الموضوع: 6 \ 1

برضه غير ان الموضوع استعداد و قدرات فنية و الافضل فيهما يفوز
تحس ان الموضوع تخصص
يعنى احنا فى اخر 10 سنة تخصص فوز ببطولة افريقيا لكن مش ابعد من كده
اما غانا فهتروح كاس العالم للمرة التالتة على التوالى فى نفس ال 10 سنين فى حين انها بعيدة عن الفوز ببطولة افريقيا من سنة 1982
فريقهم كله محترف بره اما فريقنا احنا معظمه لاعبين محليين و اللى فلحوا عندنا فى الاحتراف الناجح للنهاية معدودين على اصابع اليد الواحدة

اعتقد الموضوع فيه موضوع الطموح شوية...... لان كاس العالم لغانا و غيرها من الفرق الافريقية بيبقى فرصة ان اللعيبة تعرض نفسها فى سوق الاحتراف و سعرها يزيد و من عقد الى عقد اعلى و من نادى الى نادى اكبر..... اما احنا عندنا فبمجرد اللعيب ما بيشبع تلاقيه طموحه بيقف و يشبع كورة طالما شبع فلوس و بيبطل يلعب بجدية....... و اسألوا حسام ميدو اللى قعد يتحنجل بين النوادى لغاية ما اعتزل من التخن :) فى حين ان دروجبا اللى بدأ معاه فضل يلعب لافضل نوادى العالم تشيلسى و غيره لغاية فترة قريبة

مش معني ان غانا كسبت 6-1 انها فازت النهاردة علي فكرة
استنوا متتسرعوش ممكن تكون خدعه من الجزيرة استنوا اما نشوف التليفزيون المصري هيقول ايه !!!!!!!!!!!!!!

أنا مش عارف على أساس إيه إحنا كان عندنا أمل نوصل كاس العالم و إحنا معندناش كرة قدم فى مصر أصلا من سنتين و القاعدة اللى بنختار منها المنتخب لا تزيد عن 30 أو 40 لاعب فقط اللى فى الأهلى و الزمالك و اللى برة مصر رحم الله إمرء عرف قدر نفسه ...صحيح كان فيه أخطاء من المدرب و اللاعبين لكن إحنا مش مفروض نكسب فريق زى غانا و ظروفنا بالشكل ده ,,,زمن المعجزات إنتهى و المقدمات كلها كان لازم توصلنا للنتيجة دى.