للمهتمين برياضة كمال الاجسااااااااام

**أسامه طياره** · 14-11-2013 01:08 AM

حضرتك صح يااستاذ عبد الخالق :) وربنا المستعان :)

**طارق _عبد السلام** · 14-11-2013 01:54 AM

المشاركة الأصلية كتبت بواسطة أسامه طياره

حضرتك صح يااستاذ عبد الخالق :) وربنا المستعان :)

فى الحاجه وعشرين يوم انت اتمرنت كم مره ؟

الاستعجال وحش ممكن يدخلك فى طرق غلط وحقن وهرمونات

انت لسه مابدأتش شويه كده وهتحس ان التمرين بقى سهل جدا عليك وحاول تروح الجيم للاستمتاع بالتمرين ومتستعجلش وهتشوف نتيجه مرضيه لك بعد 6شهور

**deee** · 14-11-2013 12:05 PM

شوف ياباشا ..

الموضوع كله غير منسق ولازم يتنسق اكتر من كده ..

اولا :

لو دى اول مرة فى حياتك تمرن جسمك فى جيم ومتمرنتش قبل كده خالص يبقى تستنى شوية على المكملات وتبدأ تاخد منها بعد حوالى 3 اشهر على اقل تقدير ومش اى مكملات كمان

ثانياً: خسارة تدفع فلوس فى مكملات محلية اساسا اقرص على نفسك شوية وهات مستورد لان المحلى زى قلته

ثالثاً : لازم تحدد هدفك الاول وبعدين تبدأ تعمل البرنامج بتاعك وكل جسم وليه متطلباته بمعنى انك حالياً محتاج ايه
تضخيم .. محتاج تنشيف .. محتاج زيادة فى الوزن .. وهكذا

رابعاً : المرحلة اللى انت فيها دلوقتى محتاجة انك تركز فى التمرين وتنفذه بالطريقة الصحيحة ومتبصش لنتيجة دلوقتى ..

واهم شئ فى الموضوع كله الاستمرارية ..

وبالتوفيق

**أسامه طياره** · 15-11-2013 12:12 AM

شكرا للجميع :) وبجد شكرا ليكوا جداااااااااا عالنصيحه :) وان شاء الله ناوي الاستمرار وواخد الموضوع جد ونفسي في المضمون قبل الشكل ان شاء الله :) وربنا يوفق الجميع يارب :) :)

**midooo_119** · 15-11-2013 04:47 PM

طيب بالنسبه بقى للعكس الى وزنه زايد و ابتدى يخس و عاوز اعمل عضله دراع و بنشات و عاوز نظام غذائى كويس مع العلم انى مش بروح الجيم لكن عندى دمبل 9 كم بشلها بتاع 100 مرة على 3 مجموعات فاليوم و فعلا شكل دراعى اتغير بقالى بتاع شهر دلوقتى تنصحونى بايه

**midooo_119** · 15-11-2013 09:41 PM

المشاركة الأصلية كتبت بواسطة midoabdeen

عليك وعلى السويدى والجرى
هتحسر وزن كبير جدا من جسمك بالطريقه دى انما الجيم مش هيخسسك كتير لوحده لازم تنزل تجرى علشان تحس بفرق
وكمان لازم تنظم اكلك شويه ماتكلش اكل فيه دهون كتير ومتكلش من الشارع على قد ما تقدر

ولو مش عايز تنزل الجيم ممكن تمارس السويدى فى البيت زى الضغط والتويست الجرى فى المكان لو تقدر

طيب انا لو عاوز عضله الدراع تكبر و العروق تبان هل ده بالتدريب الكتير عالدمبل ده و لا لازم اشيل اتقل ؟؟ انا عارف انى ممكن اخد حاجات تساعد فده بسرعه بس انا عاوز يبقى كله طبيعى خاصه ان العروق بتبان وانا بدرب ولما بخلص شويه و بتختفى تانى

**abdulkhaleq** · 15-11-2013 11:45 PM

المشاركة الأصلية كتبت بواسطة midooo_119

طيب بالنسبه بقى للعكس الى وزنه زايد و ابتدى يخس و عاوز اعمل عضله دراع و بنشات و عاوز نظام غذائى كويس مع العلم انى مش بروح الجيم لكن عندى دمبل 9 كم بشلها بتاع 100 مرة على 3 مجموعات فاليوم و فعلا شكل دراعى اتغير بقالى بتاع شهر دلوقتى تنصحونى بايه

ابتديت تخس, احسنت, استمر
اول واهم حاجه تظبيط اكلك ده اللي هينزل وزنك للمعدل الطبيعي
الكارديو ضروري عشان الحرق
العضلات تظهر يبقى لازم جيم, هي كده كده هتبدأ تظهر لو بتتمرن ونسبة الدهون بتقل
لكن اللي بتعمله في البيت ده مش صح, مش هيضرك, بس مش هو ده التمرين, مافيش حاجه اسمها تتمرن بالوزن ده 100 عده !, انت هتحتاج اوزان اعلى ودي في الجيم برضه :) انت مش هتعيش حياتك تلعب باي سيبس :) :)