سيبها تصدى و مودىلها بعدى !!

**sayco100** · 31-10-2013 04:07 PM

المشاركة الأصلية كتبت بواسطة my3fox

هو أيه حكاية السنة الجديدة دي..... أنا برضة سامع إن الدنيا حتولع و اﻷسعار حتطير من أول السنة......
الكلام ده برضة طراطيش كلام و إشاعات و إلا أيه
هي ناقصة

مقعدتش مع حد بياع ولا تاجر ولا حتى اللى فالبورصة وكله متوقع ان الاسعار حتغلى والتجار ساكتة لما السنة تخلص
وحيبقى فى تسعيرة جديدة لكل حاجة
وربنا يسترررر ونشوف اللى حيحصل ــ

**eggroup** · 31-10-2013 04:34 PM

انا الحقيقة قبل ما اقعد انصح فى الناس بدأت بنفسى و رفضت الشراء السنه دى خالص و كفاية إستغلال بقى.

إحنا البلد الوحيد إللى لما العربية تغلى فيه يزيد الطلب عليها، وبدل ما الناس تمتنع عن الشراء تجرى بسرعة تشترى - قال إيه - قبل ما تغلى تانى!!!!!!!!!!!!

بدون الكلام ف السياسة التى أكرهها (حركة تمرد لما ابتدت كانت فكره خياليه فى دماغ اثنين ثلاثه و شوف وصلت لإيه؟)

البدء فى هذا الإتجاه يبدأ من داخل أنفسنا لنقتنع بإننا فعلا (نستطيع).

و أنا عندى إقتراح ممكن نبتدى بيه:

تأجيل الشراء لمدة 3 أشهر

و شوف القرار ده ممكن يفرق إزاى؟

د. ياسر التلمسانى

ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

4:46 PM
2013/10/31
3 ب

**banzai** · 31-10-2013 04:48 PM

المشاركة الأصلية كتبت بواسطة eggroup

خلينا نبتدى من هنا ... من المنتدى

عايزين حد من الأخوه الأفاضل معانا يشرح لنا ببساطه طريقة حساب الجمرك و ضريبة المبيعات

و النت مليان بأسعار العربيات الزيرو، مجرد ما نعرف طريقة الحساب حنقدر نحسبها لنفسينا و نعرف التوكيل واخد مننا فلوس أد إيه زياده.

طبعا سيكون هناك فرق فى الكماليات حنحاول نقربه على قد ما نقدر.

المهم نعرف طريقة الحساب.

من وجهة نظرى المتواضعه ان فى جانب كبير جدا من المشكله فى تبعية الجنيه المصرى ( الضعيف جدا )
امام الدولار
ده غير منظومة الفساد القهرى الاجبارى اللى احنا عايشين فيها
يعنى مثلا لو اخدنا تركيا كمثال
الليرة التي حذفت منها الـ 6 اصفار، بعد أن كانت الـ مليون ليرة تركية تعادل دولار واحد أصبحت الليرة التركية الواحدة تعادل دولاراً واحداً

*تعالى نشوف بقى تركيا وصلت لأيه فى سنة 2013 ؟!!
تركيا تسدد آخر قسط دين لصندوق النقد الدولي
‫تركيا تسدد آخر قسط دين لصندوق النقد الدولي‬&lrm; - YouTube

و عشان نكون فى الصوره تركيا كانت زينا بالظبط او اكثر فسادا

**sha2e** · 31-10-2013 04:57 PM

المشاركة الأصلية كتبت بواسطة gade2

اعتقد يا جماعه ان التجار لما اشتروا العربيات كان الدولار عالى وخلاص هما دفعوا الفلوس فلازم يعوضوا بقى مننا

للاسف يا فندم مفيش الكلام ده
اولا : الوكيل او المستورد مش بيتعاقد على عربيات غير لما يكون محجوز من الشحنه - سواء من العملاء او التجار - أكتر من 90%
ثانيا : العربيات بتيجي من بلدها للوكيل بخطاب أئتمان او خطاب ضمان من البنك للشركى يعني مش بيدفع تمن العربيات غير لما تيجي مصر وتدخل الميناء كمان

**saddam** · 31-10-2013 05:46 PM

صديقي المواطن
الوضع تغير وصارت هذه الحملات غير واقعية والشعب مبقاش عنده روح جماعية ولم تعد هناك همه ومن هموم الدنيا كل يغني على ليلاه وإحنه كتار كشعب ومفيش ثقافة حماية مستهلك أو منع إحتكار وبكده مهما عملت حملات حتلاقي ناس تشتري ومش سامعين بحملتنا أساسا
وبالتوفيق وإلى اﻷمام ومن نصر إلى نصر
ودمتم للنضال

**ahmedfathi** · 01-11-2013 08:00 PM

كله بيقول يالاه نفسى

**mohamedadelemam** · 01-11-2013 08:27 PM

احلى اقتراح انا شوفته فى المنتدى من ساعة ما دخلته حتى لو النتيجه ان المستعمل هيولع شويه فهيبقى لفتره قصيره التجار هيتربوا ويبطلوا جشع

**banzai** · 02-11-2013 12:59 AM

المشاركة الأصلية كتبت بواسطة mohamedadelemam

احلى اقتراح انا شوفته فى المنتدى من ساعة ما دخلته حتى لو النتيجه ان المستعمل هيولع شويه فهيبقى لفتره قصيره التجار هيتربوا ويبطلوا جشع

سيدى الفاضل المستعمل اولريدى مولع و الناس بره مصر بيتهكمو علينا فى الموضوع ده

i have been living in hurghada now since 2008 and i am shocked how expensive cars are, and especially second hand ones. With the poor standard of driving and the bad state of the roads i would have expected second hand cars to lose value very quickly, but this does not seem to be the case.
In the uk and in spain, where i was living for 13 years prior to coming to egypt, second hand cars lose value quickly and cars over 10 years old are a positive steal.

i was recently in hurghada and looking at second hand cars. Oh my goodness what a pile of junk for nearly £6000! I would not even give them £50 for some of these bangers.

كفايه يا زعيم الشفقه حلوه

**mohamedxsayed** · 02-11-2013 03:57 PM

انا شايف انه استغلال تجااار
مش فرق العمله هو الى ينطر سعر العربيه 50 الف فوق
السيراتو كانت هاى لاين ب 145 الف الجديده ب 198 الف يهنعى 53 الف جنيه فرق عشان مطلوبه وكذلك الالنترا
تيجى للبيجو سعرها تمام عشان بيجر سوق وبكره يستهبل
نيجى للاسترا اول مانزلت قلت تمام عربيه المانى فى سعر من السراتو تقريبا طب ازاى
وبعد ما جرت سوق بدأت تغلى يبقى ايه !!!!!!!!!!!!!!!!!!!!!!!!!!!!!!!!!!!!!!!!!!!! التجاار حراميه ونصابين و ولما تروح التوكيل يعاملوك كانك دفعت ورق كوتشيته مش فلوس ...

**khaled_afandy** · 03-11-2013 11:48 PM

المشاركة الأصلية كتبت بواسطة banzai

انا كنت عايز اعمل موضوع زى ده بالظبط
اهو الدولار نزل و هينزل
يا جماعه سعر السياره فى مصر هو الاغلى فى العالم كله تخيل ان مصر اغلى سعر سياره على مستوى العالم طيب بتاع ايه و بأمارة ايه ؟
و حتى الفلوس اللى بتتحصل كجمارك و ضرايب لا بنشوف بيها طرق صالحه للاستخدام ولا شبكات مواصلات محترمه ولا زيادات فى الاجور
نفسنا نشوف اتحاد قوى يمثل شرائح الشعب المصرى و يكون ورقة مواجهة و ضغط امام مافيا تجار السيارات
و الاهم من ده كله يقوم بتوعية الشعب بقيمة السيارات الحقيقى

تصحيح لمعلومة: أغلى سعر سيارات فى العالم فى سنغافورة، بس هناك المواطن مش محتاج يشترى عربية أساسا المواصلات العامة تشرح القلب، و دى سياسة من حكومتهم هناك للإقلال من التلوث رغم ان البلد كلها شجرة كبيرة نقدر نقول كده و أيضا للإقتصاد فى الوقود.