الموضوع: أسوأ تجربة ليا في صيانة العربية مع مركز ماستر-مثبت بواسطتى لحين الفصل فيه-محمد طنانى

1- مبدئيا كده .. التوكيل نفسه بيغلط .. و من حق صاحب العربيه الاستاذ محمد انه يزعل ويتضايق ويتنرفز لان فيه خطأ فى عربيته وهو كان متوقع ان عربيته ترجع فله شمعه منوره.. ده شئ طبيعى جدا ومن حقه ..

2- الاستاذ محمد ناصر قال كلامه ومشي .. ومش بيتناقش وقال مش داخل المنتدى تانى .. فده غلط .. دلوقتى حضرتك بتشوف ردودنا يا استاذ محمد .. ولا قلت كلمتين ومشيت .. ؟؟ المفروض نتناقش مش نرمى كلام ونمشى .. لان كل طرف من حقه الرد والمناقشه والدفاع عن نفسه .. ما ينفعش اقول فلان ضحك عليا وانا ماشى ومش هسمع رد حد .. اومال يتعرف منين انا صح ازاى ؟ مش من المناقشه وان التانى يقول كلامه..؟؟؟؟

3- استاذ طنانى معروف عنه الخدمه والاخلاق العاليه .. ومعتقدش ان فيه حد هنا فالمنتدى حكى عن مشكله الا ولقى رد منه .. ومن قبل ما يفتح المركز وهو دعامه المنتدى هنا وبيجاوب ع الكل وفاد ناس كتير ياما .. بس مش معنى كده ان مش بيغلط .. لا الغلط وارد .. وده مركز صيانه .. حضرتك يا استاذ محمد ناصر اكيد اتعاملت مع صنايعيه كتير وفيه بيغلط وبيعك .. اكيد الفيصل هو بيعترف بغلطه ده وبتوصلو لحل ولا لا ....

4- انا روحت مركز طنانى .. واشتغلو فيها يومين عشان كنت رايح متأخر ف اليوم الاولانى .. و لما احتاجنا قطعه ( قاعده موتور ) .. طنانى لف معايا على رجليه عشان نجيبها .. وكان حاطط العربيه ف عينه ... ولما استلمت العربيه.. رجعتله مرتين اظبط حاجات .. وما اتكلموش وماقالوش حاجه ..

5- حضرتك يا استاذ محمد .. روحت مره .. خدت شغل .. نتيجته مش عاجباك .. المفروض تتابع تانى و تشوف .. لو الراجل غلطان ومداكش حقك .. يبقا حقك 100 مره انك تتكلم وتقول يا ناس الراجل ده عمل وسوا .. انما مش اروح مره و خلاص .. الناس بتروح التوكيل بدل المره مليون ..

6 - استاذ طنانى .. حضرتك لو غلطان ف حاجه او لقيت ان العربيه رجعتلك واتضح خطأ من المركز عندك .. من حق الراجل ان الغلط ده يتصلح كيفما تتفقو ..

7- استاذ طنانى قال ان الراجل شتمه وسبله الدين .. وانه مدقش ولا عمل الكلام اللى اتقال ... المهم هنا .. ليه الشتيمه وسب الدين .. هل حضرتك يا استاذ محمد ناصر عاتبته او روحتله بالمشكله تانى وهو مهتمش او قالك مليش حق عندك .. ع الاقل مبصش ع العربيه وجربها ؟

7- استاذ محمد عرض كلامه ومشى .. واستاذ طنانى قال كلامه .. و فيه موضوع اهو شهاده عن الكلام ده ..
http://www.nilemotors.net/Nile/386787-a.html
يبقا الفيصل ... ان صاحب العربيه يودى العربيه المركز .. بكل ادب واحترام .. ولو فيه حق له هياخده .. ومعتقدش ان طنانى ممانع من كده .. بل ده كمان استاذ صدام تعهد لاستاذ محمد ناصر انه هو كفيل بطنانى ..

8 - وده كلام عام .. اعتقد كلنا بنروح لصنايعيه وبيعكو .. بس ما بنحكمش انه فيك عك الا لما بنروح مره واتنين ونلاقي الناس منفضه او مش مهتمه او ترجع للراجل يكمل شغله تلاقيه بيعك تانى ... فاعتقادى ان الموضوع ده جه باستعجال وضيق نفس نتيجه ان استاذ محمد ناصر مضايق.. وده حقه طبعا .. بس مكنش حقه انه يسب الدين لطنانى ...

كلام عام ... طنانى مشهود عنه وانا اشهدله بكل ادب واحترام واخلاقه عاليه جدا .. وما بيتأخرش عن حد ف حاجه .. و عمرى ما اتصلت بيه استشيره الا وفادنى وقالى اعمل ايه .. وبدون مقابل ولوجه الله .. ودايما بيقول لو المركز مش كويس هيقفله .. هو يهمه الصح بس ......و يكفى انى اتصلت بيه مره الصبح الساعه 6 بالغلط .. فقفلت بسرعه .. لقيته صحي يتصل بيا يطمن ..!!!!

من الاخر كده لو كل الكلام ده حصل كان المفروض محمد ناصر يتصل ويتكلم باسلوب هادئ واللي غلط في حاجه يصلحها اما طريقه الحوار دي سيئه جدا وصلوا علي النبي كده واستغفروا ربنا

شهاده لله انا معرفش الاستاذ طنانى معرفه شخصيه معرفتى بيه من خلال المنتدى واتصلت بيه مرتين بصراحه الراجل ده محترم لابعد الحدود وذوق جدا وفعلا من الناس الى نادرا نلاقيهم دلوقتى دايما مع الاعضاء في اى مشكله تقابلهم وبيشرح باستفاضه حتى لو في التليفون الى اقدر اقولهوله ربنا يصبرك الواحد كل يوم بيشوف ناس مايعلم بيها الا ربنا لازم نتعامل وربنا ينجينا منهم وبقول للاستاذ الى بيشتكى طالما انت سبيت الدين يبقى انت احقر من اننا نتناقش في مشكلتك ربنا يهدينا ويهديك

هو فين صاحب الموضوع و فين رده على كلام الاستاذ طنانى بصراحة استاذ طنانى عداه العيب ومديقش نفسك يا استاذ طنانى