نظام التعليق الخلفي للنيو صني

**Ahmed Eraqy** · 25-10-2013 04:50 AM

السلام عليكم

طبعا من خلال متابعتي لتقييم ملاك الصني الجديدة كله اجمع ان ثبات العربية بعد 140 ك/س مش كويس ...

بس اللى استغربتله اني لما شوفت البرشو بتاع الصني من موقع نيسان مصر لاقتهم كاتبين ان التعليق الخلفي multilink !!! مش عارف ازاي مالتي لينك و ثباتها وحش و المعروف عنه انه ثباته عالى على السرعات العالية قولت يمكن من الكاوتش !!!

و اللى مش عارف الفرق ممكن يقرا الموضوع ده

و ممكن تنزلوا البرشو من هنا

Nissan SUNNY : Specification

بس الاغرب بقى ان لاقيت مواقع كتير كاتبه ان التعليق الخلفي للصني torsion beam !! زي موقع netcarshow.com و دخلت على مواقع نيسان فى دول كتير كلهم كاتبين ان التعليق الخلفي torsion beam

الصني فى قطر

Nissan SUNNY | Nissan Qatar

الصني فى الاردن

BSTC Nissan Jordan - SUNNY N17 Passenger Car specifications

و ممكن تخش على الصفحة ديه و تختار اي بلد و تشوف الصني فيها مواصفاتها ايه !!

NISSAN | PRODUCT INFORMATION | Nissan

السؤال !! هل ممكن النيسان اللى بتتجمع فى مصر نظام التعليق الخلفي ليها مختلف عن كل العربيات التانية !!! و لا التوكيل فى مصر بيضحك علينا خاصة ان المالتي اغلى و احسن ؟!! و ياريت حد يأكدلنا المعلومة ديه من الملاك

و ياريت يا جماعة لو حد غير الكاوتش يقولنا الثبات عامل ازاي ؟ للعلم انا حاجز بيرسونا و هتتاخر شوية فى الاستلام و بفكر جديا اغير للصني خاصة لما عرفت انها مالتي لينك !!!

**mohamed hussei** · 25-10-2013 07:40 AM

انا شوفتها في شارع حاسس انها مالتي علشان من وارة العربيات الي بتبئا تروشن ببم بيبئا سوست باينة وارة العجل مالتي لينك بتبئا مستخبية

**yasserelsayad** · 25-10-2013 10:23 AM

العفشة الخلفية Torsion beam
وبعدين مش اى عربية فيها Multilink يبقى ثباتها حلو باردوا

ونصيحة ليك خليك فى البيرسونا لكن لو مش هتقدر تستنى استبعد الصنى او ابحث واعرف عنها كل حاجة قبل متاخد اى قرار

**edodahab** · 25-10-2013 01:34 PM

اولا مفيشعربية مفيش فيها مشاكلو عيوب الا لو عديت ال 250 الف اكيد
ثانيا مش كل ملاك الصنى اشتكوا من موضوع الثبات دة و انا اتوقع ان دى سببها وزن السيارة القليل و الكاوتش القذر و الله اعلم
ثالثا الصنى تتفوق على البيرسونا تقريبا فى كل حاجة الا الموتور اقوى و الثبات ممكن يكون احسن و الكروز كنترول بس اما بقى عراقة البراند و الوسع و الارتفاع و الفتيس و الانتشار و اسعار قطع الغيار و التوكيل و استهلاك البنزين و الباور و العفشة و ناهيك عن سعر البيع فالصنى تكتسح البرسونا فيهم
و فى الاخر ربنا يوفقك للخير

**د.عماد صلاح** · 25-10-2013 03:05 PM

تورشن بيم بلا جدال

**Ahmed Eraqy** · 25-10-2013 03:21 PM

المشاركة الأصلية كتبت بواسطة mohamed hussei

انا شوفتها في شارع حاسس انها مالتي علشان من وارة العربيات الي بتبئا تروشن ببم بيبئا سوست باينة وارة العجل مالتي لينك بتبئا مستخبية

ممكن ... بس معقولة نيسان هتعمل تصميم خاص و مختلف لمصر .... يعني هتنزلها فى كل دول العالم ترشن بيم و عندنا احنا مالتي لينك !!

المشاركة الأصلية كتبت بواسطة yasserelsayad

العفشة الخلفية torsion beam
وبعدين مش اى عربية فيها multilink يبقى ثباتها حلو باردوا

ونصيحة ليك خليك فى البيرسونا لكن لو مش هتقدر تستنى استبعد الصنى او ابحث واعرف عنها كل حاجة قبل متاخد اى قرار

اكيد البيرسونا افضل لا جدال و ان كانت النيسان افضل فى حاجات و البيرسونا افضل فى حاجات انما انا بفضل البيرسونا ... بس الواحد مقلق من التوكيل مش اكتر

المشاركة الأصلية كتبت بواسطة edodahab

اولا مفيشعربية مفيش فيها مشاكلو عيوب الا لو عديت ال 250 الف اكيد
ثانيا مش كل ملاك الصنى اشتكوا من موضوع الثبات دة و انا اتوقع ان دى سببها وزن السيارة القليل و الكاوتش القذر و الله اعلم

ما هو علشان كده انا سألت الناس اللى غيرت الكاوتش الثبات بقى عامل ازاي

ثالثا الصنى تتفوق على البيرسونا تقريبا فى كل حاجة الا الموتور اقوى و الثبات ممكن يكون احسن و الكروز كنترول بس اما بقى عراقة البراند و الوسع و الارتفاع و الفتيس و الانتشار و اسعار قطع الغيار و التوكيل و استهلاك البنزين و الباور و العفشة و ناهيك عن سعر البيع فالصنى تكتسح البرسونا فيهم
و فى الاخر ربنا يوفقك للخير

الله يخليك يا باشا و متفق معاك فى معظم اللى بتقوله

المشاركة الأصلية كتبت بواسطة bahaahssn

معلش يا جماعة بس كل المعلومات دى غلط انا مالك للسيارة سوبر صالون 2013 و بركب ورا عل طول والعفشة لا مالتى لينك و لا تورشن بيم
العفشة نوعها جديد شوية عشان كدة نوعها مش معروف العفشة نوعها maragehy و بالعربى مراجيحى يعنى مصممة عشان تمرجح اللى ورا و تمخمضه
و فيها خاصية القيء السريع يعنى بعد 5 دقايق بس ترجع على اللى قدامك عشان كده بفكر اركب ازاز بين الكنبة الخلفية و الكراسى الأمامية
و دى اسرع و احدث عفشة بنظام القيء السريع يعنى فى الياريس القيء بيبقى فى خلال 10-15 دقيقة لاكن ديه ما شاء الله اسرع حاجة
و على فكرة فيها برده خاصية الولادة السريعة يعنى لو المدام حامل فى الشهر الخامس مثلا الواد هينزل بعد ركوبها العربية ب 5 دقايق برده و اهو تبقى وفرت الأنتظار 4 شهور و وفرت مصاريف المستشفى

ههههههه طاب مش الوكيل المفروض يكتب النوع الجديد ده فى البرشو .... بس اكيد حضرتك بتهزر لان ملاكها بيقولوا ان عفشتها ناعمه

المشاركة الأصلية كتبت بواسطة د.عماد صلاح

تورشن بيم بلا جدال

طب ليه الوكيل بيكتب حاجة غلط فى البرشو .... ده اسمه غش تجاري و خداع للعملاء !!!

**amrelsaqqa** · 25-10-2013 03:24 PM

المشاركة الأصلية كتبت بواسطة yasserelsayad

العفشة الخلفية torsion beam
وبعدين مش اى عربية فيها multilink يبقى ثباتها حلو باردوا

ونصيحة ليك خليك فى البيرسونا لكن لو مش هتقدر تستنى استبعد الصنى او ابحث واعرف عنها كل حاجة قبل متاخد اى قرار

مممم طيب ممكن يا ياسر باشا تقوللى امثلة للعربيات المالتى وفي نفس الوقت ثباتها مش قد كدة ؟ ( مش بشكك في المعلومة ، عايز اعرف فعلا )

**د.هشام** · 25-10-2013 03:29 PM

المشاركة الأصلية كتبت بواسطة bahaahssn

معلش يا جماعة بس كل المعلومات دى غلط انا مالك للسيارة سوبر صالون 2013 و بركب ورا عل طول والعفشة لا مالتى لينك و لا تورشن بيم
العفشة نوعها جديد شوية عشان كدة نوعها مش معروف العفشة نوعها maragehy و بالعربى مراجيحى يعنى مصممة عشان تمرجح اللى ورا و تمخمضه
و فيها خاصية القيء السريع يعنى بعد 5 دقايق بس ترجع على اللى قدامك عشان كده بفكر اركب ازاز بين الكنبة الخلفية و الكراسى الأمامية
و دى اسرع و احدث عفشة بنظام القيء السريع يعنى فى الياريس القيء بيبقى فى خلال 10-15 دقيقة لاكن ديه ما شاء الله اسرع حاجة
و على فكرة فيها برده خاصية الولادة السريعة يعنى لو المدام حامل فى الشهر الخامس مثلا الواد هينزل بعد ركوبها العربية ب 5 دقايق برده و اهو تبقى وفرت الأنتظار 4 شهور و وفرت مصاريف المستشفى

حل الموضوع ده انك تحاول ماتقعدش في الكنبة الخلفية، وتمشي بالعربية على مهلك، وتجيب فرش جلد للكراسي والأرضية، وفيه طبعا أدوية للترجيع وال motion sickness, ولو عايز حل جذري يبقى بيع العربية وريح دماغك، وربنا يعينك يا باشا