الموضوع: مشكلتين في الفلوينس٢٠١٤ بنزين و تسارع

المشاركة الأصلية كتبت بواسطة soha

السلام عليكم أسرة رينو الكرام :)

رخصت العربية إمبارح الحمد لله و هي فعلا ممتعة
ألف مبروك الأستلام و الترخيص

بس عندي مشكلتين مضايقني جدا

١- إستلمت العربية كانت عاملة ٤١ كم و مفيش بنزين تقريبا. فولت العربية و أخذت ٥٥ لتر .. بعد كده لقيت الكمبيوتر كاتب إن البنزين المتبقي يسمح بالسير ٣٦٠كم فقط !!!!! و كان مبين إن متوسط الإستهلاك بناء علي المعلومات المتراكمة = ٦كم/لتر. مع الوقت إبتدت تزيد ووصلت ل ٥١٠كم و بعد كده نزلت تاني ل ٣٨٠كم.

النهاردة (تاني يوم إستخدام) بقيت عامله ١٤٠كم (بما فيهم ال ٤٠ الي قبل ما أحط بنزين - يعني صافي ١٠٠كم) ، ببص علي الوقود لقيت إستخدم ٢٠ لتر في ال ١٠٠ كم !!!!
حضرتك الكمبيوتر بيحسب متوسطات سواقتك و يحدثها دايما....يعنى من اللى حضرتك كتباه أكيد كنتى فى حتة زحمه جدا أو وقفتى كتير و كنتى ماشية أول تانى طول الوقت علشان كده كنت الأستهلاك مرتفع جدا ٥ كيلو فى اللتر....لو حضرتك مشيتى فى حته مفتوحه هتلاقى كل المتوسطات دى أتعدلت على طول....طبعا متوسطات أستهلاك العربية اللى الصانع كاتبها مبنية على دورة مختلطة من سواقة داخل و خارج االبلد مع بعض
أنا عارفة إن معدل الإستهلاك المفروض جيد جداً و إنه حوالي ٧لتر/١٠٠كم .. بس فيه حاجة أكيد غلط عندي. هل أستني أحكم بعد التفويلة التانية علي أساس تكون كل معدلات العربية إستقرت ولا ماستناش و أروح للتوكيل؟

مفيش داعى تروحى التوكيل....لو مشيتى فى طرق مفتوحه شويه المتوسطات دى هتظبط على طول
٢- تاني مشكلة في السحب .. أنا طبعاً قريت كلام meggieboy عن الفتيس ال cvt و إن التسارع بطئ لغاية ٥٠كم/س و ده كنوع من الحماية بس أنا حسيت النهاردة إن السحب كان بيموت علي مطلع كبري لما إبتدي الطريق يمشي (يعني تحرك من وضع السكون). السحب عامةً بعد ال٥٠كم/س معقول و أول ما بيوصل لل ٦٠كم/س بيصبح جيد. الموضوع خنيق بجد .. هل ده طبيعي؟ السحب في المطلع كان ميّت فعلاً!!

مستنية إفادتكم :)

على فكرة...الcvt بطىء لحد ٥٠ كم/ساعة ده عيب فيه و مش علشان الحماية أو حاجة....معلش لازم الواحد يوضح المعلومة صح....أنا لم أذكر أنه كده للحماية ده من عيوب هذا الفتيس.....و لكن حضرتك لما تكونى فى الموقف ده ما تفضليش تدوسي على الدواسة....ببساطة شيلى رجلك و دوسى تانى أجمد سنه على طول العربية هتفهم أنك فى موقف محتاج عزم أكتر زى المطلع اللى كنتى عليه و هتلاقيها بتستجيب كويس معاكى......جربى و قولى لى بعد ما تشيلى رجلك و ترجعى تدوسي تانى أجمد سنه بسيطة.....ألف مبروك مرة أخرى و العربية مع الفتيس ال cvt محتاجة بس شوية تعود فى البداية لأن سواقته مختلفة بعض الشىء