السلام عليكم هو عداد ال rpm اخروا 6 زى فى الصورة ولا اخروا كام
http://nileup.com/up/uploads/nilemotors_13836604081.jpg
عرض للطباعة
السلام عليكم هو عداد ال rpm اخروا 6 زى فى الصورة ولا اخروا كام
http://nileup.com/up/uploads/nilemotors_13836604081.jpg
أنا بصراحة مش فاكر العداد اخرة كام (أنا متأكد إن الredline عند 6000أو 6500) بس خلي بالك إن العربية نزلة برة بأربعة مواتير ديزل و اتنين بس بنزين فممكن تكون الصورة لعربية ديزل
سيدى الفاضل
السلام عليكم ورحمة الله وبركاته
العداد اخره 7000 دورة فى الدقيقة وليس 6000 والمنطقة الخطر او الحمراء بتبدأ من 6250 الى 7000 دورة فى الدقيقة
وعلى الرغم من كدة فى سيارات زى تويوتا ياريس 1300 سى سى وعدد دورات الموتور فيها اخره 8000 دورة لذلك انا اعتقد ان عدد دورات الموتور فى بيجو 508 قليل علشان الفتيس بتاعها 6 نسب امامية او 6 غيارات يعنى وده يخليك مش محتاج عدد لفات كتير
يعنى مثال بسيط انا لما بمشى 140 كم / ساعة بيكون عدد دورات الموتور 3000 بالظبط او يمكن اقل كمان مش فاكر كويس
ولو حضرتك عاوز تستفسر عن اى شى فى 508 انا تحت امرك
شكرا
زي ما أستاذ عمرو قال هيا مش بعدد لفات الموتور الأعلي,
قد ما هيا بعزم الموتور ودي الحاجة الأولي,,
ونسب السرعات (ratios) اللي في الفتيس ودي الحاجة التانية,,
هديك مثال علي دا عن تجربة في عربية لانسر بموديلات مختلفة,,
عدد لفات موتور 8000 طبعاً في كل الموديلات اللي هذكرها.
في الانسر بومة مانيوال (5 غيار) 1300 كانت بتجيب 100 كم علي الرابع علي 3000 لفة موتور في الدقيقة,,
لانسر بومة أوتو (4 غيارات) 1600 كانت بتجيب 100 كم علي الرابع علي حوالي 2600 لفة موتور,,
لانسر بومة أوتو برضه 1600 بس فتيس CVT بتجيب 100 كم علي عدد لفات موتور 2000 بس !!
لأن ال CVT النسب فيه متغيرة طول الوقت,, وعزمة أعلي.
نفس الكلام هتلاقيه مع البيجو لأن عزم موتور ال 508 عالي, والفتيس 6 سرعات بيدي سرعة أعلي علي أستهلاك بنزين أقل ورينج RPM أقل.
هديك مثال تاني بس مختلف شوية عن عدد لفات الموتور, وهيكون عن العزم والهورس باور,,
الهامر H2 موتورها 6200 سي سي والهورس باور بتاعها حوالي 380 حصان.
من 0-100 في 8 ثواني. معقول مش وحش صح ؟؟؟
أقصي سرعة 200 كم,
http://imageshack.us/a/img822/4044/bbum.jpg
طيب مازدا Rx-8 موتورها 1300 سي سي روتاري الهورس باور بتاعها حوالي 230 حصان بس,,
من 0-100 في 7 ثواني. :-)
أقصي سرعة 240 كم.
http://imageshack.us/a/img22/2493/egvl.jpg
الموضوع مش موضوع العداد أخرو كام,, الموتور والفتيس هما الأساس, وأمثلة الأنسر هتوضح لك الفرق,
أتمني تكون الفكرة وصت.
العفو يا باشا على ايه
بالنسبة للعربية ممتازة باستثناء بعض الحاجات اللى انا من وجهة نظرى الشخصية شايفها عيب زى مثلا
1- صوت انذار السرعة فوق 120 كم / ساعة قمة فى الازعاج ومابيفصلش يعنى تخيل انا رحت بيها مكة المكرمة اعمل عمرة انا واولادى من الرياض يعنى 950 كم رايح وزيهم راجع وطبعا الطرق هنا بتمشى عليها 180 او 190 وانتا مرتاح جدا لكن طول الطريق الانذار مابيفصلش وصوته مزعج جدا لدرجة انى فكرت اسأل فى التوكيل لو ينفع فى السوفت وير بتاعها يلغو الانذار ده بس رجعت فى كلامى وخفت لو لعبت فى حاجة اى حاجة تانية تبوظ
2- برضه صوت انذار الحزام شغال بالوزن يعنى لو اللى قاعد جنبك اتحرك او عدل نفسه على الكرسى او شلت طفل او نزلت طفل من على رجلك يفضل يزن وازعاج لكن طبعا اكيد الحزام امان بس نعمل ايه بقى احنا المصريين مش متعودين عليه قوي
3- عزل التكييف بمعنى انه يعمل تدوير للهواء من داخل العربية ولا يجيب من الهواء الخارجى بحسهم زى بعض اوقات كتير قوى بكون مشغله على اعادة تدوير الهواء الداخلى واكون مثلا فى اشارة واشم ريحة العادم او الدخان اللى بره فا معرفش هل ده عيب عندى بس ولا عند كل الناس او انا اللى حساس زياده لموضوع الريحة بتاعة العادم مش عارف
اعتقد دى الحاجات اللى انا شايفها من وجهة نظرى عيوب لكن غير كده العربية سحبها ممتاز واستهلاكها كويس متوسط جوه البلد وممتاز على الطرق السريعة
واهم ميزة فيها ان شكله ماشاء الله ممتاز وتصميمها انسيابى جدا وثورى وهايعيش كتير زى الــ 406
بالنسبة لصوت أنذار السرعة فهوا بيتلغي بسهوله من علي السوفت وير بتاع بيجو,,
هوا أوبشن بيتعدل ممكن تخليه يدي أنذار علي سرعة أعلي أو تفصله خالص لو بتمسك خط طوالي علي طوول,
ومتخافش مفهوش ضرر ولا هيبوظو حاجة لأنه مش هيفك ولا يركب ولا يعدل في السوفت وير,
دا هوا أوبشن في قايمة زي enable/disable
وبالنسبة لأنذار الحزام بالوزن أنا مفهمتش قصدك فيها,, دي علي الحزام بتاعك كسايق, ولا حزام اللي راكب جبنك,
وعموماً أنا برضه بلبس الحزام علي طول سواء جوا البلد أو برة البلد عشان برتاح فيه أكتر,
برة البلد أمان طبعاً,, وجوا البلد بيثبتني في الكرسي من كتر التنطيط مع المطبات,, :)
لكن لو حابب تسوق من غيره هوا المفروض بيفضل يزمر دقيقتين وبعدين يسكت,,
بالنسبة لموضوع أعادة تدوير الهواء في واحد معانا هنا معاه 508 قال إنو لما بيرفع الأزاز للأخر من الزرار بتاع الأزاز بيفضل فيه حتة صغيرة في أخر الازاز من فوق ما بيكون مقفول كويس,
http://www.nilemotors.net/Nile/38208...post3875223279
فأبقي أبقي أقفل الأزاز كدا مرة بضغطة واحدة اللي هيا أوتو, وبعد ما يقفل خالص كله أبقي أضغط ضغطة كمان وشوف كدا هيقفل حتة تاني ولا لأ,,
وأبقي عرفني هتظبط معاك ولا لأ, ولو مظبطش ممكن تبقي تقولهم يشوفو البوابات اللي بتقفل مع زرار أعادة التدوير بتقفل مظبوط ولا لأ,
وأنت مش حساس ولا حاجة أنا بحس بنفس الموضوع برضه في ال 307 وأعرف واحد بيحس بيه في 508 فاممكن يبقي طبيعي,,
وشكرا لرد حضراتكوا بخصوص موضوع ال rpm انا كنت خايف بس ان يكون فى السحب نفسها مش طويل علشان بتقلب بدرى يعتبر كدا بس شكرا للشرح
السلام عليكم
رداً علي ما أثير عن ال ٥٠٨
المشاكل دي كلها واجهتني
بالنسبة للتكييف أنا كنت ملاحظ مشكلة الروائح الخارجية اول شهريين
ورحت الوكالة مخصوص والفني لقيته مش عارف المشكلة فين
بس بصراحة أختفت مع صيانة العشرة آلاف
وخلي بالك فية وضعية بتجيب الهوا من برة وجوة بمعدل ١ الي ٢ علي الترتيب
ودة بيبقي فية حرف a داخل علامة إعادة الدوران
وعندي ملاحظة كمان ان اندفاع الهواء أكبر من الهواية اليسرى اللي جنب الباب
واللي في الكونسول ضعيفة شوية ودي حلها اني بقفلها شوية فبيقىم الهوا يروح للتانية
بالنسبة لإنذار السرعة كان بيزعجني في الاول ورحت الوكالة في الرياض وقابلت مهندس أجنبي وقالي
ممكن نخلية عند سرعة ١٣٠ مش أكتر بس منقدرش نلغيية ولازم يتم مع الصيانة الدورية
انا بجد معدتش بسمعة الا لو حد ركب معايا وفكرني بية
بالنسبة لإنذار أحزمة الامان فدة دائم للسائق وبالوزن للراكب الأمامي ومفيش للركاب الخلفيين
ولو بنتي عدلت وضعها وهية راكبة جنبي بيرجع يزمر تاني
اللي عجبني في الصيانة الدورية ان السيارة بتتوصل بكابل عن طريق النت مع فرنسا
في الاول كنت فاكرهم بيكذبوا بس انا شفت ده بنفسي
ولما رحت في يوم الصيانة الساعة ٨:٣٠ أعتذرولي وقالولي خلاص البرنامج بدأ وبيقعد ٦ ساعات
علي النت لإننا بنعمل برمجة كاملة مش إكتشاف أعطال بس وادوني ميعاد تاني
وبالفعل بعد الصيانة لقيت بعض الاختلافات في واجهة الشاشة الرئيسية والشاشة ما بين العدادات
ومشكلة التكييف اتحلت وصوت المحرك بقى أقل والسيارة واقفة
لسة عندي شوية ملاحظات زي صوت تزييق مع فتح الشنطة والابواب الخلفية زي متكون عايزة تتشحم
ال usp مرة يقرأ الفلاشة ومرتيين لأ
غطاء التانك مش بيقفل بسهولة من أول مرة
ضغط الهواء بيقل شوية كل شهر تقريباً
فيما عدا ذلك كلة تمام الحمد لله
في كذا موضوع يا باشا,, بس قلب أنت شوية في صفحات المنتدي,,
http://www.nilemotors.net/Nile/291613-508.html
http://www.nilemotors.net/Nile/341270-508.html
http://www.nilemotors.net/Nile/358247-508.html
http://www.nilemotors.net/Nile/31975...post3874643828
http://www.nilemotors.net/Nile/300383-508.html
http://www.nilemotors.net/Nile/370288-508.html
http://www.nilemotors.net/Nile/383831-a.html
http://www.nilemotors.net/Nile/364828-508.html
http://www.nilemotors.net/Nile/35195...post3874953098
http://www.nilemotors.net/Nile/337234-508.html
http://www.nilemotors.net/Nile/340504-508.html
www.nilemotors.net/Nile/382081-eleanor.html
http://www.nilemotors.net/Nile/382637-508.html
http://www.nilemotors.net/Nile/322450-508.html
http://www.nilemotors.net/Nile/348241-508.html
http://www.nilemotors.net/Nile/382637-508.html
http://www.nilemotors.net/Nile/381724-508.html
http://www.nilemotors.net/Nile/323332-508.html
أسعار وصور ومواصفات بيجو 508
ودول موضوعين أنت كنت سائل فيهم قبل كدا,
http://www.nilemotors.net/Nile/348241-508.html
http://www.nilemotors.net/Nile/369047-508-facelift.html
شوفت بقي المواضيع قد أيه,, :F_eyeb1[1]:
انا عربيتى مافيهاش انذار السرعه ده اللى بيشتغل على سرعه 120
ممكن بيتفصل من الموديلات الى بتنزل مصر
اما بالنسبه للتكيف فى حالتين لاعاده تدوير الهواء من الداخل
1- فيها حرف a ودى المفروض بتشغل الايونيز aioniser ودى فلتر الميكروبات والفعل بيدخل نسبه هواء من الخارج لتنقيه الهواء دايما
2- اعاده تدوير عاديه زى اللى موجوده فى اى عربيه ودى ممكن تشغلها جوا البلد ومش هادخل ريحه عوادم ولا حاجه
وبالنسبه لموضوع الار بى ام الميزه فيه انك بتقدر توصل لريد زون عادى غير العربيات التانيه مش بتقدر توصله
وفى المجمل العربيه جميله واى استفسار تحت امركم
معلش بقى انا عندى استفسار طالما حضرتك من مللاك العربيه خارج مصر
معلش عندى بعض الاستفسارات بخصوص عربيتى البيجو 508
العربيه المفروض لما اجيب مارشيدير المرايات تتظبط اوتوماتيك على الظبط اللى مسجله فى الاول
والحاجه التانيه هو مش المفروض العربيه تقفل لوحدها لما ابعد عنها والمفتاح معايا
هل عربيتكم فيها الحصائص دى ولا ايه
السلام عليكم
مكتوب في مواصفات السيارة ان المرايات الجانبية بتتحرك لوضعية مخزنة مسبقاً عند الرجوع للخلف ، حاولت ابرمجها كذا مرة معرفتش ، ورحت الوكالة مرتين بردة معرفوش ، وفي الصيانة الدورية بردة معرفوش بس قالولي بعتنا استفسار للشركة بفرنسا وهنكلمك لما يردوا علينا ووروني برنت فعلاً للطلب دة ، والمهندس قالي ان انا اول واحد أسأل عن الخاصية دي ، قلتله لإني الوحيد اللي قرأ الكتالوج ، ولسة مردوش .
أما بالنسبة لغلق السيارة ، أنا عندي بتقفل لواحدها لو ركنتها ومشيت ومعايا المفتاح بعد دقيقة ، ولو فتحتها بالريموت ومفتحتش الابواب وبعدت عنها بتقفل بعد نصف دقيقة بس ، أما لو فتحت اي باب او الشنطة وبعدين قفلتهم ومشيت معدتش تقفل تاني أبداً .
فية حاجه مضايقاني بخصوص المفتاح الالكتروني ، اني لو سايب عائلتي جوه والسيارة دايرة علشان التكييف ونزلت اجيب حاجة مبعرفش اقفل السيارة من برة، لابالريموت ولابالمفتاح ولاباللمس .
مبسوط اني بشارك معاكم ، وتحت امرك في أس إستفسار ، وبأيد فكرة عمل موضوع موحد مثبت عن ال ٥٠٨ ، بدل ما الاعضاء الجدد يدوروا في موضوعات مختلفة ، وكمان بدل ما ملاك السيارة يدوروا في علشان يعرفوا آخر اخبار السيارة ، وكمان نحط تقارير للاستخدام بعد ٦ شهور وسنة وسنتين وأكتر، ده هيخلي الناس تطمئن أكتر للسيارة، خاصة إني أعرف ناس كتيير بدأوا يزوروا صفحة بيجو بالمنتدي علشان يقارنوها بالإنسينيا.
وشكراً