تحذير واجب من زيت شيل الاصفر

**lanos2004** · 10-11-2013 11:52 PM

المشاركة الأصلية كتبت بواسطة d . A .\ ayman

الزيت فرق عندي فوق 20 - 30 كيلو متر / الساعة في العربية الألتو وكمان بيفرق في حرارة المتور بطريقة كبيرة جدا

كنت حاطط كاسترول إيدج في الألتو وطريقي إسبوعيا القاهرة أسيوط القاهرة مرتين .. العربية كانت بتجيب 120 ... بالعافية وبطلوع الروح .. وكانت بتسخن جامد أول ما أجيب سرعة 100 ك / س ... (موضوع السخونة ده كان ليه قصة تانية إضافية)

ولما غيرت الكاسترول إيدج ورجعت حطيت شيل ألترا ... فجأة لاقيت العربية بتجيب 150 - 160 بسلاسة وفرق كمان في استهلاك البنزين ... نفس ظروف الطريق بدون أي إختلافات حتى سرعة الريح كنت متابعها وكانت هي هي

والحرارة كمان فرقت جدا (هي فضلت تعلى برضه لما أجيب سرعات عالية بس لما أجيب فوق الـ 125 ك / س .. مش 100 زي الأول ... وعلى فكرة ده كان بسبب مشكلة في الردياتير ولكنها في النهاية ماكتتش بتعلى زي الأول طبعا وبعد ضبط الردياتير بقت زي الفل ومرتاحة أكتر)

على شيل الترا وصلت مرتين سرعه فوق 225---وعلى زيت فيسكو تخليقى كان اخرى 210-- وشيل الاصفر قبل اما يتحرق 190 بالعافيه

**Ahmed_Ramadan** · 11-11-2013 07:54 AM

طيب كده نجيب شل الأصفر و لا منجيبوش و لو مش هنجيبه أحط مكانه إيه .... مع العلم إنى عامل طقم شنبر و كاوتش صباب من ألفين كيلو و حطيت غيار شل الأصفر .. العربية ماشية 178 ألف بس فى ناس بتقولى مادام عملت طقم الشنبر ممكن تحط تخليقى

أرجو الإفادة

**lanos2004** · 13-11-2013 09:57 AM

من الاخر تقيمى للشيل الاصفر يا خد صفر من عشرة
شيل الترا كان ممتاز معايا

**eng-ahmed** · 13-11-2013 11:01 AM

المشاركة الأصلية كتبت بواسطة lanos2004

من الاخر تقيمى للشيل الاصفر يا خد صفر من عشرة
شيل الترا كان ممتاز معايا

+1

**borio1704** · 13-11-2013 01:10 PM

مع احترامي لجميع الماركات والعلامات التجارية...

اللي يفرق زيت عن التاني هو مستوى الخدمة اللي غالبا بيتعبر عنه بكود الـAPI، بالإضافة إلى اللزوجة اللي غالبا بتتعرف بكود الـSAE .. ده بشكل أساسي

وممكن بعد كده أشوف الفرق من ناحية المواد المضافة لتحسين الأداء .. إن وجدت.

وحتى لو كان الزيت تخليقي أو معدني... المقارنة تمشي بنفس الطريقة.

وزي ما بيقول الزميل agaty1st بالظبط:
"مينفعش تقارن SL بتاع شركه بـSM بتاع شركه تانيه
قارن نفس مستوى الأداء في شركتين مختلفتين"

عشان كده.. أنا واحد من الناس اللي ما بقاش يبص على ماركة أو علامة تجارية... لو مواصفة الزيت تمشي مع المكتوب في الكتالوج... يبقى اشتريه... المهم إنه يتشري من مكان موثوق فيه.

لو عايز تعرف أكتر عن الزيوت وازاي تختارها... ادخل على الموضوع ده:
http://www.nilemotors.net/Nile/341680-a.html

...

**teto2007** · 14-11-2013 06:38 AM

المشاركة الأصلية كتبت بواسطة agaty1st

أرجع يا كابتن
أوعى تحط زيت أحادي الدرجه
الفرق بين الأحادي و المتعدد إضافه اسمها Polymers و هي عباره عن ماده تشبه الجيلي و وظيفتها انها تغير لزوجة الزيت بتغير حرارته عشان كده أي حد يمسك الزيت بأيده و يقولك الزيت ده لزوجته راحت أرزعه كف بقلب حديد
أيضا اي حد يقولك الزيت اسود يبقى غيره ارزعه نفس الكف لأن سواد الزيت معناه انه بيقوم بتاني وظيفه له بعد التزييت و هي الغسيل و هتلاقي من مواصفات الزيت لفظ Detergent

عموما انسب زيت للانوس هوه ARI SJ GRADE 20-W50 تجيبه تعاون تجيبه وطنيه تجيبه امارات تجيبه مدحت كله واااااااااااااااااااااااا ااااااااااااحد المهم ميكونش مضروب
تأكيدا لكلامي جرب تعدي على توكيل ليكوي مولي و قوله عربيتي لانوس و عاوزلها زيت معدني هايدخل عالويب سايت بتاعهم و هايقولك على الدرجه اللي قولتلك عليها
و متحطش اضافات و متغيرش قبل 5000 كيلو و اجري براحتك و غير الزيت و الفلتر مع بعض كل 5000 كيلو و انا بعمل في عربيت كده
تحياتي

كلام سليم 100x100

**dr_7ooda** · 14-11-2013 02:05 PM

مشكووور

**دعبدالرحيم** · 29-12-2013 01:56 AM

المشاركة الأصلية كتبت بواسطة mohamedxsayed

طب سؤال هى ال ezi الازرق الى بيتحط مع الزيت كويس ولا بلاش منه

كابتن ابو كف حديد ..عمال تقول رزع وغيره ...بالنسبه للانوس لو زيرو لازم زيت ذي موبيل وان ..لو بعد 80 الف يفضل ذيت 15-40 شتاء و20-40 صيفا ولو اللزوجه ذادت عن كده العربيه هتبقي رخمه في التجميع وتستهلك بنذين..ورائي موبيل 1000 شتاء وليكومولي صيفا...وشكرا

**دعبدالرحيم** · 29-12-2013 02:03 AM

المشاركة الأصلية كتبت بواسطة eng-ahmed

+1

حسبنا الله ونعم الوكيل..انا لسه مغير شل الاصفر لانوس والعربيه اتغيرت وكانها سلحفاه ورخمت في السحب..عموما انا لما بصيت في الجركن كان مكتوب عليه يصلح لمحركات الديزل .....ومن هنا المصيبه لانه علي بال ما يوصل لاجزاء المحرك يكون قضي عليه..والادهي كمان انه مضروب ...عموما انا اقنعت ان افضل زيت للانوس هو موبيل ...انزل الشيل وخلاص مع انه ما عدش لسه 150 كيلو