مقارنه قويه بين تويوتا كرولا 2014 و رينو فلوانس 2014

**Hany Saad** · 12-10-2013 01:24 AM

الله ينور على حضرتك و خد منى كمان بيت الشعر ده علشان الفلوانس الحلوة تكمل:
موتور الفلوانس الفيس ليفت على كاتينه مش سير تقسيم، أعتقد سعر السير اللى أعطوه لحضرتك ده بتاع الفلوانس القديم
يعنى مفيش صيانة كبرى
يعنى مفيش تغيير سير تقسييم
يعنى مش ممكن السير يقطع و تخش فى نص عمره
يعنى مفيش صيانة 60 ألف و مضاعفاتها
يعنى لو سير التكيييف أو الدينامو سهيت عليهم و قطعوا بعد 120 ألف مثلا لن يحدث أى ضرر إلا أن القطع دى (دينامو أو تكييف) هيبطل يشتغل بدون التأثير على الموتور و تروح تغيره باشا و كله تمام
يعنى إعتمادية أعلى

طيب نزود حاجة كمان، هنقارن الفئة اللى ب 185000 من تويوتا مع الفئة اللى ب 188000 من فلوانس و نشوف أخدنا أيه زيادة مع بعض كده علشان كله يبقى واضح:

-أخدنا 6 إيرباج فى الفلوانس مقابل 2 فى الكورولا....أمان
-أخدنا فرش جلد أسود كامل فى الفلوانس مقابل فرش قماش أو نصف/نصف مش متأكد.....فخامة
-أخدنا فتحة سقف (فتح و إمالة و غلق مع الريموت) فى الفلوانس و ماخدناش حاجة فى الكورولا...رفاهية
-أخدنا أنوار Bi Xenon مع بخاخات فى الفلوانس و أنوار هالوجين عادبة فى الكورولا....أمان
-أخدنا Smart Card و فتح و غلق السيارة عن بعد و تشغيل بدون مفتاح و Start/Stop و غلق كل حاجة بما فيها ضم المرايات و فتحة السقف فى الفلوانس و مشفناش ده فى الكورولا....رفاهية التنين
-أخدنا مثبت و محدد سرعة فى الفلوانس و مخدناش حاجة فى الكورولا.....رفاهية فى السفر
-أخدنا كاسيت 8 سماعات من Arkamys فى الفلوانس و مخدناش غير 6 فى الكورولا...رفاهية
-أخدنا سعة تانك بنزين 60 لتر فى الفلوانس و 55 لتر فى الكورولا....أسهل فى السفر
-أخدنا 3 ستاير خلفى فى الفلوانس و مخدناش فى الكورولا...رفاهية و فخامة
-أخدنا مخرج تكييف خلفى فى الفلوانس و مخدناش فى الكورولا....رفاهية
-أخدنا 4 زجاج كهرباء لمسة واحدة طلوع و نزول مع Anti Pinch و مكن رفع مع الSmart Card و مخدناش غير واحد بس بتاع السواق فى الكورولا و مفيش مكن رفع
-أخدنا حساس مطر و حساس إضاءة فى الفلوانس
-أخدنا أنوار أنتظار تشتغل مع الفرامل الفجائية/ABS لتنبيه السائق خلفك....هو فيه كده!!!!
حد فاكر حاجة تانية علشان أنا تعبت.....

كل واحد يشوف بيشترى أيه مقابل فلوسه اللى تعب فيها و ربنا يوفق الجميع للخير.........

**my3fox** · 12-10-2013 01:46 AM

مقارنة رائعة من حضرتك.....طب لو رفعنا مستوي المقارنة لتكون بين أعلي فئة في الفلونس أمام قرينتها أعلي فئة في الكورولا
طبعا هناك فارق سعر و لكن ممكن نضعه أحد نقاط المقارنة
و كذلك نقطة وجود ال ESP أو ال VSC
كذلك الكورولا فيها مثبت سرعة في أعلي فئتين

Sent from my GT-I9300 using Forum Runner

**Hany Saad** · 12-10-2013 01:52 AM

المشاركة الأصلية كتبت بواسطة my3fox

مقارنة رائعة من حضرتك.....طب لو رفعنا مستوي المقارنة لتكون بين أعلي فئة في الفلونس أمام قرينتها أعلي فئة في الكورولا
طبعا هناك فارق سعر و لكن ممكن نضعه أحد نقاط المقارنة
و كذلك نقطة وجود ال esp أو ال vsc
كذلك الكورولا فيها مثبت سرعة في أعلي فئتين

sent from my gt-i9300 using forum runner

للأسف حضرتك حاليا الفئة اللى أنا بقارنها فى الفلوانس دى أعلى فئة التوكيل بينزلها.....
لاحظ بس فرق أربعة أيرباج زيادة و فرش جلد كامل و فوانيس زينون و فتحة سقف دول لوحدهم يعملوا فوق ال ٣٠ ألف جنيه....زود باقى الكماليات و يبقى المقارنة محسومة من بدرى
الموتور تقريبا متساوي و الفتيس هوهو و الوسع فى صالح الفلوانس بفرق بسيط

فى الكورولا أنت بتدفع تمن عملة الين المرتفعة مش تمن الكماليات و الخامة......

**ahmedyaris** · 12-10-2013 03:13 AM

متابع بشده

**my3fox** · 12-10-2013 06:20 AM

بس فيه فئة اللي هي الفلونس e4 HL....اللي سعرها 200 ألف. فيها جنط 17 و شاشة معلومات و نافيجيشن علي ما أعتقد و موجودة علي صفحة الوكيل علي النت
هي دي اللي قصدي ممكن نعلي مستوي المقارنة لما نقارنها بال الكورولا الهاي لاين اللي ب 210 ألف
علي العموم شكرا علي المجهود

Sent from my GT-I9300 using Forum Runner

**عصام غنايم** · 12-10-2013 07:31 AM

عاشت الآيادى على المقارنه المتميزه

انا عن نفسى لو بختار هختار التيوتا تانى فئه اللى ب 185

**fdroubi** · 12-10-2013 09:55 AM

المشاركة الأصلية كتبت بواسطة abdulrahman m

برده مش مقتنع

لو مش مقتنع يبقى توكل على الله واشتري كورولا وابقى افتكرنا بشوية تقارير عن تكلفة الصيانة وسعر اعادة البيع. ما فيش داعي لتقارير اداء العربية علشان احنا عارفين انها تويوتا (مربط الفرس هو تكلفة الصيانة)

بالتوفيق