الموضوع: 6 \ 1

بعيدا عن تحولات الموضوع وبرغم الهزيمه الساحقه النهارده ولكن بعد الحزن الشديد بعد المباراه لهزيمه منتخب بلدى بالشكل ده الا انى فكرت ان ربنا عادل ولاعيبتنا واضح انهم متعبوش نفسهم ولا بدنيا ولا زهنيا ولا الاعداد بتاعهم كان جيد بالدرجه الكافيه وبالتالى هزيمتهم بالرقم ده لعله درس يفوقهم وكل اللى بتمناه دلوقتى يعملوا ماتش محترم فى العوده ويحسسونا انهم اتعلموا الدرس ده اولا .

ثانيا فى بعض المشاركات حسستنى ان البلد ضايعه "وده ممكن يكون حقيقى او فى الغالب حقيقى " بسبب حاجه فلكيه خارجه عن ارادتنا فحبيت اقول ان محدش اتغير فى البلد علشان البلد تتغير ولا لاعيبه المنتخب اتغيروا وبقوا بيراعوا ربنا فى صحتهم وشغلهم وبالتالى نتايجهم تتغير
فلسه المدرس بيشتغل دروس خصوصيه ولسه الموظف بيشرب شاى ولسه التاجر بيعلق الزبون وكانه جاسوس لازم يتقرطس ولسه محدش بيعترف انه غلطان ولسه البلطجه بقت اسلوب تعامل المصريين مع بعض والصوت العالى بقى وسيله لاخد الحق والنقاش ولسه الحكومه محدش يقدر يحاسبها ولسه حاجات كتير قوى
فمحدش يعتقد ان مصر حتتغير وتبقى اوروبا وهو مستنى كل اللى حواليه يتغيروا علشان يتغير ومحدش يتخيل ان ربنا حيوفق 11 لعيب فى ملعب كوره بيمثلوا شعب بحاله والشعب ده غالبيته المجتمع رافض افعالهم واظن ربنا كمان زعلان من افعالهم "فمن اعمالكم سلط عليكم " "وان الله لا يغير ما بقوم حتى يغيروا ما بانفسهم " .

تحياتى لكل المشاركين ومهما حصل حيفضل المنتخب ده هو اللى بيمثلنا لان محدش مننا يقدر ينكر مصريته على نفسه .

انا بيتهأيألي ان المشكلة مش في منتخب مصر...لكن المشكلة ان منتخب غانا خد الكورة معاه فوووووووووووووق

انا دلوقتي بس عرفت معني كلمات اغنية امال ماهر لما قالت مصر شالت فوق طئتها يرضي مين

مصر وكأس العالم دونت ميكس

اخيرا انكشفت حقيقة قناة الجزيرة اتضح ان الماتش متفبرك وغانا كانت بتلاعب الأهلى مش منتخب مصر

لسان حال برادلى :
انا مش هاحلف بس اقسم بالله لسه الأمل موجود ,, ادونى تفويض فى ماتش العودة علشان اواجه الإرهاب الغانى المحتمل على ستاد القاهرة وبكرة تشوفوا مصر 44444444444444