اللى خايف يروح--->مستنيكى يا لوجان

**Ayman_Abdullah** · 16-09-2008 09:58 PM

والله كلام الراجل ده مش مطمنى
انا حاسس فعلا انهم ممكن يشيلو التكييف بس دى تبقى كارثة و هتخلى الناس متشتريهاش فعلا
يعنى مش هتدفع 50 ألف من غير تكييف

**bassemali** · 16-09-2008 10:15 PM

أنا مختلف معاك يا hock التكييف ده ماهو إلا مسمار جحا أهي تلكيكه كده وخلاص لكن حتى لو نزلت بدون تكييف وسعرها 50000 يبقى طز ف 2800 جنيه كمان وتركب تكييف وتقف ب 52800 سعر منافس جدا ... وسياره تابعه لشركه عالميه لها سمعه ممتازه .... وشكل حلو .... وخامات مقبوله .... وسلملي على غبور أبو فيرنا مصري ب 65000 ألف !!!!!!!!!!!!!!!!!

**NaderNabil** · 16-09-2008 10:18 PM

يعنى مش هتدفع 50 ألف من غير تكييف

طب و ازاي الناس بتدفع 44000 في الألتو اللي من غير تكييف؟؟؟؟؟ و اسمها ألتو يعني جنب اللوجان ولا حاجة

انا أعتقد ان اللي ب50000 هاتشتغل علي سوق التاكسي جامد جدا .....

مستني اليوم اللي تكاسي مصر كلها تبقي لوجان :)

**ZOZ** · 16-09-2008 10:20 PM

لكن انا سمعت انها هتنزل من غير باور مش عارف الكلام ده صح ولا ايه النظام؟؟؟

**Ghamrawy** · 16-09-2008 10:26 PM

يعنى شيلتوا التكييف و الباور !!!
الكلام على 128 و لا على رينو ؟؟؟

**som3aa** · 16-09-2008 11:02 PM

يعنى شيلتوا التكييف و الباور !!!
الكلام على 128 و لا على رينو ؟؟؟

اهو كله كلام و خلاص , اساسا اعتقد الكلام دا كله غلط و ادى دقنى لو العربية نزلت اساسا ب 50000

**NaderNabil** · 17-09-2008 12:08 AM

العربية هاينزل منها فئة فاضية تماما...مش هاف أوبشن حتى..

يعني من غير أي كماليات تماما....

**mostafabakry** · 17-09-2008 12:14 AM

ايه يا جماعة هي هتنزل من غير تكييف قلنا ماشي كمان هتنزل من غير باور دي تبقي مش عربية بأأه

بالطريقة دي و العربية لسه مانزلتش يبقي ان شاء الله علي ما نزلت هتبقي من غير موتور ههههههه

طبعا مش معقول عربية عليها اللوجو بتاع رينو الفرنسية تكون من غير تكييف و باور بغض النظر انها تكون متجمعة في المغرب او حتي في كوم حماده
اكيد طبعا الشركات عامله مواصفة (standard) معين عشان تسمح بوضع اللوجو بتاعها علي العربية و انا لا اظن انهم ممكن يشيلوا التكييف و الباور
دي كدا حتبقي توك توك مش عربية دا اذا ما كامنتش الصين عملت توك توك مكيف بباور و ايه بي اس و اير باج ههههههههههههههه

هو الخوف ان الحبايب الغاليين بتوعنا ينفضوا العربية من كل حاجة و ما يسيبوش غير الأربع كاوتشات والكراسي و الركسيون