ربنا ستر بنتى كانت هتقع من الصنى

**edodahab** · 20-10-2013 08:59 PM

السلام عليكم
انا لسة جايب صنى الشكل الجديد الحمد لله و بصراحة العربية اكثر من رائعة
امبارح حصل معايا موقف بس الحمد لله ربنا ستر
كنت خارج انا و العيلة و بنتى ٣ سنوات راكبة ورا كالعادة و ماشى على سرعة ٨٠ تقريبا فجأة سمعت طقة بس مخدتش بالى من كتر الزلط اللى الكاوتش بيلمه و برده مخدتش بالى ان لمبة الباب منورة عشان مش متعود عليه الصراحة لكن سمعت صوت الطريق بيعلى شوية و صوت مراتى و هى بتصوت و لحقت تمسك البنت
الحمد لله ان مراتى كانت قاعدة ورا على غير العادة
طبعا انا مش متعود اقفل اللوك كل مرة و دة عشان عربيتى القديمة كان فيها انذار بيقفل اللوك اول ما العربية تمشى
لما رجعت البيت دخلت على المنتدى و بصيت فى الكتالوج اكتشفت ان العربية فيها اوبش اوتو لوك و دة مش شغال الا لما انت تفعله و دة عن طريق انك تجيب المفتاح على on و تكون قافل الابواب و تدوس على زرار قفل اللوك اللى على باب السائق لمدة خمس ثوانى لغاية اما تلاقى الفلاشر ولع مرتين كدة يبقى اتفعل و الاوبشن دة بيقفل الابواب كلها اول ما السرعة تبقى ١٠ و مبيفتحش الا لما تشيل المفتاح من الكونتاكت
انا عارف ان الموضوع دة اتقال قبل كدة بس قلت اكرره للأهمية و كمان عشان معظم ملاك الصنى عائلات
انصح كل من لم يفعل هذا الاوبشن انه يفعله بسرعه
ربنا يستر علينا و على عيالنا
عذرا على الإطالة

**amrelsaqqa** · 20-10-2013 09:01 PM

يااااانهار ، الحمد لله ربنا سترها معاك جامد لازم تسجد شكر لله ، حمد لله على سلامة بنتك وربنا يخليهالك ويحفظها من كل سوء

**Eng_hatemfathy** · 20-10-2013 09:38 PM

ربنا ستير وارجوك تركب كرسى اطفال فى العربية وتقعد عليه الكتكوته الصغيره وتربطها حنى لو والدتها بجوارها
وربنا يسترها عليك وعلينا والف مبروك على العربية ولو الافضل برده مع الكرسى انك تلغى فتح الباب اللى جنب الكرسى من الداخل عن طريق امان الاطفال اللى فى جنب الباب بجوار الكالون
وربنا كريم

**vergelmer** · 20-10-2013 09:53 PM

الحمد لله ربنا ستر
و مشكور يا غالى على المعلومة القيمة دية ماكنتش عارفها

**koshary** · 20-10-2013 10:04 PM

مشكور على النصيحه والف سلامه على بنتك

**mona_881** · 20-10-2013 10:18 PM

الحمد لله علي ستره وياريت لو تقدر تدبح حاجة فداها وربنا يخليهالك

**kemoooo2020** · 20-10-2013 10:22 PM

الحمد لله انها بخير

**lad** · 20-10-2013 10:38 PM

مشكور على النصيحة

**J A G U A R** · 20-10-2013 10:48 PM

حمد الله على سلامه بنتك وربنا يسترها علينا

-

الموضوع: ربنا ستر بنتى كانت هتقع من الصنى

LinkBack

أدوات الموضوع

عرض

العرض المتطور

-

-

المواضيع المتشابهه

ربنا ستر عليا من انى اعمل حادثه كانت هتكون غريبة

عربيتي كانت هاتتسرق بس ربنا سترها

العربية كانت هاتتسرق لكن ربنا ستر

الحمدلله ربنا ستر عربيتي كانت هتتسرق

عربيتي كانت هاتتسرق لكن ربنا ستر

الكلمات الدلالية لهذا الموضوع

المفضلات

المفضلات

ضوابط المشاركة