النوم التقيل

**أبو آسر** · 30-10-2013 01:36 PM

المشاركة الأصلية كتبت بواسطة devilavokate

انا كنت زيك كده من كام سنه و الحل قالهوللى صديق صيدلى عباره عن فيتامين اسمه فيتا سترس تاب
كل يوم حبايه و النوم حيتظظبط و الصحيان حيبقى سهل جدا و العلبه مكملتش 20 جنيه و ممكن تسال الصيدلى ملهاش اي اعراض

متابع بخصوص الحبوب دي لأن الشتا داخل والواحد لو نام 10 ساعات بيقوم يبقى عايز ينام تاني وأنا نفسي أظبط نومي على 8 ساعات بجد أقصى

**prof2013** · 30-10-2013 11:38 PM

المشاركة الأصلية كتبت بواسطة #maam#

السلام عليكم ورحمة الله وبركاته

أنا عندي موضوع عاملي أزمة كبيرة بجد

أنا نومي تقيل جدا

يعني بصحى بالعافية والموضوع ملهوش علاقة بنمت بدري او متأخر

لازم أصحى متأخر ولازم حتى لو صحيت على منبة الموبايل اعمل snooze كذا مره يعني بصحى بعد ميعاد المنبه بحوالي ساعة من غير مبالغة ولازم أروح الشغل متأخر

....... حد عنده حلول غير تقليدية للموضوع ده مش أغير نغمة الموبايل والكلام ده لأنه مبيجيبش معايا أي نتيجة

ههههههههه كلنا هذا الرجل انا كماان بعاني من نفس مشكلتك بروح الشغل بعد ميعاده بنص ساعه
وبقوم بعد الرنه الخامسه للمنبه ههههههه ومش كده وبس بروح الشغل دماغي ضايعه مفيش تركيز خالص ... نعمل ايه احنا بقى في المشكله دي ؟

**Music DJ** · 31-10-2013 12:06 AM

المشاركة الأصلية كتبت بواسطة midoabdeen

على فكره الموضوع كله مرتبط بعقلك الباطن
ياعنى من الاخر انت لو رايح مثلا تعمل انترفيو هل هتقوم متاخر
لا طبعا لان عقلك الباطن مبرمج انك ماينفعش تتاخر
برمج نفسك انك لازم تصحى فى الوقت كذا وشوف النتيجه
انا كنت زيك واكتر بكتيييييييييييييير كمان
دلوقتى بقيت بصحى قبل المنبه ما يرن من نفسى

على فكرة كلامك صح جدا انا كان صحيانى من النوم دة مشكلة كبيرة وكونت ساعات بنام 12 ساعة بس على فترات المهم خلاصة الدور دة انتا الاول تنام بدرى وقبل ما تنام كلم نفسك بس مش شرط بصوت عالى وقول انا ان شأء الله هصحى الساعة كذا واظبط المنبة واعد كرر الجملة كذا مرة بس مش تقولها بهزار خد كلامى ثقة وهتلاقى تفسك قايم على المعاد الى انتا قولتة بالظبط ويمكن قبلية بكام دقيقة انا الكلام دة مجربة كتير وبالنسبة للناس الى بتنام 8 ساعات وتقوم جسمك مكسر وعاوز تنام تانى دة بيبقا فى الغالب انتا مش بتشرب مية كتير طول اليوم حاول تشرب مية طول اليوم

**i_Am_Legend** · 31-10-2013 12:12 AM

الصحيان في الشتاا صعببب :-\

**elhelwany188** · 31-10-2013 08:54 AM

المشاركة الأصلية كتبت بواسطة #maam#

السلام عليكم ورحمة الله وبركاته

أنا عندي موضوع عاملي أزمة كبيرة بجد

أنا نومي تقيل جدا

يعني بصحى بالعافية والموضوع ملهوش علاقة بنمت بدري او متأخر

لازم أصحى متأخر ولازم حتى لو صحيت على منبة الموبايل اعمل snooze كذا مره يعني بصحى بعد ميعاد المنبه بحوالي ساعة من غير مبالغة ولازم أروح الشغل متأخر

....... حد عنده حلول غير تقليدية للموضوع ده مش أغير نغمة الموبايل والكلام ده لأنه مبيجيبش معايا أي نتيجة

السلام عليكم ورحمة الله وبركاته ...
اولا : افرحك انت مش لوحدك اللى كده فمتقلقش الازمة دى عند ناس كتيير منهم العبد لله ...
ثانيا : الحل : بص يااخى الكريم انت عايز تصحى ان شاء الله الساعة 7 مثلا تعمل 4 منبهات باربع نغمات مختلفة واحد الساعة 6 الثانى الساعة 6.30 الثالت الساعة 7 والاخير الساعة 7.15 بس الاخير تكون نغمته بتاعت المدير بتاعك علشان تتكهرب اول ما يرن ههههههه ((عايز اقولك انى عامل النغمة الاخيرة نغمة سواق اتوبيس الشركة اللى بيعدى عليا الصبح)) ...
ثالثا : اهم حاجة تشرب كوباية شاى تقيل قبل ما تنام على طول دى بقه اللى فيها الخلاصة ...
رابعا : جرب وقولى النتيجة علشان لو نجحت ابقى اجربها هههههههههههه ...

**Elawany13** · 31-10-2013 04:42 PM

أنا زمان قوى كنت كده
لما كنت طالب كنت بقوم اطفى المنبه وانام تانى
بس لما اشتغلت وبقيت مرتبط بمواعيد مينفعش أتأخر عنها
بقى نومى خفيف جدا
وبقيت العكس بعانى كمان من قلة النوم
حتى فى ايام الاجازات بصحى بدرى بدون منبه ولا حاجه

**mmolazem** · 31-10-2013 07:45 PM

المشاركة الأصلية كتبت بواسطة #MAAM#

......
حتى لو صحيت على منبة الموبايل اعمل snooze كذا مره يعني بصحى بعد ميعاد المنبه بحوالي ساعة من غير مبالغة ...

تكرار عمل الـ snooze أحياناً ما يزيد من الكسل و ستلاحظ أنه فى كل مره درجة الكسل تزيد عن سابقتها . . الى أن تفقد الرغبة فى الإستيقاظ . . و تهون من أهميته . .

عن تجربة / تجارب : حاول أن تُذكر نفسك أو يُذكرك أحد المحيطين بك بموضوع يشغلك أو يهمك أن تنجزه فى هذا اليوم . .
إستحضره الى ذهنك و فكر فيه أو تحدث بخصوصه لمدة دقيقة واحدة أو أثنين على أقصى تقدير . . .
ستجد نفسك فى كامل وعيك و إنتباهك . . وابدأ يومك بهمة ونشاط . . .

و بالتوفيق.

**أحمد كمال** · 31-10-2013 07:52 PM

ممكن يكون عندك sleep apnea

لازم تروح لعيادة نوم و تشوف

لو كده لازم تتعالج

لانها خطرة جدا و بتجيب امراض الدنيا و اشهر اعراضها انك لو نمت 100 ساعة برضه تصحى زي اللي معدي عليك وابور زلط و مش مستكفي نوم

-

الموضوع: النوم التقيل

LinkBack

أدوات الموضوع

عرض

-

-

-

-

-

-

المواضيع المتشابهه

الحؤني كارثة من العياؤ التقيل

النقل التقيل

للخبراء محتاج دعم فني من العيار التقيل ؟؟؟

فولفو ...... النقل التقيل

مفاجئه من العيار التقيل اووووووووووووووى

الكلمات الدلالية لهذا الموضوع

المفضلات

المفضلات

ضوابط المشاركة