تقرير مصور عن تركيب فوجات فانتازيا للانسر شارك

**hossamsmsm** · 12-11-2013 01:00 AM

المشاركة الأصلية كتبت بواسطة saddam

صديقي المواطن
جهود مباركة وكريمة وجميلة وأنا أشجع التدوير واﻹفتكاس وأنا كل يوم تلاقيني بلف وأنخانق مع أصحاب المحلات نفسهم يعرفوا ليه بشتري وبسأل عن فوانيس لعربيات تختلف عن أنواع عربياتي
طبعا أنا أشد على إديك وأشجعك ولكن الصح في الموضوع ده تجيب الفوجات ثم تطلع على بتاع الفيبر وتثبت بطريقة راقيه ثم تفك تاني وتروح الفرن تمعجن وترش اﻷكصدام كمبيوتر ثم ترجع تركب الفوج ثم تروح للكهربائي بعد كده تعيش اللحظه غير كده من قريب لما تبص عليها لن تسر الناظرين وصدقني أهم حاجه في التعديل هو الفنش النهائي
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

والله ياباشا عندك حق فى كل اللى انت بتقوله بس طنطا عامه متساعدش الواحد انه يعمل فيها اى حاجه
ومش كل شويه هنزل القاهرة علشان اعمل الحاجه هناك
بس كنت عاوز اعرف هو بتاع الفيبر هيظبط الفوج اكتر من الكهربائى ؟
ويعنى ايه ارش الاكصدام كمبيوتر ؟

**prisoner** · 12-11-2013 10:37 AM

ماشاء الله لا قوة الا بالله شكلها تحفة ربنا يباركلك فيها
بس السؤال هوة انت اشتريته منين وفعلا فيه منه بفتحة واحدة واسمه ايه اقصد اى موديل
وانا شايف انه من قريب مش باين قوى محدش هايدقق معاك قوى كدة وربنا يباركلك فيها
انا كان معايا شارك بتاعت واحد قريبي دوخت وملقيتش حل للفوجات خالص ياريتني شقت الموضوع من فترة تحياتى

**ahmed_h_g** · 12-11-2013 10:45 AM

شغل جامد ما شاء الله
الله ينور عليك

**saddam** · 12-11-2013 11:57 PM

المشاركة الأصلية كتبت بواسطة hossamsmsm

والله ياباشا عندك حق فى كل اللى انت بتقوله بس طنطا عامه متساعدش الواحد انه يعمل فيها اى حاجه
ومش كل شويه هنزل القاهرة علشان اعمل الحاجه هناك
بس كنت عاوز اعرف هو بتاع الفيبر هيظبط الفوج اكتر من الكهربائى ؟
ويعنى ايه ارش الاكصدام كمبيوتر ؟

صديقي المواطن
قولا واحدا بتاع الفيبر حيعمل برواز للفوجات داخله برواز حديد عشان الفوج يركب بمساميره ثم يفتح فتحة في الإكصدام يقيف عليها الفوج بالبرواز الجديد ثم تتمعجن ثم تترش كمبيوتر والمقصود برش الكمبيوتر هو إنك ترش بكود اللون الفبريكة بتاع العربية
وهذا ما لزم بيانه ودمتم
ويالتوفيق وإلى اﻷمام ومن نصر إلى نصر
ودمتم للنضال

**hossamsmsm** · 13-11-2013 01:03 AM

المشاركة الأصلية كتبت بواسطة saddam

صديقي المواطن
قولا واحدا بتاع الفيبر حيعمل برواز للفوجات داخله برواز حديد عشان الفوج يركب بمساميره ثم يفتح فتحة في الإكصدام يقيف عليها الفوج بالبرواز الجديد ثم تتمعجن ثم تترش كمبيوتر والمقصود برش الكمبيوتر هو إنك ترش بكود اللون الفبريكة بتاع العربية
وهذا ما لزم بيانه ودمتم
ويالتوفيق وإلى اﻷمام ومن نصر إلى نصر
ودمتم للنضال

طيب مين بقى بتاع فيبر يعملى الشغل ده على نضافه ؟
اصلى مقولكشى على بتوع الفيبر فى طنطا ... تروحلهم علشان يلحمولك اكصدام ميكملش اسبوع ويتكسر تانى مكان اللحام ولما ترجعله يقولك اكيد حد ريح على الاكصدام يا بييييييه

**Citrooh** · 13-11-2013 06:14 PM

بسم الله ما شاء الله بجد جامدة
بس قولي انت دلوقتي قطعت القايم بتاع مسمار الفوج القديم
امال الجديد مركبه ازاي ؟؟؟

**iNjECTOR** · 13-11-2013 09:31 PM

الله اكبر ماشاء الله عليها ماشاء الله عليها
حرام عليك يا استاذنا
تسلم دماغك ...
=======
انا بس بعد إذنك عندى سؤال ؟
ما هو مدى توافق كهرباء السيارة البومة مع نفس الفوجات ... اقصد هل لو تم التركيب هيعمل مشاكل خصوصا انى لسه فى الضمان

**hossamsmsm** · 14-11-2013 12:12 AM

المشاركة الأصلية كتبت بواسطة Citrooh

بسم الله ما شاء الله بجد جامدة
بس قولي انت دلوقتي قطعت القايم بتاع مسمار الفوج القديم
امال الجديد مركبه ازاي ؟؟؟

شكرا لذوقك ياباشا
انا فعلا قطعت القايم اللى بيتركب فيه مسامير الفوج القديم
لو مكنتش قطعته الفوج مكنش هينفع يدخل فى الفتحه اصلا علشان القايم بالطول فى نص المسافه بالظبط

المشاركة الأصلية كتبت بواسطة iNjECTOR

الله اكبر ماشاء الله عليها ماشاء الله عليها
حرام عليك يا استاذنا
تسلم دماغك ...
=======
انا بس بعد إذنك عندى سؤال ؟
ما هو مدى توافق كهرباء السيارة البومة مع نفس الفوجات ... اقصد هل لو تم التركيب هيعمل مشاكل خصوصا انى لسه فى الضمان

ياباشا انت مش هينفع معاك فى البومه الا فوجات الاوكتافيا A5
مش هينفع عندك الفانتازيا
وبالنسبه للتركيب هيبقى نفس الشغل بالظبط ومدام انت اصلا عندك فوجات فى العربيه يبقى مفيش قلق ولا اى حاجه غير انه هيشيل الفوجات المدورة الصغيرة ويركب فوجات ال A5 وتركب عليهم طقم زينون وهيبقى زى الفل
وشوف كده التقرير بتاعى بتاع البومه
http://www.nilemotors.net/Nile/327635-a5.html