مشكلتين في الفلوينس٢٠١٤ بنزين و تسارع

**Batman372** · 19-11-2013 11:32 AM

المشاركة الأصلية كتبت بواسطة soha

ده فعلا فكرت فيه النهاردة موضوع الستيبترونيك :) .. عامة أنا إبتديت أتعامل زي ما الآعضاء شرحوا و الدنيا الحمد لله أحسن في موضوع السرعة :)

الستيب ترونيك غير عملى فى الزحمة ... و بالتعود المستمر على الاوتو مع مرور الوقت لا يستخدم ...
و بكثره التعامل و الاحساس بالعربيه حتعرفى تظبطى دوسه البنزين ...
الموضوع عامل كده زى الى لسه متعلمين سواقه مانيوال و مع الوقت بيظبطوا متى ينقلوا الغيار ... الاوتو و خصوصا الفتيس بتاعنا يعتمد على مستوى دوسه البنزين لكى يغير النقله سواء لاعلى او اقل ....
تحياتى ...

**mostafa magdy** · 19-11-2013 11:02 PM

كان معايا الاوكتافيا و فيها نفس الموضوع ( السحب الضعيف نسبيا في البدايه ) و متعود عليه و حاسس أنه مش مشكله
بس زي النا س اللي معاهم العربيه قبلي بكتير قالت ان الموضوع هيتحسن و الوقتي عامل 300 كيلو بس
و مع ذلك فعلا بعد ال 50 بيبقي سحبها جيد جدا
و موضوع البنزين زي ما استاذ أحمد قال لحضرتك
بنزينه محترمه
و اول ما تفولي شوفي عدادك كام .. و التفويله اللي بعدها شوفيها كام .. انا بثق في الطريقه دي أكتر من كمبيوتر العربيه الصراحه
العربيه جميله و محترمه و تستاهل الواحد يصبر عليها و بالتوفيق

**shifo** · 20-11-2013 01:10 AM

المشاركة الأصلية كتبت بواسطة mostafa magdy

كان معايا الاوكتافيا و فيها نفس الموضوع ( السحب الضعيف نسبيا في البدايه ) و متعود عليه و حاسس أنه مش مشكله
بس زي النا س اللي معاهم العربيه قبلي بكتير قالت ان الموضوع هيتحسن و الوقتي عامل 300 كيلو بس
و مع ذلك فعلا بعد ال 50 بيبقي سحبها جيد جدا
و موضوع البنزين زي ما استاذ أحمد قال لحضرتك
بنزينه محترمه
و اول ما تفولي شوفي عدادك كام .. و التفويله اللي بعدها شوفيها كام .. انا بثق في الطريقه دي أكتر من كمبيوتر العربيه الصراحه
العربيه جميله و محترمه و تستاهل الواحد يصبر عليها و بالتوفيق

أخر تجربه لى امس 39 لتر مقابل 501كيلو تشمل داخل المدينه + سفر على الصحراوى - تقريبا 250كيلو فى الصفيحه - اعتقد معقول

**ahmedelfeky** · 20-11-2013 02:32 AM

المشاركة الأصلية كتبت بواسطة bukla

السلام عليكم و رحمة الله و بركاته
ازيكم يا احلي اعضاء في احلي منتدى
احب في الاول ابارك لكل الاعضاء اللي علي الجميلة رينو فلوينس 2014 فيس ليفت ربنا يديكم من خيرها و يكفيكم شرها و تكون عند حسن ظنكم ان شاء الله
اخوكم بفضل الله من اوائل الناس اللي اشتروا الفلوينس في مصر (مايو 2010)
و حابب اقولكم ان بفضل الله لحد انهاردة مازلت مستمتع بالعربية و كأني لسة شاريها جديد
بالنسبة لموضوع النقاش و بما إن عربيتي الفتيس القديم انا ممكن اضيف فكرة بعملها احيانا في ظروف الشوارع شديدة الازدحام ان بجيب الفتيس علي الستيب ترونيك و بكدة بأخذ العزم اللي انا عاوزة تحت اي ظرف خاص بالطريق
بالتوفيق إن شاء الله

يانهار ابيض ايه النور ده بشمهندس محمد

اوائل ناس ايه و مايو 2010 ايه بس يا باشا ده لولا ربنا سبحانه وتعالي ثم انت ورابطه حائزي فلوانس اللي انت عملتهاماكنتش اتباعت في مصر كلنا قرينا المكتوب عن العربيه ف الرابطه وبناءا عليه اشترينا وماندمناش ده انت الاب الروحي للفلوانسيين في مصر جزاك الله كل الخير وربنا يباركلك في عربيتك بس لازم تغير بقي كمان شويه وتجيب الفيس ليفت

**bukla** · 20-11-2013 10:46 AM

المشاركة الأصلية كتبت بواسطة ahmedelfeky

يانهار ابيض ايه النور ده بشمهندس محمد

اوائل ناس ايه و مايو 2010 ايه بس يا باشا ده لولا ربنا سبحانه وتعالي ثم انت ورابطه حائزي فلوانس اللي انت عملتهاماكنتش اتباعت في مصر كلنا قرينا المكتوب عن العربيه ف الرابطه وبناءا عليه اشترينا وماندمناش ده انت الاب الروحي للفلوانسيين في مصر جزاك الله كل الخير وربنا يباركلك في عربيتك بس لازم تغير بقي كمان شويه وتجيب الفيس ليفت:oc_sun1[1]::oc_sun1[1]:

السلام عليكم و رحمة الله و بركاته
يا باشا ده انت و احلي اعضاء في احلي منتدي اللي منورين الدنيا كلها
و جزاك الله كل خير علي كلامك الجميل ده
انت ماتعرفش قد ايه انا بأدعي ربنا انه يبارك لكم في اختياركم و يجعلها محل توفيق ان شاء الله
بالنسبة للتغيير وبالرغم من اني معجب جدا بالفيس ليفت لكن انا مش بفضل تغيير العربية قبل خمس سنوات علي الاقل (انا طبعا اقصد في حالة شراء الزيرو) بالاضافة الي اني و الحمد الله كما ذكرت سابقا ما زلت مستمتعا بعربيتي و بالأوبشنز اللي فيها و كمان الحمد الله مش بأشتكي من اي حاجة مضايقاني في العربية
بالتوفيق ان شاء الله

**bukla** · 21-11-2013 01:24 PM

المشاركة الأصلية كتبت بواسطة batman372

الله يبارك فيك ... منور القسم يا باشا :)
يا ريت لو حضرتك تجرب الفتيس الجديد cvt لو امكن و تعطينا تقرير و رأيك فى الفروقات بينه و بين الاوتو العادى الى عندك ...
تحياتى ...

النور نوركم يا احلي اعضاء في احلي منتدي
ان شاء الله في الصيانة اللي جاية حطلب تيست درايف للفيس ليفت و اقولكم علي احساسي بالفرق بين ال cvt و بين الاوتو العادي