نظام التعليق الخلفي للنيو صني

**mohamed hussei** · 26-10-2013 09:18 PM

من الاخر جين تو للشباب حرق وجري وصني للعائلة يعني متفركش تجري بيها

**bahaahssn** · 26-10-2013 10:47 PM

انا مقلتش العفشة مش ناعمة دى ناعمة لدرجة الترجيع و يا ريت تجرب قبل ما تحكم

**bahaahssn** · 26-10-2013 10:51 PM

المشاركة الأصلية كتبت بواسطة edodahab

انت غالبا راكب عربية غير اللى انا و كل الناس سايقاها
اركن على جنب و انزل و اتأكد من نوع العربية

يا ريت انت تركب ورا الأول و بعدين تحكم انا متأكد من نوع العربية بس مش متأكد انك ركبت ورا قبل كده و واضح انك معجب بالعربية و اعجابك مش مخليك عيوب العربية الرهيبة الى فيها

**medo-312** · 26-10-2013 11:36 PM

المشاركة الأصلية كتبت بواسطة bahaahssn

يا ريت انت تركب ورا الأول و بعدين تحكم انا متأكد من نوع العربية بس مش متأكد انك ركبت ورا قبل كده و واضح انك معجب بالعربية و اعجابك مش مخليك عيوب العربية الرهيبة الى فيها

عيوب العربية الرهيبة .. ياريت بلاش المبالغة دى .. ياباشا مش عاجباك العربية فى غيرك عاجباه العربية ومالية شوارع مصر والحجز بال 3 شهور .. انصحك ماتركبهاش تانى علشان مش ناقصة ترجيع

**grumby78** · 26-10-2013 11:45 PM

المشاركة الأصلية كتبت بواسطة bahaahssn

انا مقلتش العفشة مش ناعمة دى ناعمة لدرجة الترجيع و يا ريت تجرب قبل ما تحكم

احنا بصدد تقييم جديد للعربيه . اصل انا عيلتي كلها بتركب في الكنبه الخلفيه ومحدش رجع او اشتكالي . بس موضوع الترجيع ده جديد . الظاهر ان حضرتك اللي مجربتش .. يعني حاولت مااعلقش بس ماعرفتش بصراحه ..

**edodahab** · 27-10-2013 12:59 AM

يا عم بلاش تقعد ورا مدام انت بترجع
الظاهر ان فيه ناس كتير فى المنتدى دة زعلانين ان الناس بتشترى العربية كتير و مستكترين علينا اننا نفرح بيها مش عارف ليه هل عشان العربية دى وقفت سوق عربيات تانية كتير ولا ايه
ربنا يهدى الجميع

**shady_mohamed** · 27-10-2013 02:18 AM

بالنسبه للاستاذ اللي بيرجع .. حضرتك مفيش حد رجع اما ركب ورا غيرك انت واسرتك تقريبا .. فانا هاقوم بدور المحقق كونان في الموضوع دا وباقول لحضرتك ... العيب من عندك انت والاسره _ لازم تحدد كشف عند دكتور باطني في اسرع وقت
بصراحه حاجه غريبه جدا .. العربيه ممتعه جدا في المقعد الخلفي .. دا انا ساعات باخلي حد من زماليلي يسوق واقعد انا ورا ..

**hossam eldeen** · 27-10-2013 03:22 AM

المشاركة الأصلية كتبت بواسطة amrelsaqqa

كدابين يا باشا كدب الابل ، انا روحت الشو روم اللى في شارع سوريا لقيت الهجص ده برضه مكتوب قدام العربية ، واتناقشت مع الراجل بتاع السيلز واحرجته جامد يومها
الكدب اسلوب حياة
وبعدين العربية واسعة جدا من ورا هتبقى مالتى لينك ازاى
وكفاية عيوب الخامات وخفة الصاج وعيب الفرامل ، هتبقى مالتى لينك بتاع ايه اصلا !!

ده عامل زي ما تقول الـ 128 فيها ايرباج ولا لا :d

الغش لا دين له ...

**hossam eldeen** · 27-10-2013 03:31 AM

المشاركة الأصلية كتبت بواسطة bahaahssn

معلش يا جماعة بس كل المعلومات دى غلط انا مالك للسيارة سوبر صالون 2013 و بركب ورا عل طول والعفشة لا مالتى لينك و لا تورشن بيم
العفشة نوعها جديد شوية عشان كدة نوعها مش معروف العفشة نوعها maragehy و بالعربى مراجيحى يعنى مصممة عشان تمرجح اللى ورا و تمخمضه
و فيها خاصية القيء السريع يعنى بعد 5 دقايق بس ترجع على اللى قدامك عشان كده بفكر اركب ازاز بين الكنبة الخلفية و الكراسى الأمامية
و دى اسرع و احدث عفشة بنظام القيء السريع يعنى فى الياريس القيء بيبقى فى خلال 10-15 دقيقة لاكن ديه ما شاء الله اسرع حاجة
و على فكرة فيها برده خاصية الولادة السريعة يعنى لو المدام حامل فى الشهر الخامس مثلا الواد هينزل بعد ركوبها العربية ب 5 دقايق برده و اهو تبقى وفرت الأنتظار 4 شهور و وفرت مصاريف المستشفى

n i c e comment

**ramymoharram** · 27-10-2013 10:50 AM

المشاركة الأصلية كتبت بواسطة medo-312

عيوب العربية الرهيبة .. ياريت بلاش المبالغة دى .. ياباشا مش عاجباك العربية فى غيرك عاجباه العربية ومالية شوارع مصر والحجز بال 3 شهور .. انصحك ماتركبهاش تانى علشان مش ناقصة ترجيع

موافقك تماما العربية زي الفل واللي مش عاجبه العربية ميوجعش دماغنا لإنها فعلا مش ناقصة قرف....بسبب الترجيع اللي الأستاذ شغال فيه