الموضوع: البلد امتى هينصلح حالها

المشاركة الأصلية كتبت بواسطة elawany13

اللهم ارفع مقتك وغضبك عنا
اللهم ارفع عنا البلاء
حسبنا الله ونعم الوكيل

امين
وفعلا حسبنا الله ونعم الوكيل

المشاركة الأصلية كتبت بواسطة silent~dream

الحمد لله عمرى ما دفعت ولا هدفع جنيه فى المرور ولازم الواحد يعرف يساير اموره و يمشيها وكله بالدماغ

ياريت تقولنا بتعمل ايه بالظبط يمكن نتعلم منك
بقولك قالولى هتروح السويس والمراجع بتاع المرور حكم رايه انى لازم اروح لمرور السويس هو كمان وتانى يوم عملتها فى نفس المرور وانا بشرب الشاى من غير لا طوابير ولا يحزنون ومضى عليها نفس المراجع اللى كان لسه امبارح بيقولى لازم السويس ولا بديل عن السويس يبقى فين الدماغ اللى هنا غير الفلوس طبعا

المشاركة الأصلية كتبت بواسطة ahmedteam

يا صديقى المواطن البلد دى عمرها ما هيتصلح حالها
احنا عايزين معجزة من عند ربنا

الفساد فينا احنا جوانا و اتربينا عليه من اول الغش فى المدارس و الفساد فى المصالح الحكوميه و الخاصه
يبقى لازم زى ما اتربينا عليه نتربى على غيره

ازاى عايزين حالنا يتصلح و احنا متغيرناش
لازم تيجى من فوق يعنى من اول الحاكم لغاية اقل واحد فى البلد

يا باشا الشعب ده لازم يتغير مش حد تانى احنا مش فالحين فى اى حاجه غير الفهلوه لا تعليم و لا صحه و لا كوره و لا صناعه و لاجواز و لا .......... عد براحتك.
برده ده بسبب اللى بيمسكو البلد - لو كل واحد حس ان فى رقيب عليه وان حسابه هيكون عسير لو اخد رشوة او تباطأ فى عمله هنتغير للاحسن طبعا - وطبعا ده مش هيحصل الا لما يكون ولى الامر بيعامل ربنا .

الناس كلها بتطلع لقدام و احنا بنرجع لورا.
دى حقيقة مؤلمة للاسف باينة جدا للعالم كله لكن ممكن تكون مش باينة لبعض منا

يتوب علينا ربنا.
امين

و دمتم للنضال

وانت كمان

المشاركة الأصلية كتبت بواسطة mahmoud.69

انا مش هحلف بس اقسم بالله بكره هتشوفو مصر
ههههههههههههههههههههههههه هههههه

اظن كلنا مصدقينك دلوقتى

المشاركة الأصلية كتبت بواسطة lidosasa

المرور دنيا تانية وسبوبة كبيرة الكل بياكل عيش من وراها من أول الراجل اللى بيركن العربيات ( اللى عادة بيكون بلطجى ) إلى رئيس وحدة المرور مروراً بالراجل بتاع البوفيه للناس اللى بيتبع أى حاجة قدام وحدة المرور وكله بينفد على كله وكله بي...( كلمة ممكن أتحظر لو قولتها ) فالأحسن أقول كله بيسمسر من كله
والبلد حالها فى النازل أكيد

انت لخصت الموضوع فى كلمتين فيهم الفايدة