كنت لسة مشارك في موضوع استفزتني فيه مشاركة لاحد الاعضاء الموقرين بيقول ان السيفيك بتنزل برة مصر اغلى من الشارك علشان هي فئة اعلى وبرقبتها!!!!
طبعا معروف ان سعر الشارك والسيفيك -الاتنين- في امريكا بيبدأ من 21000 دولار... يعني فئة واحدة هناك زيهم زي الكورولا والتيدا والمازدا3 والفوكس الخ الخ الخ...
بس بم اننا في مصر ولما بنحب ماركة بنطلعها السما السابعة فمفيش مانع ان السيفيك تبقى ب215 الف طالما الجيل اللي فات سمعته حلوة وهيخلي الجديد يبيع بأي ثمن... في حين ان الشارك ب167 الف (اقل ب47 الف جنيه!!!!!!!!) لا لشيء الا انها مش ناجحة تسويقيا ومفيش مبرر انها تعدي ال200 الف زي السيفيك والكورولا مثلا...
السبب والامارة الوحيدة للزيادة دي ان احنا شعب بيحب يتنصب عليه علشان يقولك يا عم اوعى وشك دا انا راكب سيفيك vti وهوه مستمتع جدا بدفع 47000 زيادة عن عربية بنفس سعرها برة (واكيد وكيلها كسبان للصبح برضه)...
برة مصر لو السيفيك الجيل التامن مثلا كانت ب20 الف دولار فيبقى الجيل التاسع بينزل في نفس رينج السعر لان هو ده توبها... واللي عايز حاجة اعلى من نفس الشركة يروح يجيب اكورد مثلا... انما هنا احنا لزقنا... السيفيك حلوة وعملت شغل في الجيل السابق يبقى نزود 40 الف في الجيل الحالي مع نفس الموتور والشاسيه وكل الاساسيات... وخلي الشعب يعيش...
يا راجل هوه في حاجة اسمها ان الكورولا ب210 والسيفيك ب214 في حين ان الاسطورة الامبريزا ب185 بس غير عندنا؟؟؟
المفضلات