عايز رايكم فاكس ولا ادوس بطرق خاصه جدا لا اود الافصاح عنها استيراد بطريقه شرعيه بنسبه 100% بالافراج الجمركى و سعر خيالى عربيه نص نقل دوبل كابينه دودج رام 3500 موديل 2014 كماليات تحفه و اوتوماتيك موتور ديزل 6700 سى سى 370 حصان و 1100 نيوتن للاستخدام الشخصى فقط مميزات فى رايى ( تربو ديزل وما ادراك ما التقنيه و كثير من الناس ميعرفوش قد ايه الكلام ده محتاج تكنولوجيا عاليه جدا و معقده جدا - عزم جباااااااااااااار لالا دى كلمه قليله عزم وهمى - عفشه حديد تنفع للطرق الزفت قصدى الحرير و ارتفاع ممتاز للجبال يوووو قصدى المطبات لان فى رايى 99 من طرق مصر off road - العربيات الديزل عموما استهلاكها للوقود اقل من البنزين و ارخص بكثير طبعا من بنزين 95 او حتى ال 92 - العربيه نفسها بتبقى معمره جدا جدا بسبب طرق البناء عشان شاسيه - العربيه كل قطعه فيها حتى الموتور والفتيس معمولين للخدمه الشاقه ويتحمل درجات الحراره العاليه الى هى مصر بالضبط - لو عايز مساحه هشيل اى حاجه طبعا فيه ورا بحر ارمى بس - ا مش هخاف لو سواق مصرى اصيل مطلع الرخصه كده لله و الوطن رجع و خبطنى و واحد ميعرفش ان زيت الفرامل المفروض يتغير كل سنتين عشان الرطوبه يخبطنى من ورا لان الاكصدامات الحديد مبيفرقش معاها الكلام الفاضى ده ) العيوب من وجهه نظرى ( هل الديزل فى مصر جودته كويسه ولا بنفس كفائه البنزين لان لو كده يبقى فااااكس - سواق نقل و يا اسطى بعد اذنك مش عارف ايه و مستوى اجتماعى هيقل جدا و الواحد لما يبقى لابس نضيف و كده ونازل من نص نقل ايه بقى ؟ هى دى ام ثقافه الشعب و اصلا هما لو شافوا العربيه من جوا ممكن يموتوا و طريقه المعامله فى المرور ولا كمين لا تعليق بس ممكن يكون فيه ظابط مثقف و يعرف الفرق بين النص نقل و الرام 3500 الله اعلم !!! - كثير من المصريين الافاضل هتلاقى فى عنيهم نظره استحقار عشان عربيه نص نقل نتجيه انعدام الثقافه و فئه قليله جدا هتقول اوعى الوحش و كده ولا كده مش فارق بالنسبه لى نظرات الناس ولا ارائهم لانهم اكبر سبب فى نكسه الانسان ) انا محتار ايه رايكم دى هتبقى للبهدله و التكسير و المشاوير و التخبيط و صيانه دوريه عادى بس هتستحمل عن اى عربيه فرافيرى و كمان هيبقى فيه عربيه تانيه 5000 كيلو فى السنه و كمان كده كثير للمناسبات و ال meetings و التظبيط مفيش حد يفهمنى غلط قصدى الخروجات مع صحابى