الموضوع: شويه شغل فى التانك وطرمبه البنزين

المشاركة الأصلية كتبت بواسطة MaaM

يا فادي ماهو اللي قال انه فك التنك من شهرين ، مش صح يا عم هشام ؟ ما علينا

فيه حاجة اتخنقت منها وهي اني من ساعة اما قريب موضوعك ، وكنت في البلد من يومين بدور على بنزين 92 ودايخ عليه وفي الاخر حطيت 90 ، وكان المؤشر على الـ 20 تقريبا
بعد اللف دا كله العربية اخدت 20 لتر !!
والمؤشر فضل يعلى بالتدريج ووقف عند 52 لتر !
بركاتك يا هشام بيه ، هي ماسورة هشام جات عندي ولا ايه ؟!

يعنى انت اخدت بالك ان المؤشر عند ٢٠ وما اخدتش بالك انك المفروض انك استهلكت ٤٠ لتر ؟؟ المفروض انك بتبقى عارف انت مشيت قد ايه وبتحسبه بعيد عن المؤشر
ثانيا انت متأكد ان العربيه فولت كويس ؟؟
والمؤشر بتاعك مظبوط ولا كان بيهيس ؟؟؟
إتأكد من الحاجات دى وبعد كده خلص ٢٠ لتر من التانك وافتح الغطا السرى يا باشا بعد ما تشيل كتاوت الطرمبه وطلع العوامه ورش على المؤشر مزيل صدأ ( d-w40 ) وسيبها ربع ساعه وبعد كده اغسلها ببنزين
ومد ايدك فى التانك من فتحه العوامه طبعا بعد ما تطلعها لو عندك ماسوره زى عندى هتلاقيها عل ايدك اليمين وانت قاعد ظهرك للكاسيت بين الكرسيين اللى قدام وهاتزقها بإيدك الشمال ناحيه اليمين على قد ما تقدروتركب تانى وادعيلى

انا فكيت التانك عند ميكانيكى عشان كان فيه خرم .. مش انا اللى فكيته يا بطل

جرب اللى قلتهولك ده بالترتيب ولو حاجه مش واضحه كلمنى

المشاركة الأصلية كتبت بواسطة maam

وش الطرمبة مش راضي يبات في مكانه لازم افضل دايس عليه بايدي ، عادي ولا لازم يبات لوحده من غير ما اقفل عليه بالجوان الحديد ؟
والجوان الحديد مش عارف اربطه تاني ، مطلع عيني

ايوه طبعا لازم تدوس عليه جامد وانت بتربط الجوان الحديد ... بتدوس بإيد وتربط بإيد لغايه اما الجوان الحديد يشبط مكانه وبعد كده بتكمل ربطه بمفك عاده تزنقه فى الخرم بتاعه وتدق عليه لغايه اما يبات

خلى بالك كويس من الاستك