الموضوع: تجربتي في دهان غرفتي

المشاركة الأصلية كتبت بواسطة wawamoha

انا اتولدت و عشت في الجزاير 16 سنه ..زكلهم هناك بيدهنم شقتهم مره كل سنه و يعملم كل اعمال السباكه الداخليه و الكهربا
الراجل اللي بيجيب صنايعي من برره بيبقى نكتته العماره
انا اخدت منهم الطبع ده - بس للاسف ضيق الوقت و ضعف الصحه بتخلي الواحد يكسل بس ان شاء ها احاول ادهن شقتي عل الصيف كده ان شاء الله
برافو عليك

مش عارف ليه بحس إننا أخيب شعب في الدنيا !
الأمريكان نفسهم اللي مفروض يكون مرفهين وعندهم كل حاجة سهلة بشوفهم دايما في الأفلام بيدهنوا شققهم بنفسهم !
حاجة تكسف

المشاركة الأصلية كتبت بواسطة amrelsaqqa

مش عارف والله ، المشكلة عندى مختلفة شوية ، لان الشقة كانت كلها ضعيفة (المشكلة من عند العداد ) ، والسبب ان السباك كان موصل بطريقة عجيبة جدا !

احنا مركبين عداد واحد وموصلين عليه 5 شقق ( واحدة بس اللى ساكنة ) ، الدور الارضى واخد من العداد بماسورة 3/4 بوصة عادى ، وبقية الشقق واخدة توصيلات ضيقة جدا من العداد زي بتاعت الحوض ! ( بس كدة كدة هى شقة واحدة اللى شغالة لحد دلوقتى في الدور التانى ، فمش معقول هنجيب عداد لكل شقة من دلوقتى )

المهم تخيل معايا لما تبقى كل شقة واخدة مية من وصلة قد كدة زي دى بالظبط


اللى هى نص بوصة من برة وربع بوصة من جوة ، اهو السباك كان عاملها كدة !

طبعا ما ينفعش خالص تشغل بيها شقة كاملة ، وكدة ولا كأنك عامل مواسير 3/4 خالص ، وانا طبعا اكتشفت

الموضوع ده زمان وقلت للسباك قاللى ده عشان قانونا ما ينفعش عداد واحد لاكتر من شقة فالوصلة دى كأنها وصلة مؤقتة وغير مخالفة للقانون.. ، وما ينفعش نركب لك مواسير 3/4 ، لازم تجيب عداد لكل شقة الاول ! ، فطبعا الواحد نفض لفترة ، لحد ما المرة دى جبت اخرى وقلت لازم حل ..

المهم الحمد لله المشكلة اتحلت بشكل كبير وفكيت كل العك بتاع الوصلات ده وعملت وصلة واحدة بخرطوم بتاع غسالة للشقة اللى ساكنة مؤقتا وطلعت اجرب ..

وصلة الغسالة شبه نفس الوصلة اللى فوق بس اوسع شوية ..



هى اوسع شوية من الصورة وعملت فرق جامد جدا رغم انها 3/4 بوصة من عند الصامولة ومن جوة اقل ، ولسة عندى فكرة تانية تحقق نفس الغرض وباستخدام العرض كله ( 3/4 بوصة ) وفي نفس الوقت ابقى ملتزم بموضوع ( الوصلة مؤقتة ، اللى انا مش مقتنع بيه اصلا وحاسه اشتغالة من السباك وصاحب محل الادوات الصحية اكدلى انه ينفع عادى ) وهى انى هجيب خرطوم مية عادى جدا واقصه قطع واربطه بأفايز عادية جدا على نبل زي ده في كل ماسورة




طبعا الخرطوم مش الحل الامثل وهيبقى موضوع احكام تثبيته بأفيز على النبل مع شريط تفلون صعب شوية ، ولكن اكيد اكيد فهو افضل بمراحل من الوصلة العقيمة الربع بوصة اللى كانت في الاول !

طبعا تعبت جامد يومها ، بس لحظة ما تلاقى تعبك جاب نتيجة وعمل فرق ، و تلاقى والدتك بتدعيلك ، تسوى وتستاهل بصراحة :)

مش في موضوعي ياعم الحاج اعملك موضوع جديد بلاش شغل تقطيع