لو سمحتم انا من نص الموضوع متابعه وراجعت عللى الصفحات الاولانيه وانا اصلا من قسم الدايو و لا اعرف الاستاذ محمد ناصر ولا اعرف البشمهندس طناني واسمحولي انا ليا ثلاث رسائل للكل :
1- اعضاء القسم الكرام اللي بصراحه مستفذين جدااااا الكل انا شايف جاي على محمد ناصر وانا اسف لمحمد ناصر وللكل حتى لو محمد ناصر سب الدين وهوا طبعا غلطان والغلط ده يعود عليه لانه هوا اللي حيتحاسب عليه بس ده مغيرش انه لسه ليه حق لاني الطبيعي رايح لمكانيكي و حتى لو كان مهندس برضوا اسمه الدارج ميكانيكي و بيسلم العربيه بعيب المفروض اني ادفع فلوس تطلع العربيه بدون العطل اللي جاي بيه لكن تطلع بعيوب واعطال ده كده مش صح عادي ان مهندس كبيييير واد الدنيا يفشل ويجي بليه بتلاته تعريفه ينجز اللي المهندس مقدرش عليه وكلنا عارفين كده واللي ميعرفش مسيرك حتجرب بس افتكرني و افتكر الموقف ساعتها امال ايه معني مقوله ( يوضع سره في اضعف خلقه ) بنقولها وخلاص ولا ليها معني
2- المهندس طناني انا مع معرفكش شخصيا لاكنك بعد مراجعاه مواضيعك على المنتدى و اراء الاعضاء فيك مش هنا طبعا واضح انك بني ادم محترم و خدوم و اسمحلي انت غلطان وعادي اديك بتتعلم كونك ان زبون جالك و خرج من عندك مش راضي و كمان عنده خساير يبقلى انت غلطان و مطالب باكمال اصلاحك للسياره لانه اكيد مش من الطبيعي ان تكون عربيته عندك و بيصلحها و بعد كده يقولك انت فيك و عليك و مش عايزك تكمل فيها و هيا لسه ميته القصد انه مش حيفتعل مشكله من نفسه الا لو شاف فعلا حاجه تحرق الدم و تنرفز وياما حصلت معايا اني اكون عند ميكانيكي و خلاص عرفت انه كفتجي ( مش قصدي عليك العفو ) بس بقول خليه يكمل و مش جايلك تاني و حقول كلمه و معلش متخدهاش بمعنى تاني - اللي بيحصل ده دعايا سلبيه - و اخر كلامي ممكن يكون محمد ناصر غلط فيك بس خليها عليك و ياعم افتكر كلامه سبحانه و تعالى " و الكاظمين الغيظ والعافين عن الناس "
3- استاذ محمد ناصر انت ليك حق بالا شك لكن اسلوب مطالبتك بيه مش ولابد يعني انت اتسرعت و غلطت في الراجل و كان مينفعش الكلام ده اعتذر لمهندس طناني بينك وبينه لان غلطك فيه كان بينك وبينه و ياريت تقوله على اسماء العاملين عنده اللي غلطوا في حقه لانك لو مكانه مترضهاش على نفسك انك تشغل عندك ناس مبتصونش الجميل ولا اكل العيش كلم مهندس طناني و اتفقوا على ميعاد و راضيه و هوا انا واثق انه حيكمل شغل في عربيتك
اخر حاجه للكل كفانا تزلف الراجل مغلطش انه بيطالب بحقه هنا في المنتدى او في اي حته الغلط غلط و الحق حق " إنما أهلك الذين من قبلكم أنهم كانوا
إذا سرق فيهم الشريف تركوه، وإذا سرق فيهم الضعيف أقاموا عليه الحد،
والله لو أن فاطمة بنت محمد سرقت لقطعت يده " صدق رسول الله ....اظن المعنى وصل لشباب القسم
المفضلات