراء نسبة تركيز 33% أفضل من الخضراء او المهم تكون ماية مضمونة مش مضروبة

5- عداد ال RPM دايما على الف لفة بس مرة وانا بزود من الاكسراتير وانا فاتح الكبوت لما رجعت لقيته 2500 على السلانسية بطلت ودورت كذا مرة لغاية ما نزل لغاية الف تانى ... ومرة تانية برضو رفع ل 1500 ورجع لوحده ياترى ايه السبب واعمل ايه لو حصلت معايا تانى ؟؟؟

أعتقد دة بيحصل لما تكون العربية باردة واسمة أنشوك ودة وظيفتة بيزود عدد لفات الموتور بصفة مؤقتة لحد ما العربية توصل لدرجة حرارة التشغيل العادية وبعدين بتدوس سنة بنزين بتفصلة ودة تفسيري لهذه النقطة المهم يكون المؤشر ثابت عندك فى الطبيعي مش اقل او اكتر

6- بالنسبة لحرارة العربية فهى لما بتكون بطالة من فترة بتبقى 80 وترفع لغاية 90 وبعض الاحيان بتعدى ال 90 بتبقى 92 او اكتر حاجة بسيطة ... هل ده طبيعى وايه الصح فى الموضوع ده ؟؟
اعتقد طالما درجة الحرارة ثابتة على 92 مش اعلي وبتنزل تاني بعد ما المروحة تشتغل وتنزل وتطلع وهكذا يبقي دة طبيعي واكيد مش هوصيك دايمن تبقي عينك على عدادات العربية بصفة مستمرة وخصوصا عداد الحرارة

7-ايه السرفيس اللى المفروض اعملها فى البداية ةوتكلفتها بتكون كام تقريبا .. علما بان صاحب العربية حلفلى 100 يمين انه مغير سير الكاتينة والمجمع من حوالى شهرين ومغير بلية يمين قدام .. وهو كان بيحط زيت شل الاصفر كل 5000 كيلو .. ؟؟ وبالنسبة للفتيس معرفش ؟

زيارة سريعة لميكانيكي محترم للمراجعة الشاملة على السيور والزيوت والفلاتر وتغيير مايلزم ((( تغير بوجيهات -- مراجعة زيت الموتور --- زيت الفتيس -- فلتر الهواء --- فلتر البنزين --- وهكذا )))

8- فى زيت على بداية خرطوم الباور ناحية طلمبة الباور بس الزيت مش كتير ومش بيزيد برضو فلما سالته قالى انه حصل قطع فى الخرطوم وكبسه من جديد واخد هوا للدورة بتاعت الباور فالزيت اللى على الخرطوم ده عشان اخد هوا ...اعمل ايه ؟؟
زي ماقولت لحضرتك الميكانيكي يكشف على الحاجات دي ويطمنك على العربية ويراجع علي زيت الباور وزيت الفرامل والفتيس الموضوع كله ساعة زمن عند ميكانيكي بيفهم يعملك كل حاجة

معذرة على الاطالة
بس ياريت يا جماعة تفيدونى لانى عايز استفيد من خبراتكم وأحسن أداء العربية ... أحب اضيف انى من قنا مش القاهرة يعنى عشان قطع الغيار صعبة هنا شوية ...

مفيش اطالة ولا حاجة واهلا بيك وعلى فكرة كل الاجابات اللى انا كاتبها دي نتيجة خبرة متواضعة جدا وقد أخطي وقد أصيب حبيت اشارك ولو بقدر يسير وانتظر ردود باقي الاعضاء ....... تقبل خالص تحياتي وكل عام وانتم بخير جميعاً

جزاكم الله خيرا

2- العداد ده وراه لمبه سفايه . لازم تتغير علشان العداد يشتغل وطبعا كهربائي هيفك لوحه العدادات
5-نظف البوابه عند ميكانيكي وخليه ينظف الايدل كونترول علشان الار بي ام يظبط (الطبيعي 900 ار بي)
6-الحراره كده مضبوطه
8- الخرطوم كده بيسرب او بيعرق زيت , مفيش حاجه اسمها هو زياده ! هوا دوره الزيت الزياده بيخرج من فتحه صغيره في غطاء علبه الزيت لما تحرك الدركسيون للاخر يمينا ويسارا

المشاركة الأصلية كتبت بواسطة Hossamelsabey

السلام عليكم ورحمة الله وبركاته

أخيرا بفضل الله انضميت لأصحاب أوبل فيكترا
انا اشتريت عربية موديل 99 1600 سى سى GLS
وكان عندى كام استفسار وتساؤل واتمنى الاقى ردود عندكم ليها

1- هل رقم الشاسيه ورقم الموتور اللى بيبقوا مكتوبين فى رخصة العربية لازم يكونوا متطابقين ولو مش متطابقين هل ده معناه ان الموتور اتغير ؟؟ لان عربيتى البيجو كانوا الاتنين نفس الرقم ؟؟

2- عداد الكيلومتر بتاع الرحلة والعداد الكلى دايما مطفى حتى لو منور النور ياترى هل الشاشة الديجيتال دى بتتغير ولو بتتغير فتغييرها سهل ولا معقرب ؟؟

3-اللمبات اللى بتنور عندى هى بتاعت عوامة البنزين وال ABS والبطارية والحساسات وفرامل اليد والزيت ... هل كده تمام ولا فى حاجات المفروض تنور ومش شغالة ؟؟؟

4-اللى اشتريت منه العربية كان بيحط ميه من الحنفيه للرادياتير والمية دى مية املاحها عالية لانه ساكن فى مكان الاملاح عندهم عالية شوية ... وكنت عايز اعمل نظافة للرادياتير واغير الميه لمية خضراء .. ياترى تنصحونى بايه بالضبط ؟؟؟

5- عداد ال RPM دايما على الف لفة بس مرة وانا بزود من الاكسراتير وانا فاتح الكبوت لما رجعت لقيته 2500 على السلانسية بطلت ودورت كذا مرة لغاية ما نزل لغاية الف تانى ... ومرة تانية برضو رفع ل 1500 ورجع لوحده ياترى ايه السبب واعمل ايه لو حصلت معايا تانى ؟؟؟

6- بالنسبة لحرارة العربية فهى لما بتكون بطالة من فترة بتبقى 80 وترفع لغاية 90 وبعض الاحيان بتعدى ال 90 بتبقى 92 او اكتر حاجة بسيطة ... هل ده طبيعى وايه الصح فى الموضوع ده ؟؟
7-ايه السرفيس اللى المفروض اعملها فى البداية ةوتكلفتها بتكون كام تقريبا .. علما بان صاحب العربية حلفلى 100 يمين انه مغير سير الكاتينة والمجمع من حوالى شهرين ومغير بلية يمين قدام .. وهو كان بيحط زيت شل الاصفر كل 5000 كيلو .. ؟؟ وبالنسبة للفتيس معرفش ؟

8- فى زيت على بداية خرطوم الباور ناحية طلمبة الباور بس الزيت مش كتير ومش بيزيد برضو فلما سالته قالى انه حصل قطع فى الخرطوم وكبسه من جديد واخد هوا للدورة بتاعت الباور فالزيت اللى على الخرطوم ده عشان اخد هوا ...اعمل ايه ؟؟


معذرة على الاطالة
بس ياريت يا جماعة تفيدونى لانى عايز استفيد من خبراتكم وأحسن أداء العربية ... أحب اضيف انى من قنا مش القاهرة يعنى عشان قطع الغيار صعبة هنا شوية ...

جزاكم الله خيرا

طبعاً مينفعشى اعدل على استاذة الأوبل
بس لازم برضوا ارد انا كمان
مش لاقى موضوع ارد فيه اعمل ايه يعنى


----- الف مبروك
و يديك خيرها و يكفيك شرها
1. رقم الموتور غير رقم الشاسيه مش زى البيجو
رقم الموتور بالطول على البلوك
و رقم الشاسيه تحت الموكيت اللى ما بين الباب اليمين و الكرسى اليمين فتحة صغيره كده

2. العداد المطفى و باقى العدادات شغاله يبقى لمبته محروقه
و ممكن تغير الأضاءة كلها بلمض افضل سواء ابيض او اصلى لمبة بدون كعب و تركبها بدل القديمه

3. اللمض اللى بتنور
فرامل يد
abs
check engine اللمبة الصفرا
زيت
دينامو
نور عالى لمبة زرقا
شبورة ان وجد
البنزين

4. نضف الدورة و حط مية ملونه بس تكون ماركة كويسه
العربية هتاخد جركن
و تجيب لترات مية مقطرة بتاعت البطاريات و تكمل بيها
و تعود نفسك تزود منها ان حصل نقص فى المية
و اكشف على حالة الريادتير و لو امكن فكه و اديله تنضيفه حلوه

5. الأر بى ام عالى
هتنضف البوابه هيظبط
و هو اللى مخللى التعليقة اللى عندك تظهر

6. الحرارة زى الفل و هتظبط اكتر مع المية الملونه

7. بص يا باشا
السرفيس امان ليك انت
يعنى لما تغير على ايدك عارف انت حاطط ايه و فاضل عليه قد ايه
تكلفتها حسب نوع قطع الغيار
و حسب اللى هيتغير

8. الكبس اختراع فاشل
هو الخرطوم غالى بس دور على التركى لأن الاصلى غالى قوى
التركى فى حدود 480 - 500 جنيه