مسافر القاهرة ومحتاج نصايحكم

**MoH.SaLaDiN** · 28-10-2013 05:28 AM

المشاركة الأصلية كتبت بواسطة fourseasons

بص يا باشا انا حتطلك صورة تانية فيها الطريق للأزهر بارك من الفندق و فيها سيتى ستارز و صن سيتى مول لاكن القرية الفرعونية ماروحتهاش قبل كده فا مش عارف هى فين و الله الأخوة هنا ممكن يفيدوك بس هى تقريبا كده فى الجيزة عند الوراق كده بس تعتبر بعيدة شوية عن الفندق

http://imageshack.us/a/img585/2636/m73w.png

يا باشا جمايلك مغرقانى بجد

الله ينور عليك ربنا يسهل واعرف اسلك هناك ان شاء الله انا كمان بفكر لو اجلتها ليوم السبت اللى جاى يمكن يبقى احسن زى ما الناس هنا قالت وربنا يكرم

**MoH.SaLaDiN** · 28-10-2013 05:30 AM

المشاركة الأصلية كتبت بواسطة ياسر مصطفي

ههههههههههه والله بعد الكلمتين دول ما انزلها ولو كانت ايه

طب حنعمل ايه بس البلد بقت خانقة اووى والواحد زهق ونفسه يغير المكان ويشوف حاجات جديدة

**EngAhmedSayed** · 28-10-2013 08:20 AM

المشاركة الأصلية كتبت بواسطة moh.saladin

يا باشا جمايلك مغرقانى بجد

الله ينور عليك ربنا يسهل واعرف اسلك هناك ان شاء الله انا كمان بفكر لو اجلتها ليوم السبت اللى جاى يمكن يبقى احسن زى ما الناس هنا قالت وربنا يكرم

طيب متبقاش تنسا الراجل دة بأى نفحة من القاهرة
دة اسكندرانى زيك
اسكندرية عشقى فى الشتا
عروس البحر الابيض المتوسط
على فكرة انا بنزلها فى شهر 7و8 و بنزلها فى الشتا طبيعة شغلى هناك بتيبقى ايام
بالتوفيق ان شاء الله
و تتمتع هنا فى القاهرة
و متنساش تيبقى تحكلينا

وبردك مفيش فايدة

الوداع

**Ahmed Selim** · 28-10-2013 08:51 AM

القرية الفرعونية في شارع البحر الأعظم في الجيزة و دي الناحية التانية من القاهرة هتروح عن طريق الدائري اتجاه الجيزة

و فيه شارع المعز لدين الله الفاطمي في مصر القديمة و ده يعتبر مزار سياحي كويس

ممكن اليوم الى هتروح فيه حديقة الأزهر تطلع منها على الحسين و خان الخليلي تقعد لك ساعتين و و انت راجع تعدي على المعز لدين الله

و خلى مول العرب و انت راجع على إسكندرية .....تمشي من الفندق بدري على ١٠ كده هتوصل ان شاء الله على ١١ او ١١:٣٠ و تقضي كأم ساعة هناك و ممكن تاكل في الفود كورت او الكافيهات الى على النافورة او تعدي على تيفولي دوم الشيخ زايد و انت راجع و دي تعتبر ورا هايبر وان

تروح و ترج بالسلامة ان شاء الله

**MoH.SaLaDiN** · 29-10-2013 06:16 PM

المشاركة الأصلية كتبت بواسطة ياسر مصطفي

ياباشا تروح وتيجي بالسلامة ان شاء الله واتمنالك رحلة ممتعه . بس ده اعتقد هيبقي طلب جماهيري تحكيلنا على الرحلة كلها . في موضوع كدا حلو منك . . بعد ما تيجي بالسلامه ان شاء الله

جامدة اوى مطلب جماهيرى انا حسيت انى حسافر فرنسا ههههههههه ان شاء الله لما ارجع حبقى اقولكم عملت ايه

**MoH.SaLaDiN** · 29-10-2013 06:19 PM

المشاركة الأصلية كتبت بواسطة ahmed a.maksoud

القرية الفرعونية في شارع البحر الأعظم في الجيزة و دي الناحية التانية من القاهرة هتروح عن طريق الدائري اتجاه الجيزة

و فيه شارع المعز لدين الله الفاطمي في مصر القديمة و ده يعتبر مزار سياحي كويس

ممكن اليوم الى هتروح فيه حديقة الأزهر تطلع منها على الحسين و خان الخليلي تقعد لك ساعتين و و انت راجع تعدي على المعز لدين الله

و خلى مول العرب و انت راجع على إسكندرية .....تمشي من الفندق بدري على ١٠ كده هتوصل ان شاء الله على ١١ او ١١:٣٠ و تقضي كأم ساعة هناك و ممكن تاكل في الفود كورت او الكافيهات الى على النافورة او تعدي على تيفولي دوم الشيخ زايد و انت راجع و دي تعتبر ورا هايبر وان

تروح و ترج بالسلامة ان شاء الله

الله يسلمك يا كبير وشكرا على المعلومات الجميلة ان شاء الله احاول اعمل اى حاجة فى الزحمة اللى الناس بتقول عليها و ربنا يسهل يمكن البلد تبقى فاضية على يوم السبت زيى ما الناس بتقول